നിയോഗം 3 The Fate Of Angels Part III [മാലാഖയുടെ കാമുകൻ] 3856

“അമ്മേ…..!”

കൃതിരിന് പെണ്ണുങ്ങൾ ഒരുമിച്ചു അവളെ വിളിച്ചു.. അതുകണ്ടു അവരൊക്കെ വല്ലാതെ പേടിച്ചിരുന്നു..

ക്വീൻ അല്പം കുനിഞ്ഞു വയർ പൊത്തി അയാളെ നോക്കി.. വയറു പൊത്തി നിന്ന അവളെ അയാൾ ചാടി ഉയർന്നു ചവുട്ടി…

അതിശക്തമായ ആ ചവിട്ട് നെഞ്ചിൽ തന്നെ കൊണ്ടു ക്വീൻ ദൂരേക്ക് തെറിച്ചുപോയി കമിഴ്ന്നു വീണു.. ഒരു അലർച്ചയോടെ…

അവൾക്ക് അനക്കം ഇല്ലായിരുന്നു…

കൃതിരിൻ പെണ്ണുങ്ങൾ അത് ഞെട്ടലോടെയാണ് കണ്ടത്… ജനറൽ അവളുടെ അടുത്തേക്ക് നടന്നപ്പോൾ ഡിസംബർ വില്ല് കയ്യിൽ എടുത്തു..

ഉടനെ അതിൽ ഒരു പിടുത്തം വീണു.. ഡിസംബർ നോക്കി..

വിക്ടോറിയ.. അവൾ അരുത് എന്ന് തല കാണിച്ചു.. അതോടെ ഡിസംബർ വില്ലു താഴ്ത്തി.. നിരാശയോടെ..

അയാൾ ക്വീൻ കിടന്ന ഇടത്തെത്തി..

“ക്വീൻ ഓഫ് മെയ്‌വൂൺ.. ഗുഡ് ബൈ.. നിങ്ങളുടെ അമ്മയോട് യാത്ര പറയു കുട്ടികളെ…”

ജനറൽ കമിഴ്ന്നു കിടന്ന ക്വീനിനെ ചവുട്ടി നിവർത്തി.. അതിനു ശേഷം അലറിക്കൊണ്ട് അവൾക്ക് നേരെ വാൾ കൊണ്ട് ആഞ്ഞു വെട്ടി..

എല്ലാവരും ഞെട്ടി വിറച്ചു… പക്ഷെ അവർ കണ്ടത് തെറിച്ചു പോകുന്ന ജനറലിനെ ആണ്…

ഡിസംബർ വിക്ടോറിയയെ നോക്കി.. അവൾ പുഞ്ചിരിച്ചു..

മലർന്നു അടിച്ചു വീണ ജനറൽ ചാടിയെഴുന്നേറ്റു.. അതിശയത്തോടെ.. അയാളുടെ വാൾ തെറിച്ചുപോയിരുന്നു.

എഴുന്നേറ്റ് നിൽക്കുന്ന ക്വീനിനെ ആണ് അയാൾ കണ്ടത്.. അവൾ അയാൾ വെട്ടുന്നതിന് മുൻപേ അയാളെ ചവുട്ടി തെറിപ്പിച്ചത് ആയിരുന്നു..

ക്വീൻ നിലത്തു നിന്നും മണ്ണെടുത്തു അവളുടെ മുറിവിൽ തേച്ചു. ഹെൽമെറ്റ് ഊരി വലിച്ചറിഞ്ഞു.. കത്തുന്ന കണ്ണുകൾ…