നിയോഗം Part II (മാലാഖയുടെ കാമുകൻ) 1182

ഉടൻ തന്നെ ദൂരെ ട്രെയിനിന്റെ ശബ്ദം കേട്ടു… ഞാൻ ഒരു ഞെട്ടലോടെ നിന്ന് അവളെ നോക്കി.. അവൾ കിലുകിലാ വിറച്ചു കൊണ്ട് എന്റെ അരയിൽ ചുറ്റി പിടിച്ചിരിക്കുന്നു…

അയാൾ എണീക്കാൻ നോക്കി എങ്കിലും നടന്നില്ല.. അത്രക്കും കുടിച്ചിട്ടുണ്ട്.. ബാലൻസ് ഒന്നും ഇല്ല.

ട്രെയിൻ അടുത്ത് അടുത്ത് വരുന്നു..

“അവൻ ഇന്ന് ചാകും..”

അതും പറഞ്ഞു ഞാൻ അയാൾ കിടക്കുന്ന അടുത്തേക്ക് നടക്കാൻ നോക്കി..

വേഗം ആയാൾ ചാടി എണീറ്റു ആടി ആടി വീണ്ടും വരാൻ തുടങ്ങി.. ദൂരെ ട്രെയിനിന്റെ വെളിച്ചവും കണ്ടു.. അത് വേഗം അടുത്ത് വരുന്നു… ഹോൺ മുഴക്കി പാഞ്ഞു വരുന്ന ട്രെയിൻ..

“ഡോ ചാകണ്ട എങ്കിൽ ട്രാക്കിൽ നിന്നും മാറ്…”

ഞാൻ ഉച്ചത്തിൽ അലറി…

“പോടാ %#%%”

അവൻ എന്റെ നേരെ ഏതൊക്കെയോ തെറി അലറി വിളിച്ചു.. അപ്പോഴേക്കും അവൻ പിന്നെയും ട്രാക്കിൽ വീണിരുന്നു…

ഒരു നിമിഷം ഞാൻ തറഞ്ഞു നിന്നുപോയി.. എന്നാൽ ട്രെയിനിന്റെ വേഗത ഞാൻ കണക്കു കൂടിയതിന് അപ്പുറം ആയിരുന്നു..

അവൻ കൈ കുത്തി എണീറ്റതും ട്രെയിൻ അവനെ ഇടിച്ചു അടിയിൽ ആക്കി അലറിക്കൊണ്ട് കടന്നുപോയി…

എന്റെ തലയിൽ ഒരു സ്ഫോടനം നടന്നു.. പുറകിലേക്ക് നോക്കി.. അവൾ രണ്ടു ചെവിയും അമർത്തി പിടിച്ചു നിലത്തിരിക്കുന്നു…

ഞാൻ ഓടി അവളുടെ അടുത്ത് എത്തിയപ്പോഴേക്കും ട്രെയിൻ ഞങ്ങളെ കടന്നുപോയി.. ഞാൻ അവളെ വാരി കയ്യിൽ എടുത്തു ആഞ്ഞു ഓടി… വല്ലാത്ത ഒരു അവസ്ഥ ആയിരുന്നു..

കുറച്ചു ദൂരം ഓടി ഞാൻ അവളെ നിലത്തു നിർത്തി കിതച്ചു കൊണ്ട് ട്രക്കിൽ ഇരുന്നു.. അവൾ എന്നെയും വലിച്ചു കൊണ്ട് ഓടി.. എങ്ങോട്ടോ….

***

ഇതൊക്കെ നോക്കി രണ്ടു കണ്ണുകൾ റെയിൽവേ ട്രാക്കിന്റെ അടുത്ത റോഡിൽ ഇരുട്ടിൽ കരിംപുലിയെപോലെ പതുങ്ങി കിടന്ന കറുത്ത റോൾസ് റോയ്സിൽ ഇരുന്നു കാണുന്നുണ്ടായിരുന്നു…

“ജസ്റ്റ് മിസ്ഡ്… ബട്ട് ഐ വിൽ ഹണ്ട് തെം ഡൌൺ….നമുക്ക് ഒന്ന് ടോം ആൻഡ് ജെറി കളിക്കാം അല്ലെ? “

ആ കത്തുന്ന കണ്ണുകളുടെ ഉടമ മെല്ലെ ഡ്രൈവിംഗ് സീറ്റിൽ ഇരുന്ന ആളോട് പറഞ്ഞു…

***

അവൾ എന്നെയും വലിച്ചു കൊണ്ട് ഓടി….

ഏതൊക്കെയോ വീടുകളുടെ ഇടയിലൂടെ.. അവസാനം ഏതോ ഒരു വീട്ടിലേക്ക് കയറി കതക് അകത്തു നിന്നും അടച്ചു കുറ്റി ഇട്ടു നിന്നു കിതച്ചു…

ലൈറ്റ് ഇല്ല അകത്ത്.. ഇരുട്ടിൽ ഞങ്ങൾ രണ്ടുപേരും നിന്നു കിതച്ചു…

ഒരു അര മണിക്കൂറോളം അങ്ങനെ നിന്നിട്ടുണ്ടാകണം.. പെട്ടെന്ന് ലൈറ്റ് തെളിഞ്ഞു…

ഞാൻ ഒന്ന് ഞെട്ടി.. അവൾ ആണ്..

“ആ തെണ്ടി ചത്തിട്ടുണ്ടാകും അല്ലെ? ഇനി ഇവിടെ പെണ്ണുങ്ങൾക്ക് സമാധാനം ഉണ്ടാകും…”

അവൾ അത് പറഞ്ഞു എന്നെ നോക്കി..

ഞാൻ ചുറ്റിനും നോക്കി.. ചെറിയ ഒരു വീട്. ഒരു ബെഡ്‌റൂം കാണാം.. ഒരു മേശ അതിൽ എന്തൊക്കെയോ കവറുകൾ അടുത്ത് പകുതി തീർത്ത ഒരു മദ്യക്കുപ്പി.. നല്ല വൃത്തി ഉണ്ട്…

“ഇത് നിന്റെ വീട് ആണോ?”

ഞാൻ അവളെ നോക്കി..

“അതെ.. അവർ ഉണ്ടായിരുന്നപ്പോൾ എനിക്ക് ഒരു കൂട്ട് ഉണ്ടായിരുന്നു.. എന്നാൽ ഇന്ന് അവൻ എന്നെ പിടിക്കാൻ വന്നതാണ്.. അര കുപ്പിയോളം ബ്രാണ്ടി എന്റെ വായിൽ ഒഴിച്ചു… ഞാൻ ഒരുവിധം ഓടി പോയതാണ്…

അപ്പോൾ ട്രെയിൻ വരുന്നത് കണ്ടു.. ട്രാക്കിൽ കയറി നിന്നപ്പോൾ ആണ് കുറച്ചു മുൻപിൽ നീ കയ്യും നിവർത്തി നിൽക്കുന്നത് കണ്ടത്… എന്തോ തോന്നി വലിച്ചു മാറ്റിയതാണ്….”

അവൾ കിതച്ചു കൊണ്ട് ഇത്രയും പറഞ്ഞു.. എന്നിട്ട് അവൾ ആ മേശയിൽ ഇരുന്ന ഒരു മിനറൽ വാട്ടറിന്റെ കുപ്പി തുറന്നു കുടിച്ചു..