ദുദീദൈദ്രുദേ-ഗൗരി- 2 [PONMINS] 388

പിറ്റേന്ന് രാവിലത്തെ പൂജയോടെ പൂജ വിധികൾ എല്ലാം കഴിഞ്ഞു , മുത്തശ്ശന്മാർ പങ്കെടുത്ത എല്ലാവർക്കും സമ്മാനമായി വസ്ത്രങ്ങൾ കൊടുത്തു .
എല്ലാവരും സന്തോഷത്തോടെ തന്നെ എല്ലാം മംഗളമാക്കി ഓരോരുത്തർ ആയി തിരിച്ചു പോകുവാൻ ഉള്ള കാര്യങ്ങളിലേക്ക് കടന്നു , അവിടെ അടുത്തുള്ളവർ പെട്ടെന്ന് തന്നെ ഇറങ്ങി ദേവമടത്തുകാരും ദേവയ്യയുടെ ആളുകളും ഇന്ദുചൂഡനും ഫാമിലിയും മാത്രമായി അവിടെ , ബാക്കിയുള്ളവർ എല്ലാം ഉടനെ തന്നെ ഇവിടം വിട്ടു .

ഉച്ച ഭക്ഷണ ശേഷം ദേവമടത്തുകാരും ദേവയ്യയും കൂട്ടരും പോകുവാൻ റെഡി ആയി വന്നു , ഡ്യൂട്ടിയിൽ ജോയിൻ ചെയ്യുന്നതിന് വേണ്ടി കയലും അവരുടെ കൂടെ പോവാൻ നിന്നു , പോസ്റ്റിങ്ങ് ഓർഡർ വന്നത് കൊണ്ട് ട്രെയിനീ സബ് കല്ലെക്ടർ ആയി ആദ്യ പോസ്റ്റിങ്ങ് കോഴിക്കോട് തന്നെ പ്രവീണക്ക് അന്ന് രാവിലെ മെയിൽ വന്നു സൊ അവളും അവരോടൊപ്പം പോരാൻ പറഞ്ഞത് കൊണ്ട് കൂടെ പൂവൻ റെഡി ആയി , ഏറ്റവും അവസാനം കരഞ്ഞു കലങ്ങിയ കണ്ണുകളും ആയി മിഴിയും ദേവിയും താഴേക്കു വന്നു , അവളുടെ കണ്ണീർ തിളക്കം പക്ഷേ ആരും ശ്രേധിച്ചിരുന്നില്ല ,എല്ലാവരും റെഡി ആയി വന്നതും ഹാളിൽ ഒത്തുകൂടി ,

രുദ്രൻ : ഞങ്ങൾക്ക് ഒരു കാര്യം ചോദിക്കാൻ ഉണ്ടായിരുന്നു ,, മുത്തശ്ശന്മാരെ നോക്കി അവൻ ചോദിച്ചു

ശിവകുമാർ : എന്താണ് ചോദിച്ചോള്ളൂ ,, ഞങ്ങളെകൊണ്ട് ആവുന്നത് ഞങ്ങൾ ചെയ്ത് തരാം

രുദ്രൻ : എന്റെ മകൻ ദീക്ഷിക്ക് വേണ്ടി കയലിനെ ആലോചിക്കാൻ ആയിരുന്നു , നിങ്ങൾക്കെല്ലാം സമ്മതമാണെങ്കിൽ അത് ഞങ്ങളെ അറിയിക്കണം ,,,, എല്ലാവരെയും നോക്കി ചോദിച്ചു , കയൽ ആണേൽ എല്ലാം കേട്ട് വായും പൊളിച്ചു നിൽക്കുക ആണ് , കെട്ടവർക്കെല്ലാം സന്തോഷം തന്നെ ആയിരുന്നു ,

രാഘവ് : എന്താ മോളുടെ അഭിപ്രായം , നിനക്ക് സമ്മതം ആണേൽ ഞങ്ങൾക്ക് 100 വട്ടം സമ്മതം ആണ് ,,, അയാൾ അതീവ സതോഷത്തോടെ പറഞ്ഞു

കയൽ ദീക്ഷിയെ ഒന്ന് നോക്കിയ ശേഷം സമ്മതം അറിയിച്ചു , അവളുടെ മുഖത്തും ദീക്ഷിയുടെ മുഖത്തും ഒരുപോലെ പുഞ്ചിരി വിരിഞ്ഞു .

