നിയോഗം Part II (മാലാഖയുടെ കാമുകൻ) 1182

***

ഞാൻ പറഞ്ഞു തീർന്നപ്പോൾ മീനാക്ഷി എന്നെ നോക്കി ഇരുന്നു.. അവളുടെ കണ്ണുകൾ നിറഞ്ഞിട്ടുണ്ടായിരുന്നു..

“ആരും ഇല്ലാത്തതാണ് നല്ലത് എന്ന് എനിക്ക് തോന്നുന്നു റോഷൻ.. എന്നെപോലെ…”

അവൾ മെല്ലെ പറഞ്ഞു..

ഞാൻ മറുപടി ഒന്നും പറഞ്ഞില്ല..

“പിന്നെ.. നീ ചാകേണ്ടവൻ ഒന്നും അല്ല.. ജീവിച്ചു കാണിച്ചു കൊടുക്കണം.. “

അവൾ എന്റെ കവിളിൽ തലോടി.. എന്നിട്ട് എന്റെ കൈ പിടിച്ചു അവളുടെ നെഞ്ചത്തു വച്ചു..

“ഞാൻ ഉണ്ടാകും കൂടെ…”

എനിക്ക് അത് കേട്ടപ്പോൾ വലിയ ആശ്വാസം തോന്നി..

വലിയ പരിചയം ഇല്ലെങ്കിലും അവൾ വേണ്ടപെട്ടവൾ ആയി മാറിയിരുന്നു.. അവൾക്കും അങ്ങനെ തന്നെ എന്ന് തോന്നി..

“അവൻ ചത്തിട്ടുണ്ടാകുമോ?”

ഞാൻ അവളോട് ചോദിച്ചു..

“ഇല്ല.. ജീവിക്കും.. ട്രെയിൻ ഇടിച്ചാൽ ആന വരെ ചാകും ചെക്കാ.. പിന്നെയാണോ മനുഷ്യൻ?”

“അത് ശരിയാണ്.. ഇനി നമ്മൾ കൊന്നു എന്ന് പോലീസ് പറയുമോ ?”

“നമ്മൾ അവന്റെ ദേഹത്ത് പോലും തൊട്ടിട്ടില്ല.. എന്നാലും ഇന്നലെ ഞാൻ ഇവിടെ നിന്നും ഇറങ്ങി ഓടുമ്പോൾ നോക്കി നിന്ന ആളുകൾ ഉണ്ട്… അവർ ചിലപ്പോൾ ഞാൻ കൊന്നതാണെന്നു പറയും.. കുറച്ചു ആണുങ്ങൾ ഉണ്ട് ഇവിടെ എന്റെ പുറകെ…. “

അവൾ എന്റെ മുഖത്ത് നോക്കി..

ഞാൻ ഒന്ന് ചിരിച്ചു..

“എന്ത് കണ്ടിട്ടാ ഇളിക്കുന്നത്? സീരിയസ് ആയിട്ട് പറയുമ്പോൾ നീ ഒരുമാതിരി…..”

അവൾക്ക് ദേഷ്യം വന്നു..

“എന്ത് കണ്ടിട്ടാ അവന്മാർ നിന്റെ പുറകെ എന്ന് ആലോചിച്ചത് ആണ്..”

അവൾ എന്നെ നീരസത്തോടെ നോക്കി..

“പിണങ്ങേണ്ട… നീ സുന്ദരി ആയത് കൊണ്ടാണ് ഇവന്മാർ നിന്റെ പുറകെ ഇങ്ങനെ.. ഡോണ്ട് ബി സില്ലി…”

അത് കേട്ടപ്പോൾ അവൾ എന്നെ കണ്ണുകൾ ഉയർത്തി ഒന്ന് നോക്കി.. ഒരു കൊച്ചു പുഞ്ചിരി…

“അറിയുന്ന ഒരു പൊലീസുകാരി ഉണ്ട്‌.. അവളോട് കാര്യം പറഞ്ഞാലോ?”

“പണി ആവുമോ?”

അവൾ സംശയത്തോടെ ചോദിച്ചു..

“നോക്കാം… വിളിക്കട്ടെ? നിന്റെ ഫോൺ വേണം… “

അവൾ ഫോൺ എടുത്തു തന്നു.. ഞാൻ നിലത്തു കിടന്ന കുർത്തയിൽ നിന്നും മെറിൻ എസിപിയുടെ കാർഡ് എടുത്തു നമ്പർ ഡയല് ചെയ്തു..

“മെറിൻ തോമസ്….”

“മാം.. ഒരു കാര്യം പറയാൻ….”

“അല്പം കഴിഞ്ഞു വിളിക്കു… “

“മാം.. ഞാൻ റോഷൻ ആണ്.. ഇന്നലെ രാത്രി കണ്ട…”

“വാട്ട്? റോഷൻ? ഓ ഗോഡ്.. നീ നീ എന്റെ മോനെ…..”

കുറച്ചു നേരത്തേക്ക് അനക്കം ഒന്നും കേട്ടില്ല..

“മാം?”

“yeah.. സോറി.. ഇന്നലെ ഒരു ബോഡി ട്രാക്കിൽ കിടക്കുന്നുണ്ടായിരുന്നു… അത് നീയാണെന്നു വിചാരിച്ചു… “

“മാം.. അതിനെപ്പറ്റി പറയാൻ ആണ് ഞാൻ വിളിച്ചത്…”

“അതിനെപ്പറ്റി നിനക്ക് എന്തറിയാം?”

സ്വരം മാറി പോലീസുകാരിയുടെ സ്വരം ആയി..

“നേരിട്ട് കാണാൻ പറ്റുമോ മാം? എന്റെ ഒപ്പം ഒരാൾ കൂടെ ഉണ്ട്…”

“ഓക്കേ.. എവിടെ ആണ് നിങ്ങൾ?”

“നമ്മൾ എവിടെ ആണ്?”

ഞാൻ മീനാക്ഷിയോട് ചോദിച്ചു.. അവൾ അതിനടുത്തുള്ള ഒരു ലൊക്കേഷൻ പറഞ്ഞു.. ഞങ്ങൾ അങ്ങോട്ടു വരാം എന്ന് പറഞ്ഞു അവൾ ഫോൺ വച്ചു..