തിയോസ് അമൻ 1 (The beginning) [NVP] 206

 

” മനു എനിക്ക് നിന്നോട് കുറച്ചു സീരിയസ് ആയ കാര്യം ആണ് പറയാൻ ഉള്ളത് ഒപ്പം നിന്റെ സഹായവും ”

 

“എന്നെ കൊണ്ട് എന്ത് സഹായമാ മുതലാളി ”

 

ആ ചോദ്യത്തിൽ അവന്റെ ഉള്ളിലെ പരിഭ്രമവും ഉണ്ടായിരുന്നു.

 

“മനു നമ്മുടെ ഗായത്രി മോളുടെ ജാതകത്തിൽ ഒരു ദോഷം ഉണ്ട്……… അതുകൊണ്ട് നിന്റെ സഹായം ഇപ്പോൾ ഞങ്ങൾക്ക് ആവിശ്യം ആണ്…….”

 

“എന്ത് ആവിശ്യം…………”

 

“എല്ലാ മനു നിന്റെ പെയ്പ്പ് ഒക്കെ എങ്ങനെ പോണു….. ഇനിയും പഠിക്കണ്ടേ നമുക്ക്…………”

 

മനു ആ ഒരു നിമിഷം കൊണ്ട് പേടികൊണ്ട് വീട്ടിവിയർത്തു. ശരീരം തളരുന്നത് പോലെ തോന്നി. കാരണം എല്ലാരും ഇത് അറിഞ്ഞാൽ എന്ത് നടക്കും എന്ന് അവനു അറിയില്ല ഒപ്പം മുത്തശ്ശൻ തനിക്ക് വേണ്ടി പഠിപ്പിന് പണം ചിലവാക്കിയത് കൂടി അറിഞ്ഞാൽ……….. എന്നാലും രാഘവൻ അറിഞ്ഞു എന്നാ ചിന്ത അവനെ ആകെ തളർത്തി.

 

“അത്………. അത്…… മു… ത… ലാളി…..”

 

അവൻ വാക്കുകൾക്കായി പരതി.

 

രാഘവൻഇതൊക്കെ കണ്ട് അവനെ നോക്കി ഒന്ന് പുഞ്ചിരിച്ചു മനുവിന് അത് കണ്ടപ്പോൾ ചെറിയ ആശ്വാസം ഉണ്ടായി, പക്ഷെ അതിനു പിന്നിലെ അപകടം അവനു മനസിലായില്ല.

 

” നീ ഇങ്ങനെ പേടിച്ചാലോ……… മനു…. നീ അങ്ങനെ തെറ്റൊന്നും ചെയ്തില്ലല്ലോ പഠിക്കാൻ നിനക്ക് തോന്നി നീ പഠിച്ചു……… ”

 

അത് കേട്ടപ്പോഴേക്കും മനുവിന് അല്പം കൂടി ആശ്വാസം ആയി.

 

“ഒരു കാര്യം ആലോചിക്കണം മനു ഇവിടത്തെ കാശു കൊണ്ടാണ് നീ ഇത്രയും പഠിച്ചത്. ഇവിടത്തെ ചോറ് തിന്നാണ് നീ ഇത്രയും ആയത് അതിനു നന്ദി കാണിക്കാനുള്ള സമയം ആയിരിക്കുന്നു.”