ഡെറിക് എബ്രഹാം 6 [അഹമ്മദ് ശഫീഖ് ചെറുകുന്ന്] 208

പിറ്റേന്ന്, കോഴി കൂവും മുന്നേ തന്നെ മധുവങ്കിളും സീതാന്റിയും എണീറ്റു…കുറച്ചൂടെ ഉറങ്ങിക്കോട്ടേയെന്ന് കരുതി ആദിയെയും കുട്ടികളെയും വിളിക്കാൻ നിന്നില്ല….

നേരം ഇത്തിരി കൂടി വെളുത്തപ്പോൾ കീർത്തിയും ജൂഹിയും താഴേക്കിറങ്ങി വന്നു….അങ്കിളും ആന്റിയും അവരെയും കാത്തു നിൽക്കുന്നുണ്ടായിരുന്നു..

“വാ മക്കളേ വാ….

എവിടെയവൻ…?

എന്നത്തേയും പോലെ കൂർക്കം വലിച്ചുറങ്ങുകയാണോ…? ”

ഇത് കേട്ടപ്പോൾ കീർത്തിയും ജൂഹിയും ഞെട്ടിത്തരിച്ചു നിന്നു…അവരുടെ ഞെട്ടൽ കണ്ടപ്പോൾ അങ്കിളിന് എന്തോ പന്തികേട് തോന്നി…

“എന്ത് പറ്റി മക്കളേ…. ആദി എവിടെ? ”

“ആദി ഇവിടെയില്ലേ അങ്കിൾ….?

താഴെയുണ്ടാകുമെന്ന് കരുതിയിട്ടാണ് ഞങ്ങൾ ഇങ്ങേക്ക് വന്നത് ”

ഇത് കേട്ടതും , മധുവങ്കിൾ ആകെ തരിച്ചു നിന്നു പോയി…താൻ ഭയപ്പെട്ടിരുന്നത് സംഭവിക്കാൻ പോകുന്നത് പോലെ തോന്നി അദ്ദേഹത്തിന്….

എന്താ ചെയ്യേണ്ടതെന്ന് മനസ്സിലാകാതെ വിയർത്തു വിറങ്ങലിച്ചു നിന്നു….

“അങ്കിൾ… എന്താണ് അങ്കിൾ…?

ആദി എവിടെ? ഞങ്ങളെ വിട്ട് എവിടെക്കാ പോയത് ? ”

കുട്ടികൾ കരയാൻ തുടങ്ങി..എന്താ പറയേണ്ടതെന്ന് മനസ്സിലാകാതെ കുഴങ്ങി നിൽക്കുമ്പോഴാണ് അങ്കിളിന്റെ ഫോൺ റിങ് ചെയ്തത്….