ദി ഡാർക്ക് ഹവർ 5 {Rambo} 1696

അപ്പോഴാണ്…ഫോണിൽ നോട്ടിഫിക്കേഷൻ വന്നത്…
ലൊക്കേഷൻ ആണ്…

ഇന്നിനിയെന്താണാവോ എന്ന് കരുതി…നേരെ അങ്ങോട്ട് വിട്ടു…

ജനക്കൂട്ടവും മറ്റും കണ്ടപ്പോഴേ…അതൊരു മൃതദേഹം ആണെന്നവനൂഹിച്ചു…

“”ഓഹ്…

ഈ അവസ്ഥയിലും അത് കവർ ചെയ്യണമല്ലോ ദൈവമേ….

എന്റെ വിധി…””
അവൻ സ്വയം പഴിച്ചുകൊണ്ട്…അങ്ങോട്ട് തിരിച്ചു…

മുൻപത്തെപോലെ അവിടെ അവന് കാത്തുനിൽക്കേണ്ടി വന്നില്ല…
ഒരുവിധം എല്ലാവരെയുമായി കണ്ടുപരിചയമുള്ളതുകൊണ്ട്..ഉള്ളിലേക്ക് വേഗം കടക്കാം…

രണ്ട് ശരീരങ്ങൾ ഉണ്ട് അവിടെ…

ദൈവത്തിനെ സ്തുതിച്ചുകൊണ്ടു ക്യാമറയും എടുത്ത്…
അവിടുത്തെ രണ്ടുമൂന്ന് ഫോട്ടോയും എടുത്തു…
പിന്നെ നേരെ ബോഡിക്കരികിലേക്കും…

വല്ലാത്ത ദുർഗന്ധം വന്നപ്പോ തന്നെ അവനിന്നതെകാര്യം കഷ്ടമാവുമെന്ന് ഉറപ്പിച്ചു..

ഊഹമായിരുന്നില്ല…

മറച്ചുവെച്ച തുണി മാറ്റിയപ്പോഴേ…അവൻ ഓക്കാനിക്കാൻ തുടങ്ങി…
എങ്ങനെയെങ്കിലും രണ്ടുമൂന്ന് പടവുമെടുത്ത ശേഷം…
വേഗം അപ്പുറത്തേക്ക് മാറി നിന്നു…

ഉടനെ നടുവിനിട്ടൊരു കിഴുക്ക് കിട്ടി..

“”ഹമ്മേ….””

“”ഓ…താനൊരു തൊട്ടാവാടി ആണല്ലോടാ…
ശരീരം കണ്ടപ്പോൾ…
നല്ല ഉശിരുള്ള ആളാവുമെന്നാ ഞാൻ കരുതിയെ…””
നിത്യ അവനെ കളിയാക്കികൊണ്ട് പറഞ്ഞു…