ദേവലോകം 14 [പ്രിൻസ് വ്ളാഡ് ] 560

അവനെന്താകും പറയാൻ ഉണ്ടാക്കുക ..ദേവൻ ആലോചിച്ചു.

അപ്പോഴാണ് അവൻറെ ഫോണിലേക്ക് ഒരു വീഡിയോ വന്നത് ഹോട്ടലിന്റെ സിസിടിവി ഫൂട്ടേജ് ആയിരുന്നു …അത് അവനത് ചെക്ക് ചെയ്തു. അതുവരെ മുഖത്തുണ്ടായിരുന്ന ടെൻഷൻ മാറി അവിടെ ചെറിയൊരു പുഞ്ചിരി തെളിഞ്ഞു…

അപ്പോൾ നിങ്ങൾ ആണല്ലേ അവനെ പൊക്കിയത് …..
ഫോണിന്റെ സ്ക്രീനിൽ കണ്ട അമർനാഥിന്റെയും വൈഗയുടെയും മുഖം നോക്കി അവൻ പറഞ്ഞു..
പക്ഷേ അവർ എങ്ങനെ സമറിന് അടുത്തെത്തി….

ദേവൻ തങ്ങൾ ഒരുമിച്ചുള്ള യാത്രകളെല്ലാം കണ്ണുകൾ അടച്ച് ഒന്ന് റിവൈൻഡ് അടിച്ചു.. അല്പസമയത്തിനു ശേഷം അവൻ കണ്ണുകൾ വലിച്ചു തുറന്നു…. ഹോസ്പിറ്റൽ…. സിസിടിവി…. അവൻറെ ചുണ്ടുകൾ ചലിച്ചു.. യെസ് ഹോസ്പിറ്റലിന്റെ പാർക്കിംഗിൽ വച്ച് വൈദേഹിയോടൊപ്പം അവനെ അവർ കണ്ടു കാണണം അതിനർത്ഥം …THEY ARE WATCHING    VYDEHI CLOSELY…..BUT WHY???

ഏതായാലും അവർ അവനെ ഉപദ്രവിക്കില്ല ..ആദ്യം കർണനെ കാണണം.. ബാക്കി പിന്നെ.

രാവിലെ വൈദേഹിയെ ഹോസ്പിറ്റലിൽ ഡ്രോപ്പ് ചെയ്തതിനുശേഷം ദേവൻ കർണ്ണനെ കാണാനായി ആ കുന്നു കയറി …..ദേവനെ പ്രതീക്ഷിച്ച് കർണൻ അവിടെ ഉണ്ടായിരുന്നു..

അവൻറെ ജീപ്പിനടുത്തായി ദേവൻ വണ്ടി കൊണ്ടുവന്ന് ചവിട്ടി…
ശേഷം ഡാഷിൽ കിടന്ന് ഒരു കുപ്പി ഹിബിക്കി വിസ്കിയുമെടുത്ത് ദേവൻ പുറത്തിറങ്ങി ..

ഇതിനുവേണ്ടി വിളിച്ചതല്ല… എന്നാലും കൊണ്ടുവന്നതല്ലേ ഇവിടെ ഇരിക്കട്ടെ ???ദേവൻറെ കയ്യിലിരുന്ന കുപ്പികണ്ട് കർണ്ണൻ ഒരു കള്ള ചിരിയോടെ പറഞ്ഞു.

അതിവിടെ ഇരുന്നോളും ..നീ വിളിച്ച കാര്യം പറ ??

കർണ്ണൻ കുറച്ച് ഫോട്ടോഗ്രാഫ് ദേവന് നേരെ നീട്ടി… അതിൽ രണ്ട്  ജീപ്പിന്റെയും സ്പോർട്സ് ബൈക്കിന്റെയും പടം ഉണ്ടായിരുന്നു… സ്പോർട്സ് ബൈക്കിൽ ഇരുന്നയാൾ ഹെൽമെറ്റ് ധരിച്ചിരുന്നു.. അതിൻറെ നമ്പറും അത്ര വ്യക്തമല്ല.. ജീപ്പുകളുടെ നമ്പർ വ്യക്തമായി തന്നെ കാണാം ..

ദേവൻ ആ ചിത്രങ്ങളിലേക്കും കർണന്റെ മുഖത്തേക്കും മാറിമാറി നോക്കി …

ആ ദിവസവും അതിന് മുന്നത്തെ ദിവസവും സംശയാസ്പദമായി അവിടെ കണ്ട വാഹനങ്ങളാണ്.. പ്രത്യേകിച്ചും ജീപ്പുകൾ… രണ്ട് ജീപ്പുകൾ മാത്രമാണ് അന്ന് അവിടെ വന്നു പോയത്.. അതിലൊന്ന് നിന്റേതാകും അതെനിക്കറിയാം ,നീ അന്വേഷിക്കുന്ന ആൾ വന്നത് മറ്റേ ജീപ്പിൽ ആകും …കർണ്ണൻ ദേവൻ കൊണ്ടുവന്ന കുപ്പി ഉയർത്തിപ്പിടിച്ച് അതിൻറെ ഭംഗി നോക്കി പറഞ്ഞു.

ദേവൻ സംശയത്തോടെ കർണനെ നോക്കി.

ഇത് എനിക്കങ്ങനെ കിട്ടി എന്നാകും നിൻറെ സംശയം, അല്ലെ?? കർണ്ണൻ ദേവനോട് ചോദിച്ചു .

സംസ്ഥാനം ഭരിക്കുന്ന ആഭ്യന്തരമന്ത്രി അല്ലേ നിൻറെ ഗോഡ് ഫാദർ ??അപ്പോൾ ഇതൊക്കെ കിട്ടാൻ വളരെ നിസ്സാരമായിരിക്കും… എന്നെനിക്കറിയാം ദേവൻ പറഞ്ഞു.

ആഭ്യന്തരം മാത്രമല്ല വിജിലൻസും പുള്ളിയുടെ കയ്യിൽ തന്നെയാണ്.. കർണ്ണൻ വീണ്ടും രണ്ട് ഫോട്ടോഗ്രാഫ് ദേവൻറെ കയ്യിലേക്ക് കൊടുത്തു …

അതിലും ആ ബൈക്കിന്റെയും ജീപ്പിന്റെയും ദൃശ്യം ഉണ്ടായിരുന്നു..