തിയോസ് അമൻ 3 [NVP] 269

ഞാൻ ഒന്ന് പുഞ്ചിരിക്കുക മാത്രമാണ് അതിനു ചെയ്തത്.

ഈ ചുരുങ്ങിയ സംസാരത്തിൽ അവൻ അപ്പന്റെ കാശിൽ ജീവിക്കാൻ താല്പര്യം ഇല്ലാത്ത ആളാണെന്നു മനസിലായി. എന്തായാലും തന്റെടവും ചങ്കൂറ്റവും ഉള്ള നല്ല ചെറുപ്പക്കാരൻ.

“വെറുതെയല്ല പെൺപിള്ളേരൊക്കെ ഇവനെ ഇങ്ങനെ നോക്കി നിക്കുന്നത്.”

ഞാൻ മനസ്സിൽ ആലോചിച്ചു. അങ്ങനെ ഞാനും രാഹുലും അനസും അലവിനും നല്ല കൂട്ടായി ആണി ആ സംസാരം നിന്നത്. നാളെ കാണാം എന്ന് പറഞ്ഞു എല്ലാവരും പിരിഞ്ഞു.പക്ഷെ വിധി എന്നെ ചതിച്ചു ഞാൻ പോകുവാൻ ആയി ഇറങ്ങിയതും മുന്നിൽ ലെവൾ ? അതന്നെ ദേവിക…. ഞങ്ങളുടെ രണ്ടുപേരുടെയും കണ്ണുകൾ പരസ്പരം ഉടക്കി അപ്പൊ തന്നെ പിൻവലിക്കുകയും ചെയ്തു. എന്നാൽ എന്നെ ഞെട്ടിച്ചത് അവളുടെ മുഖത്ത് എന്നെ കണ്ട ഒരു പരിചയഭാവം പോലും ഇല്ല എന്നതാണ് എന്തിനു ഞാൻ പ്രതീക്ഷിച്ച ദേഷ്യ ഭാവം പോലും കാണാൻ ഇല്ല.രാഹുലിനും അത് അതിശയമായി.

ശരിക്കും പറഞ്ഞാൽ അപ്പോഴാണ് ഒന്ന് മനസമാധാനം വന്നത്.

“ഇനി അവൾ മനസിലായിട്ട് മനസിലാവാത്ത പോലെ നിന്നതാണോ. അങ്ങനെ ആണെങ്കിൽ അതെന്തിനാ ”

പെട്ടന്ന് എന്റെ മനസ്സിൽ ഓരോ ചിന്തകൾ കൂടുകൂട്ടാൻ തുടങ്ങി. ഈ ഇടയായിട്ട് എനിക്ക് ചിന്തകൾ കൂടി വരണിണ്ട്?.

അങ്ങനെ ഞങ്ങൾ ഹോസ്റ്റലിൽ എത്തി ഓരോന്നും പറഞ്ഞു നേരം പോയി കൂടെ അനസും ഉണ്ടായിരുന്നു.

“ഡാ എനിക്ക് ഒരു ജോബ് സെറ്റ് ആക്കണം പാർട്ട്‌ ടൈം ആയി എന്തായാലും മതി കോളേജ് ക്ലാസ്സ്‌ കഴിഞ്ഞു പോവാൻ പറ്റുന്ന രീതിയിൽ…..”

“അതെന്തിനാ ഇപ്പൊ ഒരു പാർട്ട്‌ ടൈം ജോബ് ”

രാഹുൽ ആണ് അത് ചോദിച്ചത്.

“ഡാ ഇപ്പൊ അതികം ചിലവില്ല അതിനുള്ള കാശു ഇപ്പൊ എന്തേലും ഉണ്ട്. ഇനി അങ്ങോട്ട്‌ ബുക്‌സും എക്സാം ഫീസും ഓക്കെ ആയി ചെലവ് വരല്ലേ……. കയ്യിൽ കാശു ഇല്ലാതെ എങ്ങനെ ആണ്.”

“ഓ അതാണോ അതിപ്പോ എന്ത് ആലോചിക്കാനാ അതിനല്ലേ ഞങ്ങൾ ഉള്ളെ നിന്റെ ചെലവിനുള്ള കാശു ഞങ്ങൾ നോക്കിക്കോളാം എന്റെ വീട്ടിൽ ഇത് പറഞ്ഞാൽ സന്തോഷം ആവുള്ളു.”

രാഹുൽ സന്തോഷത്തോടെ ആണ് അതിനു മറുപടി പറഞ്ഞത്. അനസും അതേ അപിപ്രായം തന്നെ ആണ് പറഞ്ഞത്.

“അത് വേണ്ടടാ…… ഈ സ്നേഹം എപ്പോഴും ഉണ്ടായാൽ മതി ഇപ്പൊ നിങ്ങൾ എനിക്ക് ഒരു പാർട്ട്‌ ടൈം ജോബ് ശരി ആക്കി തന്നാൽ മതി. പിന്നെ ഇതുകൊണ്ടും കൂടാത്ത ചിലവുകൾ നിങ്ങൾ സഹായിച്ചാൽ മതി.”