നന്ദന 6 [ Rivana ] 124

 

ഞാൻ പഴയ പോലെ ഇപ്പോൾ ക്ലാസ്സിൽ ശ്രദ്ധിക്കാൻ തുടങ്ങി. അതോടൊപ്പം പാതി വഴിയിൽ ഉപേക്ഷിച്ച എന്റെ നേഴ്സിംഗിന്റെ സ്വപ്നം വീണ്ടും എന്നിലേക്ക് പൂർവാധികം കരുത്തോടെ കയറി വന്നു.

 

ഞാൻ അതിന്റെ ഭാഗമായി എൻട്രൻസ് എക്സാം എഴുതാൻ ഉറപ്പിച്ചു. എന്റെ ഈ ഡിഗ്രി കഴിയുമ്പോളേക്കും എൻട്രൻസ് എക്സാം ഏഴുതാം എന്ന തീരുമാനത്തിൽ എത്തി ചേർന്നു.

 

ഒന്നര വർഷത്തിന് മുകളിൽ ഉണ്ട് ഇനി ഡിഗ്രി കംപ്ലീറ്റ് ചെയ്യാൻ. അതിനാൽ അതോടൊപ്പം എൻട്രൻസ് പഠിക്കാൻ വലിയ ബുദ്ധിമുട്ട് ഉണ്ടാവില്ലെന്ന് ഞാൻ കണക്കു കൂട്ടി.

 

ശനിയും ഞായറും ഞാൻ ഒരു എൻട്രൻസ് കോച്ചിങ് സെന്ററിൽ പോയി പഠിക്കാൻ തുടങ്ങി, കൂടാതെ ഡിഗ്രിയെക്കാൾ പ്രാധാന്യം ഞാൻ എൻട്രൻസിന് കൊടുത്തു. അതിന് വേണ്ടി നന്നായി ഞാൻ കഷ്ട്ട പെടാൻ തുടങ്ങി.

 

എങ്ങനെയും ഈ ഒന്നര വർഷം കൊണ്ട് എൻട്രൻസ് എഴുതി നല്ല മാർക്കോട് കൂടെ ഗവണ്മെന്റ് കോളേജിൽ നഴ്സിംഗിന് പോകണം എന്നുറപ്പിച്ചു.

 

ഇതിനിടയിൽ ഡിഗ്രിയും ഞാൻ നോക്കുന്നുണ്ട്. ക്ലാസുകളിൽ ടീച്ചേർസ് എടുക്കുന്നത് എല്ലാം ഞാൻ ശ്രദ്ധിച്ചു ഇരുന്നു. പിന്നെ എക്സാമിന്റെ ടൈമിൽ ഒന്ന് റെഫർ ചെയ്യുകയും ചെയ്തു അത്രമാത്രം വേണ്ടിയിരുന്നുള്ളു കുഴപ്പം ഇല്ലാതെ ഡിഗ്രി പാസാക്കാൻ.

 

ചുരുക്കി പറഞ്ഞാൽ ഞാൻ പത്താം ക്ലാസ്സിൽ പഠിക്കുമ്പോ എങ്ങനെ ആയിരുന്നോ അത് പോലെയായി ഇപ്പൊ. പഠനത്തിൽ മാത്രം കോൺസെൻട്രഷൻ, ഒരേ ഒരു ഡ്രീം നഴ്സിംഗ്, അതെങ്ങനെയും സാധിച്ചെടുക്കണം എന്നുള്ള വാശി.

 

അതെന്നെ ആകെ മാറ്റി എടുത്തു പഴയ സന്തോഷവും സമാധാനവും ഒക്കെ എന്നിലേക്ക് കടന്ന് വന്നു.