നന്ദന 6 [ Rivana ] 124

എന്റെ ഇത്രയും എഫേർട്ട് എടുത്തുള്ള പഠനം ഒക്കെ കണ്ട് റോയി എന്നെ എപ്പോയും കളിയാക്കും ബുജിയെന്നും പുസ്തക തീനി എന്നൊക്കെ പറഞ്ഞു അതിനൊക്കെ ഞാൻ മറുപടി പുഞ്ചിരിയിൽ ഒതുക്കി അല്ലാതെ മറ്റൊന്നും എനിക്ക് നൽകാനില്ലയിരുന്നു.

ഞാൻ എന്റെ സ്വപ്നങ്ങൾക്ക് പിന്നാലെ പോകുന്നു അത് കാണുമ്പോ ചിലർക്ക്‌ തമാശ ആയി തോന്നാം അത് ഞാൻ കാര്യമാക്കി എടുക്കേണ്ടതില്ല അതിന് നിന്നാൽ അതിനെ നേരം കാണു.

അങ്ങനെ ഞാൻ എന്റെ ഡിഗ്രി കഴിയുമ്പോയേക്കും എൻട്രൻസ് എക്സാം ഒക്കെ എഴുതി നല്ല റാങ്കോട് കൂടെ തന്നേ പാസായി എന്റെ കുറച്ചു കാലത്തെ കഷ്ട്ടപാട് ശെരിക്കും ആ എക്സാം റിസൾട്ടിൽ കണ്ടിരുന്നു.

അത് കണ്ടപ്പോ എനിക്ക് ഉണ്ടായ സന്തോഷത്തിന് അതിരില്ലായിരുന്നു. ഇതറിഞ്ഞു അച്ഛനും ഭയങ്കര സന്തോഷമായി. അച്ഛൻ എനിക്കായി പുതിയൊരു ഫോണും ഒരു സ്വർണ മാലയും പിന്നെ പുതിയ കുറച്ചു ഡ്രെസ്സുകളും ഒക്കെ വാങ്ങി തന്ന് അച്ഛന്റെ സന്തോഷം എന്നെ അറിയിച്ചു.

എന്റെ ജീവിതത്തിലെ ഏറ്റവും ബിഗെസ്റ്റ്‌ ഹാപ്പി മൊമെന്റ് ആയിരുന്നു അന്ന്. അച്ഛനിൽ കണ്ട സന്തോഷം ഒരിക്കലും ഞാൻ മറക്കില്ല. ഒരു മകൾ കാരണം നാട്ടുകാരുടെയും ബന്ധുക്കളുടെയും ഇടയിൽ വലിയൊരു സ്ഥാനം കിട്ടുകയായിരുന്നു അച്ഛന്.

എൻട്രൻസ് കൂടെ എനിക്ക് മദ്രാസ് മെഡിക്കൽ കോളേജ്, ചെന്നൈയിൽ ഗവണ്മെന്റ് മെറിറ്റ് സീറ്റ് തന്നെ കിട്ടി. എനിക്ക് അവിടെ എല്ലാ കാര്യങ്ങളും ഗവണ്മെന്റ് ചിലവിൽ തന്നെയായിരുന്നു. ഹോസ്റ്റൽ ചിലവ് വരെ.

ഒരു മാസത്തിനുള്ളിൽ അവിടെ അഡ്മിഷൻ എടുക്കണം എന്നറിയിപ്പും കിട്ടി. ചെന്നെയിൽ അവിടെ നിന്ന് പഠിക്കണം എന്നറിഞ്ഞപ്പോൾ അച്ഛന് അത് വരെ ഇല്ലാത്ത സങ്കടവും വിഷമവും എതിർപ്പും വന്നു.

മൂപ്പർക്ക് എന്നെ കാണാതിരിക്കാൻ വയ്യ അതാണ് കാര്യം. അല്ലാതെ എന്നെ പഠിച്ചു ഒരു നേഴ്സ് ആയി കാണാൻ കൊതി ഇല്ലാഞ്ഞിട്ടല്ല. അച്ഛന്റെ ആ എതിർപ്പും സങ്കടവുമൊക്കെ ഇല്ലാതാക്കാൻ എനിക്ക് വലിയ ബുദ്ധിമുട്ട് ഒന്നും ഇല്ലായിരുന്നു.

അച്ഛനോട് ഒന്ന് സംസാരിച്ചപ്പോഴേക്കും എന്നോട് പോവാൻ പൂർണ മനസോടെ സമ്മതിച്ചു.

ഞാനും അച്ഛനും ഒരുമിച്ചു ചെന്നൈയിൽ കോളേജിലേക്ക് പോയാണ് അഡ്മിഷൻ എടുത്തത്.

ചെന്നെയിൽ എത്തി കോളേജ് കണ്ടപ്പോ ഞാനും അച്ഛനും ബോധം കേട്ട്‌ വീണില്ലെന്നേ ഉള്ളൂ അത്രയും വലിയ കോളേജും ക്യാമ്പസുമായിരുന്നു അത്‌.