നിയോഗം Part II (മാലാഖയുടെ കാമുകൻ) 1191

“അവൻ വരും.. വിശക്കുമ്പോൾ വരും…”

അതും പറഞ്ഞു അച്ഛൻ പേപ്പർ എടുത്തു വായിക്കാൻ തോന്നി..

“ഇല്ല അച്ഛാ.. അവൻ ഇനി വരില്ല.. ഭാഗ്യം ഉണ്ടെങ്കിൽ അവൻ പോയി മരിക്കില്ല.. അല്ലെങ്കിൽ ഇന്ന് അറിയാം…”

ഏട്ടന്റെ ശബ്ദം കെട്ട് അച്ഛൻ ഏട്ടനെ നോക്കി..

“അത് നിനക്ക് എങ്ങനെ അറിയാം?”

“ഞാൻ ഒരു ആണായതു കൊണ്ട് എനിക്ക് അറിയാം.. പ്ലസ് ടു ആയപ്പോൾ അവൻ ബോഡി ബിൽഡിംഗ് മതി എന്ന് പറഞ്ഞതിൽ പിന്നെ അവനെ ആരെങ്കിലും സ്നേഹിച്ചിട്ടുണ്ടോ?”

ആരും ഒന്നും മിണ്ടിയില്ല..

“ഈ പറയുന്ന ഞാൻ അടക്കം.. അവനെ സ്നേഹിച്ചിട്ടില്ല.. സ്നേഹം ഇല്ലാഞ്ഞിട്ടല്ല… കാണിക്കേണ്ട എന്നായിരുന്നല്ലോ അച്ഛന്റെ ഓർഡർ.. ഇപ്പൊ എന്തായി?”

അച്ഛൻ ഒന്നും മിണ്ടിയില്ല..

“അവനെ ഓമനിച്ചു വളർത്തിയവർ തന്നെ അവനെ വെറുത്തു.. ജീവിതത്തിൽ ഒരു തീരുമാനം എടുത്തതിന്… എന്തായാലും ഇനി അവൻ വന്നാൽ അവന്റെ ഇഷ്ടത്തിന് വിടുക..”

“പിന്നെ നിന്നോട്….”

ഏട്ടൻ അർച്ചനയ്ക്ക് നേരെ തിരിഞ്ഞു..

“നിനക്ക് അവനെ ഇഷ്ടമാണ് എന്ന് ശില്പ നൂറു പ്രാവശ്യം എന്നോട് പറഞ്ഞിട്ടുണ്ട്.. ആ ഇഷ്ട്ടം സത്യം ആയിരുന്നെങ്കിൽ നീ ഇവരും പറയുന്നത് കെട്ട് അവരുടെ താളത്തിന് തുള്ളാൻ നിൽക്കില്ലായിരുന്നു…”

അതും പറഞ്ഞു ഏട്ടൻ പോയി.. ആരും ഒന്നും മിണ്ടിയില്ല..

****

അതിരാവിലെ മെറിൻ ഐപിഎസ്‌ മാർഷൽ ആർട്സ് പ്രാക്ടീസ് ചെയ്യുകയായിരുന്നു.. അവളുടെ ആപ്പിൾ വാച്ചിൽ ഒരു കാൾ വന്നു.

എസ് ഐ രാജൻ ആണ്. ശക്തൻ ആയ ഒരു പോലീസുകാരൻ ആണ് രാജൻ.

കൊത്തിയെടുത്ത പോലെ ഉള്ള ശരീരം ആണ് അയാളുടെ പ്രേതെകത.. അയാളുടെ വിസ്വസ്തതയും ആരെയും കൂസാത്ത ഭാവവും കൊണ്ട് മെറിന് അയാളെ വലിയ ഇഷ്ടമാണ്…

“യെസ്‌ രാജൻ.. എന്താ രാവിലെ തന്നെ?”

അവൾ വാച്ചിൽ നിന്ന് തന്നെ കാൾ അറ്റൻഡ് ചെയ്തു കിതച്ചു കൊണ്ട് ചോദിച്ചു..

“മാം.. രണ്ടു തലവേദന രാവിലെ തന്നെ ഉണ്ട്..”

“ഓ ഡാം..! എന്താണ്?”

“മാമിന്റെ വീട്ടിലേക്ക് പോകുന്ന ജംഗ്ഷനിലെ രണ്ടു നില വീട് ഇല്ലേ? ആ പെണ്ണ് കേസിൽ ഒക്കെ പെട്ട?”

“യാ അറിയാം.. അവിടെ എന്താ?”

“മാം അയാളെയും ഭാര്യയെയും മകളെയും ഇന്നലെ രാത്രി ആരോ കൊന്നു…റിയൽ കോൾഡ് ബ്ലൂഡഡ് മർഡർ.. “

“വാട്ട്??! “

മെറിൻ ഞെട്ടി…

“അതെ മാം… ഞാൻ ഇവിടെ ഉണ്ട്…”

“ഓക്കെ ഞാൻ വരുന്നു.. അല്ല.. വേറെ ഒരു കാര്യം പറഞ്ഞില്ലേ? എന്താ അത്?”

“ഒരുത്തൻ റെയിൽവെ ട്രാക്കിൽ അരഞ്ഞു കിടക്കുന്നുണ്ട്… ചെറുപ്പക്കാരൻ ആണ്…”

മെറിൻ അടുത്തുള്ള സീറ്റിൽ ഇരുന്നു… അവൾ പെട്ടെന്ന് നിശബ്ദ ആയി..

“ഞാൻ വരാം, രാജൻ…”

അവൾ കാൾ കട്ട് ചെയ്തു.. അവളുടെ മനസ്സിൽ ഇന്നലെ കണ്ട റോഷന്റെ മുഖം ഓടി എത്തി..

വീട്ടിൽ നിന്നും ഇറക്കി വിട്ടു അപമാനിതൻ ആയി കരഞ്ഞ മുഖവും ആയി നിന്ന ചെറുപ്പക്കാരൻ..

പൊലീസിലെ പെൺസിംഹം എന്ന് അറിയപ്പെടുന്ന മെറിന്റെ കണ്ണുകൾ നനഞ്ഞു.. ഞാൻ ആണല്ലോ അവനെ മരണത്തിലേക്ക് തള്ളി വിട്ടത് എന്നൊരു തോന്നൽ..

അവൾ വേഗം കുളിച്ചു പോലീസ് വേഷം ധരിച്ചു പുറത്തിറങ്ങി.. വണ്ടി വന്നിട്ടുണ്ടായിരുന്നു…