നിയോഗം Part II (മാലാഖയുടെ കാമുകൻ) 1191

എന്നിട്ട് എന്റെ കൈ പിടിച്ചു വലിച്ചു ബെഡ്റൂമിലേക്ക് കൊണ്ടുപോയി..

അവൾ കൊച്ചു അലമാര തുറന്നു ഒരു മുണ്ട് എടുത്തു എനിക്ക് തന്നു…

“ഉടുക്ക്.. എന്റെ തന്നെ ആണ്..”

അവൾ അതും പറഞ്ഞു ചിരിച്ചു.. ഞാൻ തിരിഞ്ഞു നിന്ന് വേഷം മാറ്റാൻ പോയപ്പോൾ ആണ് എന്തോ ശബ്ദം കേട്ടത്.. തിരിഞ്ഞു നോക്കിയപ്പോൾ അവൾ നിലത്തു വീണു കിടക്കുന്നു.

“ചാകും നമ്മൾ…”

കുടിച്ചത് മൊത്തം തലയിൽ കയറി ഇതിന്.. എനിക്ക് ചിരി വന്നു..

അലമാര തുറന്നു ഞാൻ ഒരു നൈറ്റി എടുത്തു. ഒരു മടക്കി വച്ച ടവൽ കൂടി എടുത്തു അവളെ ആദ്യം തോർത്തി…

ഞാൻ നൈറ്റി അവളെക്കൊണ്ട് ബലം ആയി ഇടീപ്പിക്കാൻ ശ്രമിച്ചു.. അവൾ എന്തൊക്കെയോ പറഞ്ഞു ചിരിക്കുന്നുണ്ടായിരുന്നു..

ഒരു വിധം അവൾക്ക് നനഞ്ഞ സാരി മാറി നൈറ്റി ഇട്ടു കൊടുത്തു..അതിനു ശേഷം ചേർത്ത് നിർത്തി തല തോർത്തി..

“ഞാൻ മരിച്ചു.. ട്രെയിൻ വരുന്നു.. ചാട്….”

അവളുടെ കണ്ണുകൾ കൂമ്പി പോകുന്നു.. എന്തൊക്കെയോ വിളിച്ചു പറയുന്നുണ്ട്..

ഞാൻ അവളെ ബെഡിലേക്ക് കിടത്തി.. ഞാനും തോർത്തി അവൾ തന്ന മുണ്ട് എടുത്ത് ഉടുത്തു..

അവൾ ചെറുതായി ഉറക്കം പിടിച്ചു തുടങ്ങി…
എനിക്കും നല്ല ക്ഷീണം തോന്നി…

ഞാനും അവളുടെ അടുത്ത് കിടന്നു.. നിദ്രാദേവി വളരെ വേഗം തന്നെ എന്നെ അങ്ങ് കൊണ്ടുപോയി…

***

ഏടത്തിയുടെ പൊട്ടിക്കരച്ചിലും ഒക്കെ കണ്ട അച്ഛൻ ഒന്ന് പകച്ചു..

എന്നാൽ നിമിഷ നേരം കൊണ്ട് അതൊക്കെ മാറി സ്വതവേ ഉള്ള അഹങ്കാരം വന്നു..

“അവൻ എവിടെ പോകാൻ ആണ്? വിശക്കുമ്പോൾ വന്നു കയറിക്കോളും.. ഇതുവരെ എന്റെ ചിലവിൽ അല്ലെ ജീവിച്ചത്? “

അതും പറഞ്ഞു അച്ഛൻ ആകത്തേക്ക് പോയി..

ഏട്ടൻ ഏട്ടത്തിയെ വലിച്ചു പൊക്കി..

“എന്താ കാര്യം?”

അമ്മയോടാണ് ചോദിച്ചത്..

“അവളുടെ വയറ്റിൽ പിന്ന് കുത്തിയതാണ്.. അവൻ ഒന്നും ചെയ്തതൊന്നും അല്ല…”

അമ്മ മുഖം കുനിച്ചു പറഞ്ഞു..

ഏട്ടന്റെ മുഖത്ത് കുറ്റബോധം വന്നു..

“അവൻ തൊട്ടാൽ വിളിച്ചു കരഞ്ഞാൽ മതി എന്ന് ഓതി കൊടുത്തതെല്ലേ തള്ളയും മരുമോളും കൂടി?”

അത് കേട്ടതോടെ ഏട്ടത്തി കരച്ചിൽ നിർത്തി ഏട്ടനെ നോക്കി.. ഏട്ടൻ ഒന്ന് ചിരിച്ചു..

“ഇനി അവൻ വരില്ല.. എനിക്കറിയാം.. ഞാൻ ആണെങ്കിൽ എന്റെ ശവം പോലും നിങ്ങൾക്ക് കിട്ടാത്ത വിധം ഞാൻ പോകുമായിരുന്നു.. അവനെ വഞ്ചിച്ചവർ ആണ് നമ്മൾ എല്ലാം.. സ്വന്തം തള്ളയും എന്റെ ഭാര്യയും വരെ അവനെ ചതിച്ചു….”

“ഞാൻ എന്ത് ചെയ്തു?”

അമ്മ ഏട്ടനെ പകച്ചു നോക്കി..

“തള്ളെ നാണം ഇല്ലേ നിങ്ങൾക്ക്? കല്യാണം കഴിഞ്ഞ ദിവസം തന്നെ.. ? അവൾക്ക് അവനെ ഇഷ്ടമായിരുന്നു.. അവനു അവളെയും.. അതിനിടയിൽ കുത്തിത്തിരിപ്പ് ഉണ്ടാക്കി നിങ്ങൾ തന്നെ കാര്യം അറിയാതെ അവനെ തല്ലി…”

“ഞാൻ.. ഞാൻ.. അവനെ നമ്മുടെ വഴിയിൽ വരുത്താൻ… “

“എന്ത് വരുത്താൻ? എന്നിട്ട് ഓടി പോയി കാര്യം എന്താ എന്ന് പോലും ചോദിക്കാതെ അവനെ തല്ലി ഇറക്കിവിട്ടു… അമ്മയും കൊള്ളാം, എന്റെ ഭാര്യയും കൊള്ളാം വന്നുകയറിയ പെണ്ണും കൊള്ളാം..”

അത് പറഞ്ഞു ഏട്ടൻ അകത്തു കയറിപ്പോയി.. ബന്ധുക്കൾ ചിലർ അതൊക്കെ കേട്ടു അവിടെ ഒക്കെ ആയി നിൽക്കുന്നുണ്ടായിരുന്നു..

അന്ന് ആരും ഉറങ്ങിയില്ല.. നേരം വെളുത്തു.. എല്ലാവരും ഹാളിൽ ഉണ്ടായിരുന്നു..

അർച്ചന ഒരു അക്ഷരം പോലും മിണ്ടിയിരുന്നില്ല.. എല്ലാവരും ഓരോരുത്തരെ കുറ്റപ്പെടുത്തി സംസാരിച്ചു..