രാഘവ് : ബാക്കി കാര്യങ്ങൾ എല്ലാം നമുക്ക് സംസാരിച്ചു തീരുമാനിക്കാം

രുദ്രൻ : അതെ , അടുത്ത മാസം നല്ലൊരു ദിവസം നോക്കി ഞങ്ങൾ അറിയിക്കാം , അന്ന് എല്ലാവരും അവിടെ വരെ ഒന്ന് വന്ന് നമുക്ക് ബാക്കി കാര്യങ്ങൾ തീരുമാനിക്കാം ,എന്ന ഇപ്പൊ ഞങ്ങൾ ഇറങ്ങുക ആണ് ,,

അത്രയും പറഞ്ഞു അവരെല്ലാം ഇറങ്ങി ,പോകുന്നതിനു മുൻപ് ദേവയ്യയും കൂട്ടരും കരച്ചിലോടെ ആണ് മിത്രയെയും മിഴിയെയും യാത്ര അയച്ചത് , രണ്ട് മിനി ബസ്സുകളിൽ ആയാണ് അവർ തിരിച്ചുപോയത് , കയലിനും ദീക്ഷിക്കും പ്രൈവസി കൊടുത്തു അവരെ ഏറ്റവും പുറകിലേക്ക് വിട്ടു .

ബസ്സിൽ ദിവിയുടെ കൂടെ ആണ് മിഴി ഇരുന്നത് എന്നാൽ ബസ്സ് മൂവ് ആവാൻ തുടങ്ങിയതും പതിവിനു വിപരീതമായി മിഴി അവന്റെ നെഞ്ചിലേക്ക് അവളുടെ മുഖം ഒളിപ്പിച്ചു അവനിലേക്ക് ചേര്ന്നിരുന്നു , അവളുടെ കണ്ണീർ അവന്റെ നെഞ്ചിൽ പടരുന്നത് അവൻ അറിഞ്ഞെങ്കിലും അവൻ തടഞ്ഞില്ല , കുറച്ചു കഴിഞ്ഞതും അവൾ മയക്കത്തിലേക്ക് വീണെന്ന് കണ്ടതും അവൻ അവളെ മടിയിലേക്ക് കിടത്തി , ദ്രുവിയും മിത്രയും കാര്യമായ സംസാരത്തിൽ ആണ് , ഇടയ്ക്കിടെ അവളുടെ മുഖം നാണത്താൽ ചുവക്കുന്നുണ്ട് , പാറു ഫോണിൽ കാര്യമായ ചാറ്റിലും ദേവി ഹെഡ്‍ഫോൺ വെച്ചു എന്തോ കേൾക്കുന്നുണ്ട് അവളുടെ ചുണ്ടിൽ പുഞ്ചിരി നിറഞ്ഞു നിന്നിരുന്നു , ദേവൂട്ടി പ്രവീണയുടെ കൂടെ ഇരുന്നു കത്തിയടിയിൽ ആണ് .

വണ്ടി കുറച്ചു മുന്നോട്ട് പോയതും ഒരു പോലീസ് ചെക്കിങ്ങിൽ വണ്ടി സൈഡ് ആക്കി , അതിലേക്ക് കയറി വന്ന ഒരു പോലീസ് ഓഫീസർ എല്ലാവരെയും ഒന്ന് നോക്കി

ഓഫീസർ : ബുദ്ധിമുട്ടിച്ചതിൽ ക്ഷമിക്കണം , ഞങ്ങൾക്ക് ഈ വണ്ടി ഒന്ന് സെർച്ച് ചെയ്യണം ,,, അയാൾ മാന്യമായി തന്നെ സംസാരിച്ചു, അതുകൊണ്ട് തന്നെ അവരെല്ലാം സഹകരിച്ചു , അയാൾ ഓരോരുത്തരോടും പേരും കൂടെയുള്ളവരോടുള്ള ബന്ധവും ചോദിച്ചറിഞ്ഞു , അതിൽ പ്രവീണ മാത്രം ഫാമിലി ഫ്രണ്ട് എന്ന് പറഞ്ഞു .

ജിത്തു : എന്തേലും പ്രശ്നം ഉണ്ടോ ഓഫീസർ ,,, അയാളുടെ മാന്യമായ പെരുമാറ്റം കണ്ട ജിത്തു അദ്ദേഹം ഒരു നല്ല പോലീസുകാരൻ ആണെന്ന് മനസ്സിലാക്കിയിരുന്നു ,,