തിയോസ് അമൻ 1 (The beginning) [NVP] 206

“അച്ഛൻ എന്താ പറയണേ ആ തെണ്ടി ചെക്കനെ കേട്ടാനോ……. എനിക്ക് പറ്റില്ല അതിലും ബേധം ഞാൻ ഒരിക്കലും കല്യാണം കഴിക്കാതെ ഇരിക്കുന്നതാണ്………. എനിക്ക് പറ്റില്ല അച്ഛാ ആ തെണ്ടിയെ കല്യാണം കഴിക്കാൻ…… ”

 

“മോളെ അവനെ നിന്റെ ഭർത്താവായി സ്വീകരിക്കണം എന്നല്ല ഞാൻ പറഞ്ഞത് തത്കാലം പേരിനു…. നിന്റെ ജാതകത്തിന്റെ ദോഷം നിനക്ക് അറിയാമല്ലോ………. അവൻ മരിച്ചു കഴിഞ്ഞ പിന്നെ എല്ലാരും അറിഞ്ഞു ഒരു കല്യാണം നടത്താം….പിന്നെ നീ പറയുന്നതിന് അപ്പുറത്തേക്ക് അവൻ പോകുകയും ഇല്ല…. പക്ഷെ വേറെ ആരെങ്കിലും ആണെങ്കിൽ നിനക്ക് അതുപോലെ പറ്റുമെന്നു തോന്നുന്നുണ്ടോ…..”

 

“അത് അച്ഛാ എന്നാലും…”

ഏറെ വിഷമത്തോടെ ആണ് അവൾ അത് പറഞ്ഞു നിർത്തിയത്.

 

” ഇനി നീ ഒന്നും പറയണ്ട മോളെ……….ഇനി പ്രായത്തിന്റെ പ്രശ്നം ഉയർത്താൻ ആണ് ഉദ്ദേശം എങ്കിൽ അതും വേണ്ട ഇതൊക്കെ പേരിനു ഒരു ചടങ്ങ് മാത്രം……….എല്ലാം ഞാൻ തീരുമാനിച്ചു ഒറപ്പിച്ചട്ടുണ്ട് ”

 

എന്നും പറഞ്ഞു വീരഭദ്രൻ അവിടെ നിന്നും പുറത്തേക്ക് ഇറങ്ങി.

ഇറങ്ങിയതും കണ്ടത് രാഘവനെ ആണ്.

 

“എന്തായി അളിയാ സംസാരിച്ചോ…..”

കണ്ടതും ഒന്ന് ചിരിച്ചു കൊണ്ട് രാഘവൻ ചോദിച്ചു.

 

“ഹ്മ്മ്മ് അതൊക്കെ ശരി ആക്കീട്ടുണ്ട് രാഘവാ……….. സാവിത്രി എന്ത് പറഞ്ഞു…….”

 

“അവൾക്കും ആദ്യം താല്പര്യം ഉണ്ടായില്ല പിന്നെ ഒരുവിധം ഞാൻ പറഞ്ഞു സമ്മതിപ്പിച്ചിട്ടുണ്ട്.”

 

“ഹ്മ്മ്മ് അച്ഛനോട് ഇതിനെ കുറിച്ച് പറയണോ എന്നാണ് ഞാൻ ആലോചിക്കുന്നത്……….. അറിഞ്ഞാൽ അച്ഛൻ ചിലപ്പോ ഇത് നടത്താൻ നമുക്ക് എതിരായി നിന്നെന്നു വരും….”

 

“അപ്പൊ പിന്നെ അച്ഛൻ അറിയാണ്ടിരിക്കുന്നത് ആണ് നല്ലത് പക്ഷെ അച്ഛൻ അറിയാതെ എങ്ങനെ…….”

 

രാഘവൻ ഒന്ന് ആലോചിച്ചതിനു ശേഷം മറുപടി നൽകി.

 

“എല്ലാ എങ്ങനെ നടത്താന അളിയന്റെ ഉദ്ദേശം………”