നിയോഗം Part II (മാലാഖയുടെ കാമുകൻ) 1191

ഞാൻ വെള്ള മുണ്ട് എടുത്തു ഉടുത്തു.. കുറച്ചു അഴുക്ക് ഉണ്ടായിരുന്നു എന്നാലും കുർത്ത തന്നെ ഇട്ടു.. അവൾ വേഗം ഒരു സാരി വലിച്ചു ചുറ്റി..

ഞാൻ അവൾ സാരി ഉടുക്കുന്നത് നോക്കിയപ്പോൾ അവൾ എനിക്കൊരു പുഞ്ചിരി സമ്മാനിച്ചു..

ഞങ്ങൾ പുറത്ത് ഇറങ്ങി..

അവൾ വീടിനു സൈഡിൽ ഉണ്ടായിരുന്ന ഒരു സ്കൂട്ടി ഇറക്കുമ്പോൾ ഒരു 40-45 വയസ് പ്രായം ചെന്ന ഒരാൾ അപ്പുറത്ത് നിൽക്കുന്നുണ്ടായിരുന്നു..

“ആഹാ നീ പുതിയ ബിസിനസ് തുടങ്ങിയോ? എനിക്കും ചാൻസ് ഉണ്ടോ മോളെ?”

അയാൾ വിളിച്ചു ചോദിച്ചു..

“ഉണ്ട്.. നിന്റെ അമ്മയുടെ അടുത്ത് ചെന്ന് ചോദിക്ക്..“

അവൾ എടുത്തടിച്ചത് പോലെ തിരിച്ചു ചോദിച്ചു.. അയാൾ എന്തോ പറഞ്ഞു വീട്ടിൽ കയറിപോയപ്പോൾ അവൾ എന്നെ നോക്കി ചിരിച്ചു..

ഞങ്ങൾ അവിടെ എത്തിയപ്പോൾ മെറിന്റെ വണ്ടി അവിടെ ഉണ്ടായിരുന്നു..

എന്നെ കണ്ടപ്പോൾ അവർ ഒന്ന് പുഞ്ചിരിച്ചു..

“നീ എന്നെ ഒന്ന് പേടിപ്പിച്ചു മോനെ…”

അവൾ മെല്ലെ പറഞ്ഞു ചിരിച്ചു..

“ഇതാരാ?”

മീനാക്ഷിയെ കണ്ട് മെറിൻ എന്നോട് ചോദിച്ചു..

“ഇന്നലെ പരിചയപ്പെട്ടതാണ്.. റെയിൽവേ ട്രാക്കിൽ വച്ച്…”

ഞാൻ അത് പറഞ്ഞപ്പോൾ

മെറിൻ എന്നെ ഒന്ന് നോക്കി.. അവളെയും..

ഞാൻ കാര്യങ്ങൾ ഒക്കെ പറഞ്ഞു.. അതൊക്കെ കാറിൽ ചാരി നിന്ന് മെറിൻ കെട്ടു..

“കുട്ടി.. നിനക്ക് ഇത്ര പ്രോബ്ലം ഉണ്ടായിരുന്നെങ്കിൽ നിനക്ക് പോലീസിൽ പരാതി പറഞ്ഞു കൂടായിരുന്നോ? രണ്ടെണ്ണവും കണക്കാ.. ഒരു പ്രശ്‌നം വരുമ്പോൾ മരിക്കുകയാണോ വേണ്ടത്? “
മെറിൻ ദേഷ്യപ്പെട്ടു..

“പറഞ്ഞു മാം.. പോലീസുകാർ തന്നെ മോശം ആയാണ് എന്നോട് പെരുമാറിയത്…അവർ ആയിരുന്നു പിന്നെ ശല്യം”

മീനാക്ഷി മറുപടി കൊടുത്തു..

“ഛെ…..! “

മെറിൻ ദേഷ്യം കൊണ്ട് വിറച്ചു

“ഏത് പോലീസുകാരൻ ആണെന്ന് ഒന്ന് കാണിച്ചു തരാമോ നിനക്ക്‌?”

“എന്തിനാ മാം.. മാം എങ്ങാനും സ്ഥലം മാറി പോയാൽ പിന്നെ എന്നെ ബാക്കി വച്ചേക്കില്ല.. ഞാൻ.. ഇനി കുഴപ്പമില്ല.. വലിയ ശല്യം ആണ് ചത്തത്…”

അവൾ അത് പറഞ്ഞപ്പോൾ മെറിൻ വേറെ ഒന്നും പറഞ്ഞില്ല..

“ഇതിൽ നിങ്ങൾക്ക് ഒരു കുഴപ്പവും വരില്ല.. സ്വയം പോയതല്ലേ? പിന്നെ ആരും പരാതി ആയി വന്നിട്ടും ഇല്ല.. ഇൻ ഫാക്ട്..
ഇപ്പോഴാണ് അത് ആരാണെന്നു അറിയുന്നത്.. ഞാൻ വിചാരിച്ചു ഇവൻ ആണെന്ന്…ഇവന്റെ വീട്ടിൽ പോയി വന്നു നോക്കാൻ പറഞ്ഞിരുന്നു….”

“ഞാൻ ചത്തു എന്ന് കേട്ടപ്പോൾ എല്ലാവരും സന്തോഷിച്ചിട്ടുണ്ടാകും അല്ലെ?”

ഞാൻ അവളോട് ചോദിച്ചു.. അവൾ എന്നെ ഒന്ന് നോക്കി..

ഉടനെ അവൾക്ക് ഒരു കാൾ വന്നു..

“യെസ്‌ രാജൻ..?”

അവൾ ഫോൺ ചെവിയോട് ചേർത്ത് പറഞ്ഞു…

“വേണ്ട വേണ്ട.. അവൻ ജീവനോടെ ഉണ്ട് എന്ന് പറ.. എന്റെ മുൻപിൽ ഉണ്ട്.. കൂടുതൽ ഒന്നും പറയണ്ട..”

അവൾ അതും പറഞ്ഞു ഫോൺ വച്ചു..

“അങ്ങനെ ഒന്നും അല്ലടാ.. എല്ലാവരും തകർന്നു ഇരിക്കുകയാണ്.. പ്രേതെകിച്ചും നിന്റെ ഭാര്യ.. പിന്നെ നിന്റെ ചേച്ചി…, നിന്റെ ചേട്ടൻ ആണ് ഇപ്പോൾ അവിടെ വന്നത്.. ഐഡന്റിഫൈ ചെയ്യാൻ..”

“മുതലക്കണ്ണീർ ആയിരിക്കും.. അവർ ആണ് എല്ലാത്തിനും കാരണം….”

ഞാൻ ദേഷ്യത്തിൽ പറഞ്ഞു..