ഡെറിക് എബ്രഹാം 10 [അഹമ്മദ് ശഫീഖ് ചെറുകുന്ന്] 220

പിന്നെ, അത് മാത്രമല്ല…നിന്റെ കൂടെയാണെങ്കിൽ വേറൊന്നും പറയാതിരിക്കാൻ ഒരു കാരണം കൂടിയുണ്ട്….”

“അതെന്താ….? ”

“അതൊക്കെയുണ്ട് മോനേ….സർപ്രൈസ് ആണ്..പിന്നെ പറയാം….”

“ഹാ… ഓക്കേ ”

“പിന്നേ…
ഞാൻ ഇടയ്ക്കിടെ ഇങ്ങനെ എവിടെയെല്ലോ കറങ്ങാൻ പോകാറുണ്ട്… അതൊന്നും അവർക്ക് പുതുമയല്ല… ”

“ടീ….കള്ളീ… നീയല്ലേ അന്ന് ചെന്നൈയിൽ പോകുമ്പോൾ പറഞ്ഞത് , അച്ഛൻ ദൂരെയൊന്നും വിടില്ലാ….പുറത്തെവിടെയും പോയിട്ടില്ല… അത് കൊണ്ടാണ് ഞങ്ങളുടെ കൂടെ ഒഫീഷ്യൽ ഡ്യൂട്ടിയെന്ന് പറഞ്ഞു വരുന്നതെന്ന് ”

” പോടാ… ഞാൻ പറഞ്ഞതൊക്കെ വിശ്വസിക്കാൻ നിന്നോടാരാ പറഞ്ഞത് ?
കാര്യം നടക്കാൻ വേണ്ടി ഈ ചാന്ദ്നി എന്ത് തല തെറിച്ച കളിയും കളിക്കും മോനേ ”

അവൻ താടിയിൽ കൈയും വെച്ചു കൊണ്ട് കുറേ നേരം അവളെ തന്നെ നോക്കി നിന്നു പോയി…

“എന്താടാ… ഞാൻ ചെയ്തതിൽ വല്ല തെറ്റുമുണ്ടോ….? ”

” എന്റെ ദേവ്യേ…. ഒന്നൂല്ല…ഒരു തെറ്റുമില്ല….
നിന്നെയൊക്കെ കൈ കൂപ്പി കുമ്പിടണം…. നിന്നെ പോലെയൊക്കെ ലോകത്ത് ഒരേയൊരു ജന്മമേയുണ്ടാവൂ…. ദൈവത്തിന്റെ അത്ഭുത സൃഷ്ടി…നമിച്ചിരിക്കുന്നു മോളേ നിന്നെയൊക്കെ….
ഇനി എന്റെ ഭാഗത്ത് നിന്ന് എന്തെങ്കിലും തെറ്റ് പറ്റിപ്പോയെങ്കിൽ അത് നീ ക്ഷമിക്കണം ട്ടോ…. ”

“അങ്ങനെ തന്നെ ആയിക്കോട്ടെ മകനേ….
തഥാസ്തു..

പിന്നേ , ഞാനന്ന് പറഞ്ഞത് കള്ളമായിരുന്നുവെന്ന് പിന്നീട് ചേച്ചിയോട് പറഞ്ഞിട്ടുണ്ടായിരുന്നു ട്ടോ….
ചേച്ചിയോട് ഞാൻ കള്ളം പറയാറില്ല ”

“ഹാ….
എന്നിട്ട് ട്രെയിനിൽ നിന്ന് എങ്ങനെ ഇവിടെ വരെയെത്തി…അത് പറ ”

“നിന്റെ പിന്നാലെ തന്നെ… അല്ലാതെ വേറെന്ത്…”

“ആ പാതിരാത്രി നിനക്കെങ്ങനെ ലോഡ്ജിൽ തനിച്ചു താമസിക്കാൻ തോന്നി…തീരെ വിശ്വാസ യോഗ്യമല്ലല്ലോ നീ പറയുന്നതൊന്നും…
അവിടെ നീ ഒരു രാത്രി നിന്നത് ചിന്തിക്കാൻ തന്നെ പറ്റുന്നില്ല….