തിയോസ് അമൻ 3 [NVP] 269

ഞാൻ താമാശ പോലെ ചിരിച്ചു പറഞ്ഞു.ആദ്യത്തെ പീരിയഡ് അങ്ങനെ കഴിഞ്ഞു. അടുത്തത് തുടങ്ങാൻ ആയപ്പോൾ എനിക്ക് ഒരു മൂത്രശങ്ക. പിന്നെ ഒന്നും നോക്കിയില്ല അവന്മാരോട് ടീച്ചർ വരുന്നതിന് മുന്നേ എത്താം എന്ന് പറഞ്ഞു ഇറങ്ങി. ബാത്‌റൂമിന്റെ അവിടെ എത്തിയപ്പോൾ ബാത്‌റൂമിന്റെ പുറകിൽ കുറച്ചു സീനിയർസ് നിൽപുണ്ടായിരുന്നു.വേറെ ആരുമല്ല നമ്മുടെ അൽവിന്റെ കയ്യിൽ നിന്നും ഇടി വാങ്ങി കൂടിയ ജോമോൻ എന്നാ ജോയൽ ജോൺസണും കൂട്ടരും ആണ്.പുറകിൽ കാടുപോലെ പുല്ലു പിടിച്ചു കിടക്കുന്നത് കൊണ്ട് അതികം ആരും അങ്ങോട്ട്‌ ശ്രദ്ധിക്കാറില്ല. അവന്മാരുടെ നിപ്പിലും ഭാവത്തിലും ഒക്കെ എന്തോ ഒരു പന്തികേട്. ഒന്നും കൂടി ക്ലിയർ ആയി പറഞ്ഞാൽ ഒക്കത്തിന്റെയും കിളി പോയി കിടക്കേണ്…… ഒന്നിനും ഒരു വെളിവില്ല എന്ന് കണ്ടാൽ അറിയാം.ഞാൻ അവിടെ വന്നതും കണ്ടതും അവർ അറിയുന്നില്ല. എനിക്ക് എന്ത് ചെയ്യണം എന്ന് ഒരു പിടിത്തവും കിട്ടിയില്ല. അവസാനം വന്ന കാര്യം സാധിച്ചു ക്ലാസ്സിൽ പോകാം എന്ന് തീരുമാനിച്ചു.അങ്ങനെ ബാത്‌റൂമിൽ കേറി അവിടെന്നിന്നും തിരിച്ചു എന്നക്ളും എന്റെ മനസ്സുകളിൽ നേരത്തെ കണ്ട നിമിഷങ്ങൾ ആയിരുന്നു. മയക്കു മരുന്നിനു അടിമകൾ ആയ പുതിയ തലമുറകൾ. ഞാൻ ഇതിനു പ്രതികരിച്ചില്ലെങ്കിൽ ഒരു പക്ഷെ ഇത് ഈ കോളേജിൽ വലിയ പ്രശ്നത്തിന് കാരണം ആയേക്കാം ഒടുവിൽ മനസ്സിലെ പിടിവലികൾക്ക് ഉത്തരമായി ഇത് അധികൃതരെ അറിയിക്കാൻ തീരുമാനിച്ചു.

ഞങ്ങളുടെ പ്രിൻസിപ്പൽ ആള് ഇത്തിരി സ്ട്രിക്ട് ആണ് എന്നാണ് കേട്ടട്ടുള്ളത്. ഒന്നിനും ഒരു വിട്ടു വീഴ്ചയും ഇല്ലാത്ത മനുഷ്യൻ.അങ്ങനെ ഞാൻ പ്രിൻസിപ്പാലിനെ നേരിട്ട് കണ്ട് സംഭവം അറിയിച്ചു.ഒപ്പം അദ്ദേഹം ഒരു കാര്യമേ പറഞ്ഞുള്ളൂ….

“തത്കാലം താൻ ആണ് ഇത് കംപ്ലയിന്റ് ചെയ്തത് എന്ന് ആരോടും താൻ പറയണ്ട ഞാനും ആരെയും അറിയിക്കില്ല. നീ ഇപ്പൊ പറഞ്ഞ സീനിയർസ് എന്റെ കയ്യിൽ ഒതുങ്ങാത്ത പിള്ളേര് കാശിന്റെ ആഹ്ങ്കാരം തലയ്ക്കു പിടിച്ചവനാണ് ആ ജോയൽതാൻ ആണ് കംപ്ലയിന്റ് ചെയ്തേതെന്ന് അവൻ അറിഞ്ഞാൽ തനിക്കു ഭാവിയിൽ പ്രശ്നം ആകും അതുകൊണ്ടാണ് ഞാൻ പറയുന്നത്. തത്കാലം താൻ പൊക്കോ ബാക്കി കാര്യം ഞാൻ നോക്കിക്കോളാം.”

അതും പറഞ്ഞു എന്നോട് പൊക്കോളാൻ പറഞ്ഞു.

അങ്ങനെ ഞാൻ അവിടെ നിന്നും ഇറങ്ങി ക്ലാസ്സിലേക്ക് പോയി ടീച്ചർ അപ്പോഴേക്കും ക്ലാസ്സിൽ വന്നു ക്ലാസ്സ്‌ പകുതി ആയിരുന്നു. ഓഫീസിൽ പോവേണ്ടി വന്നു എന്ന് പറഞ്ഞു ക്ലാസ്സിൽ കേറി.

“എന്താടാ ഇത്ര നേരം വൈകിയത്…… നീ മുള്ളൻ തന്നെ പോയതല്ലേ…….”

രാഹുൽ കളിയാക്കി ചോദിച്ചു.

“അതിനു തന്നെ ആണ് പോയത് പക്ഷെ ചെന്നപ്പോ വേറെ ഒരു പണി കിട്ടി…….”

“എന്ത് പണി…..”

അലവിനും അനസും ഒരുമിച്ചാണ് അത് ചോദിച്ചത്.