നന്ദന 6 [ Rivana ] 124

“ പിന്നെ എനിക്ക് നിന്നോട് സീരിയസായുള്ള ഒരു കാര്യം പറയാനുണ്ട് “ അവൻ ടെസയുടെ കാര്യമാണ് പറയാൻ പോകുന്നതെന്ന് എനിക് അറിയാമായിരുന്നു. അവൻ പറയാൻ പോകുന്ന കാര്യം എന്താണ് എന്നറിയാവുന്നത് കൊണ്ട് ഞാൻ അതിൽ വലിയ ശ്രദ്ധ കൊടുക്കാതെ ഇരുന്നു.

“ ഗുഡ് മോർണിംഗ് മിസ്സ്‌ “ അവൻ പറയാൻ നിക്കുമ്പോഴാണ് ടീച്ചർ ക്ലാസിലേക്ക് കയറിയത്.

“ ഞാൻ അത് പിന്നെ പറയാം “ എന്നും പറഞ്ഞവൻ അവന്റെ സീറ്റിലേക്ക് പോയി ഇരുന്നു.

എനിക് അപ്പോഴാണ് സമാധാനം തോന്നിയത്.

മിസ്സ്‌ ക്ലാസ്സ് എടുക്കുമ്പോയെല്ലാം എന്റെ ചിന്തകൾ റോയിയെക്കുറിച്ചു മാത്രമായിരുന്നു. മനസ് കൊണ്ട് ഞാൻ റോയിയെ നോക്കേണ്ട എന്ന് നൂറ് വട്ടം പറയുമെങ്കിലും അതെന്റെ കണ്ണുകൾ അനുവദിക്കാത്തത് പോലെ അവനിലേക്ക് തന്നെ എന്റെ നോട്ടം പോകും.

ആ നോട്ടം അതിക നേരം ഒന്നും ഉണ്ടാകില്ല ആകെ മൂന്നോ നാലോ സെക്കന്റ് ഉണ്ടാവുകയുള്ളു. അത്ര സെക്കന്റുകൾ ഉള്ളു വെങ്കിലും എത്ര തവണ ഞാൻ അവനെ നോക്കിയെന്ന് കണക്കില്ല. ഒന്ന് രണ്ടു തവണ ഞാൻ നോക്കുന്നത് അവൻ കാണുകയും ചെയ്തു.

ആ സമയം ഞാൻ ഒന്നും അറിയാത്തത് പോലെ ചെറുതായി ചിരിച്ചു കൊടുക്കും അവൻ എനിക്കും പുഞ്ചിരി നൽകും.

ഇങ്ങനെ രണ്ടു മൂന്ന് തവണ ആവർത്തിച്ചപ്പോൾ അവൻ പുരികം കൊണ്ട് എന്താണ് എന്ന് ചോദിച്ചു, അതിന് ഞാൻ കണ്ണ് കൊണ്ട് ഒന്നുമില്ലെന്ന് കാണിച്ചു മിസ്സിനെ നോക്കി ഇരുന്നു.

പിന്നേ അധികവും ഞാൻ അവനെ ഇടം കണ്ണിട്ട് മാത്രമേ നോക്കിയുള്ളൂ, അവൻ ശ്രെദ്ധിക്കുന്നില്ലന്ന് മനസിലാക്കി.

ക്ലാസ് കഴിഞ്ഞുള്ള ഇന്റർ വെൽ സമയത്ത് അവൻ ഇന്നലെ നടന്ന കാര്യങ്ങൾ എല്ലാം എന്നോട് പറഞ്ഞു. അവൻ അവളോട് രാവിലെ തന്നെ യെസ് പറഞ്ഞതും ടെസക്ക് സന്തോഷമായതുമെല്ലാം പക്ഷെ അവൻ കിസ്സ് ന്റെ കാര്യം മാത്രം പറഞ്ഞില്ല. അതൊരിക്കലും പറയില്ലല്ലോ.

അവൻ ഈ കാര്യങ്ങൾ ഒക്കെ പറയുമ്പോ എത്ര ത്തോളം ഹാപ്പിയാണെന്ന് അവന്റെ കണ്ണുകളിൽ നിന്ന് തന്നെ ഞാൻ മനസിലാക്കി എടുത്തു.