നിഴലായ് അരികെ -10 [ചെമ്പരത്തി] 359

 

“ഇല്ല……എന്താ…??  ഞാൻ രണ്ടു ദിവസം ആയിട്ട് ലീവ് ആയിരുന്നു….. വന്നപ്പോൾ ആണ് ആ ചെക്കൻ ഇവിടെ നിൽക്കുന്നത്…… ”

 

“പിന്നെ സർ…… നിങ്ങൾ എന്നോട് കാര്യം എന്തെന്ന് പോലും അന്വേഷിക്കാതെ ഷൗട് ചെയ്തതെന്തിനാണ്…അവന്റെ വീട്ടിൽ പോയി സംസാരിക്കുന്ന ഭാഷ എന്നോട് എടുത്തതിന്റെ ആണ് അവനു കിട്ടിയത്… ????

 

നന്ദൻ ആദ്യം മുതൽ ഉണ്ടായ സംഭവങ്ങൾ എല്ലാം പറഞ്ഞു…

 

“എന്തായാലും….. തല്ക്കാലം എനിക്ക് സസ്പെന്ഷന്  തരാൻ അല്ലെ സർ  ഉദ്ദേശിക്കുന്നത്…….പക്ഷെ എനിക്ക് അതിനു താല്പര്യം ഇല്ല…… ഞാൻ രാജി വക്കുകയാണ് ഈ കോളേജിൽ നിന്നും….എന്നെക്കൊണ്ട് കോളേജിന്റെ റെപ്യുറ്റേഷന് നഷ്ടപ്പെട്ടു എന്നൊരു പ്രശ്നം  ഉണ്ടാകേണ്ട….. ”

 

“നന്ദാ….. ഡോ….. ഞാൻ അന്നേരത്തെ ഒരു ദേഷ്യത്തിനു പറഞ്ഞതാടോ……. താൻ സീരിയസ് ആക്കി എടുക്കല്ലേ….പുറത്തു നിൽക്കുന്നവന് ഞാൻ സസ്പെന്ഷന് കൊടുക്കുന്നുണ്ട്……പിന്നെ ആ ബോബിയെ പിരിച്ചു വിടാൻ ഞാൻ റിപ്പോർട്ട്‌ കൊടുക്കാം….. ”

 

“അതൊക്കെ സാറിന്റെ ഇഷ്ടം …….പിന്നെ നിങ്ങൾക്ക് എന്തെങ്കിലും വിശ്വാസം എന്നിലുണ്ടായിരുന്നു എങ്കിൽ, എന്നോട് കാര്യം എന്താണെന്നായിരുന്നു ചോദിക്കേണ്ടിയിരുന്നത്….. പക്ഷെ…..സോറി സർ എന്റെ തീരുമാനത്തിന് മാറ്റം ഇല്ല…. ”

 

“നന്ദൻ സാറെ……”

 

പ്രിൻസിപ്പാൾ തന്റെ  ബഹുമാനം ഒന്ന് കൂട്ടി

 

“താൻ പോയാൽ പുറകെ ആര്യ മിസ്സും രാജി വക്കും… പിന്നെ ബോബിയെ  കൂടി പുറത്താക്കിയാൽ പിന്നെ സ്റ്റാഫ്‌ ഷോർട്ടേജ് ആകും…. ഞാൻ ഇന്ന് തന്നെ ബോബിക്ക് സസ്പെൻഷൻ ലെറ്റർ കൊടുക്കാം……പോരെ…….”

 

“ശരി സർ…….. ഞാൻ രാജി വെക്കുന്നില്ല…. പക്ഷെ ഒരു കാര്യം…….. ബോബിയെയും സസ്‌പെന്റ് ചെയ്യരുത്…..

രണ്ടു ദിവസത്തേക്ക് ആര്യയും ഞാനും ലീവ് ആയിരിക്കും….. ഞങ്ങൾ സസ്പെന്ഷനിൽ ആണെന്നെ എല്ലാവരോടും പറയാവൂ…… ”

 

“അതെന്തിനാടോ……???? ”

 

കണ്ണ് തള്ളി നിൽക്കുന്ന പ്രിൻസിപ്പാളിന്റെ ചോദ്യം കേട്ടില്ലെന്നു നടിച്ചു,

നന്ദൻ ഓഫീസിൽ നിന്നും ഇറങ്ങി സ്റ്റാഫ്‌ റൂമിലേക്ക്‌  നടന്നു…