നന്ദന6 | nanthana part 6 |~

Author : Rivana | previous part  നന്ദന 5 [ Rivana ]

അച്ഛന് വാക്ക് കൊടുത്ത ശേഷം റോയിയുമായുള്ള പഴയ നിമിഷങ്ങളും അവനോടുള്ള എന്റെ സ്നേഹവും മറക്കാൻ വേണ്ടി ശ്രെമിച്ചു കൊണ്ടിരുന്നു. പക്ഷെ അത് അത്രക്ക് പെട്ടെന്ന് ഒന്നും മറക്കാൻ കഴിയുന്ന ഒന്നല്ലായിരുന്നു.

മറക്കാൻ ശ്രമിക്കുമ്പോഴെല്ലാം ആഴത്തിൽ മനസ്സിൽ വന്ന് കൊണ്ടിരിക്കുകയാണ് ചെയ്യുന്നത്. ഞാൻ അച്ഛനോട് അവനെ മറക്കാൻ പറ്റിന്നില്ലെന്ന് പറഞ്ഞപ്പോൾ അച്ഛൻ എന്നോട് പറഞ്ഞത്, ഞാൻ അവനെ എപ്പോഴും ഓർത്ത് കൊണ്ടിരിക്കണം പ്രത്യേകിച്ച് റോയിയും ടെസയെയും കുറിച്ചുള്ള കാര്യങ്ങളും ഓർക്കണം. ആ ചിന്ത എപ്പോഴും വന്ന് കൊണ്ടിരുന്നാൽ അവന് ഞാൻ ആരും അല്ല എന്നത് എനിക്ക് എന്റെ മനസ്സിനെ ബോധിപ്പിക്കാനും ഉറപ്പിക്കാനും സാധിക്കും.

ആദ്യമൊക്കെ അങ്ങനെ ചിന്തിക്കുമ്പോൾ മനസ്സിൽ നല്ല വേദന അനുഭവപ്പെടും, സങ്കടത്തിന്റെ  സാഗരങ്ങൾ മനസ്സിലേക്കു ആർത്തലച്ചു വരും. അങ്ങനെ പതിയെ പതിയെ ആ കാര്യം തന്നെ ചിന്തിക്കുമ്പോൾ അവരിൽ നിന്നും വിട്ട് മാറി നിൽക്കാൻ ആഗ്രഹിക്കും. അവസാനം സങ്കടങ്ങൾ എല്ലാം മാറി ഞാൻ അവരുടെ ബന്ധത്തെ അംഗീകരിച്ചു  അവർക്ക്‌ അവരുടെ വഴി ഒഴിഞ്ഞു കൊടുത്ത് ഞാൻ എന്റെ ദിശയിലേക്ക് കടക്കും. ഇതൊക്കെയാണ് അച്ഛനിൽ നിന്നും കേട്ട ഉപദേശം

ഞാൻ അത് പോലെ ചെയ്തു. ഞാൻ അവനെയും ടെസയെയും ഓർക്കാൻ തുടങ്ങി അപ്പൊഴെല്ലാം മനസിലേക്കു വിഷമങ്ങൾ കടലിരുമ്പുകയായിരുന്നു. അവരെ ഓർക്കുന്ന ഓരോ നിമിഷവും വേദനകൾ മാത്രം എനിക്ക് സമ്മാനിക്കുന്നുള്ളു.