നന്ദന 6 [ Rivana ] 124

അവനെ നേരിട്ട് ഇനിയൊന്ന് കണ്ടാൽ ചിലപ്പോൾ ഞാൻ എല്ലാം പറഞ്ഞു പോകുമെന്ന് തോന്നിയത് കൊണ്ട് പിറ്റേ ദിവസം കോളേജിലേക്ക് പോകുന്നില്ലെന്ന് ഞാൻ അച്ഛനോട് പറഞ്ഞു.

പക്ഷെ എന്നെ നിർബന്ധിപ്പിച്ചു കോളേജിലേക്ക് പറഞ്ഞയച്ചു. പഴയ രീതിയിലുള്ള അവനുമായുള്ള സംസാരങ്ങളിലൂടെയും ചങ്ങാത്തത്തിലൂടെയും മാത്രമേ എന്റെ വിഷമങ്ങൾ ഇല്ലാതെ ആവുകയുള്ളെന്ന് അച്ഛൻ പറഞ്ഞു.

അച്ഛൻ ഇങ്ങനെ പറയുമ്പോ ആദ്യമൊക്കെ എനിക്ക് ഭയങ്കര പേടിയാണ് തോന്നിയത്. കാരണം ഞാൻ വീണ്ടും അവനോട് സംസാരിച്ചു അടുത്താൽ കൂടുതലായി ഞാൻ അവനെ ആഗ്രഹിച്ചു പോകുമെന്ന് ഞാൻ വിശ്വസിച്ചിരുന്നു. അങ്ങനെ ആയാൽ അവനിൽ നിന്നും എനിക്ക് വിട്ട് മാറാൻ പറ്റിയില്ലെന്ന് വരാം.

എന്നാൽ അതെല്ലാം എന്റെ തോന്നലുകൾ മാത്രമായിരുന്നു.

ഞാൻ സാധാരണ ദിവസം എന്ന പോലെ പിറ്റേന്നും കോളേജിലേക്ക് പോയി. ഞാൻ കോളേജിൽ എത്തിയപ്പോഴും അവനെ കാണാതിരുന്നത് എനിക്ക് ആശ്വാസം നൽകി. ക്ലാസിലേക്ക് ബെല്ലടിച്ചു കുറച്ചു  കഴിഞ്ഞു കഴിഞ്ഞിട്ടും അവനെ കണ്ടില്ല. അവനെ കാണാതായപ്പോ അവൻ ഇന്നുണ്ടാവില്ല എന്ന് ഞാൻ കരുതി

പക്ഷെ അതിനതികം ആയുസ് ഉണ്ടായിരുന്നില്ല.

റോയ് വരാന്തയിലൂടെ വളരെ ഹാപ്പിയായി തന്നെ ചിരിച്ചു കൊണ്ട് വരുന്നത് ഞാൻ കണ്ടു. എന്നെ അവൻ ക്ലാസിൽ കണ്ടതും എന്റെ അടുത്തേക്ക് അവൻ വന്നു.

“ ഹായ് നന്ദ, നിന്റെ തലവേദന ഒക്കെ മാറിയോ ഇപ്പൊ എങ്ങനെ ഉണ്ട് “

“ ഇല്ലടാ ഇപ്പൊ പ്രെശ്നം ഒന്നുമില്ല, തല വേദന ഒക്കെ മാറി “ ഞാൻ ഇന്നലെ കണ്ടത് എല്ലാം മനസ്സിൽ തന്നേ ഇട്ട്  അത് പുറത്തേക്ക് കാണിക്കാതെ സാധാരണ രീതിയിൽ സംസാരിച്ചു.

“ ഞാൻ ഇന്നലെ ഫസ്റ്റ് പീരീഡ് ക്ലാസിൽ ഉണ്ടായിരുന്നില്ല, രണ്ടാമത്തെ പിരീഡ് കയറിയപ്പോഴാണ് നീ ഫസ്റ്റ് പീരീഡ് തന്നെ തല വേദനായാണ് എന്നും പറഞ്ഞു പോയി എന്ന് ഞാൻ അറിഞ്ഞത് “ അവൻ പറയുന്നത് കേട്ട് എനിക്ക് സങ്കടവും ദേഷ്യവും ഒക്കെ തോന്നി കാരണം ഇന്നലെ അവൻ ടെസയുടെ കൂടെ അല്ലേ ഉണ്ടായിരുന്നത്. പക്ഷെ ഞാനത് കാണിച്ചില്ല.

“ മ്മ്മ് “