തിയോസ് അമൻ 3 [NVP] 269

“ഈ ക്ലാസ്സ്‌ ഒന്ന് കഴിയട്ടെ എന്നിട്ട് പറഞ്ഞു തരാം……..”

ഞാൻ ഒന്ന് ചിരിച്ചു കൊണ്ട് അവർക്ക് മറുപടി കൊടുത്തു. വേറെ വഴി ഇല്ലാതെ ക്ലാസ്സ്‌ കഴിയനായി അവർ കാത്തിരുന്നു.

അങ്ങനെ ക്ലാസ്സ്‌ കഴിഞ്ഞ ഉടനെ എല്ലാം കൂടി എന്റെ നേരെ തിരിഞ്ഞു അങ്ങനെ നടന്ന സംഭവം ഒക്കെ കൃത്യമായി പറഞ്ഞു കൊടുത്തു ഒപ്പം പ്രിൻസിപ്പൽ പറഞ്ഞതും. അൽവിന് ഇതൊക്കെ കേട്ടു സന്തോഷം ആയി അനസിന് പേടി ആയിരുന്നു ഇനി ഇതിന്റെ പേരിൽ എന്തെങ്കിലും പ്രശ്നം ഉണ്ടാകുമോ എന്നോർത്ത്. രാഹുൽ പിന്നെ എനിക്ക് ഇതിനൊക്കെ ഉള്ള ധൈര്യം എവിടുന്ന് വന്നതാ ഉവ്വേ….. എന്നുള്ള രീതിയിൽ നോക്കി ഇരിപ്പാണ്.ഞാൻ എല്ലാർക്കും മറുപടി ആയി ഒരു ചിരിയും പാസ്സ് ആക്കി.

“ഡാ നീ എന്തിനാ ഇതിലൊക്കെ ഇടപെടാൻ നിന്നെ ഇനി അവന്മാർ അറിഞ്ഞാൽ എന്താകും എന്നലിചിച്ചോ നീ……”

അനസ് ആകെ പേടിച്ചു കൊണ്ടാണ് അത് എന്നോട് ചോദിച്ചത്.

“ഡാ ഞാനും അങ്ങനെ ഒക്കെ ആലോചിച്ചത് ആണ്. ഞാൻ ഒരു കാര്യം ചോദിക്കട്ടെ ഇവൻ മാര് ഇങ്ങനെ തലയ്ക്കു പിടിച്ചു മത്തായി എന്തൊക്കെ ഈ കോളേജിൽ കാണിച്ചു കൂട്ടാൻ പോണത് എന്ന് നമുക്ക് പറയാൻ പറ്റോ. വല്ലതും സംഭവിച്ചു കഴിഞ്ഞു പിന്നെ പരിതപിക്കാൻ നിക്കുന്നതിനേക്കാൾ നല്ലതല്ലെടാ ഇത്. എന്നെ കൊണ്ട് പറ്റുന്ന രീതിയിൽ ശ്രമിച്ചു എന്ന സംതൃപ്തി എങ്കിലും എനിക്ക് ഉണ്ടാകും അത് മതി എനിക്ക്.”

ഞാൻ പറഞ്ഞു നിർത്തി അവന്മാരെ നോക്കി.എല്ലാം ഇത് എനിക്ക് എന്ത് പറ്റി എന്ന രീതിയിൽ നോക്കി ഇരിപ്പാണ്….അങ്ങനെ ക്ലാസ്സ്‌ കഴിഞ്ഞു ബ്രേക്ക്‌ ആയപ്പോൾ ഞങ്ങൾ പുറത്തേക്ക് ഇറങ്ങി, വെറുതെ വായി നോക്കി ഇരിക്കാൻ ?.ഈ കലാപരിപാടിയിൽ ആശാൻ ആണ് അനസ് അമ്മാതിരി നോട്ടം ആണ് തെണ്ടി നോക്കി ഇരിക്ക ?. അങ്ങനെ ഇരിക്കുമ്പോഴാണ് ക്ലാസ്സിലെ സൂര്യനാരായണൻ എന്നാ ക്ലാസ്സ്‌ റിപ്രെസെന്റാറ്റീവ് ആയ സൂര്യ അൽവിനോട് ഒരു കാര്യം പറഞ്ഞത്.

“ഡാ അറിഞ്ഞ നീ അന്ന് തള്ളിയ സീനിയർ ഇപ്പെ ആൾക്ക് ഒരാഴ്ച സസ്‌പെൻഷൻ ആണെന്ന്.ആദ്യം അത് ഒരു മാസം ആയിരുന്നത്രെ പിന്നെ ആരൊക്കെയോ ഇടപെട്ടതുകൊണ്ടാ…..”

അവൻ പറഞ്ഞത് കേട്ടു ആർക്കും അത്ര ഞെട്ടൽ ഉണ്ടായില്ല. പക്ഷെ എനിക്ക് വിഷമം ആയതു അവനു ആകെ ഒരു ആഴ്ചയല്ലേ കിട്ടിയുള്ളൂ എന്നോർത്താണ്…….ബാക്കി ഉള്ളവർക്ക് ഒരു ആഴ്ച ആണെങ്കിലും പണി കിട്ടിയതിലുള്ള സന്തോഷത്തിൽ ആണ്. ആൽവിനും രാഹുലിനും സന്തോഷമാണെങ്കിൽ അനസിന്റെ മുഖത്തു ഞാൻ ഭയമാണ് കണ്ടത്.ഇനി ആ ജോമോൻ എല്ലാം അറിഞ്ഞാൽ എന്ത് സംഭവിക്കും എന്ന ഭയമായിരുന്നു അവനു. വൺ അത് ഞങ്ങളോട് പങ്കുവെക്കുകയും ചെയ്തു. ഞങ്ങളാൽ ആവുന്ന വിധം ഞങ്ങൾ അവനെ സമാധാനിപ്പിക്കാൻ ശ്രമിച്ചു.അപ്പോഴാണ് ദേവികയെ ഞാൻ കണ്ടത് എന്നെ ചിന്തയിൽ ആഴ്ത്തുന്ന മറ്റൊരു സമസ്യ ആണ് അത്.

” എന്നെ അവൾക്കു ശരിക്കും മനസിലാവാത്തത് ആണോ അതോ മനസിലായിട്ടും മനസിലാവാത്ത പോലെ നടക്കുന്നതാണോ….. “