കട്ടെടുത്ത ഹൃദയം ♥️

Author : babybo_y

 

കുഞ്ഞുന്നാളിൽ സ്കൂളിലേക്കുള്ള വഴിയിൽ അവൾക്ക് ഇഷ്ടമില്ലാത്ത എന്തേലും ചെയ്താൽ കൈതണ്ടമേൽ ഒരു ഞുള്ളു ഞുള്ളും പെണ്ണ്….

കണ്ണീന്ന്പൊന്നീച്ച പറന്നാലും ഞാൻ വാ തുറക്കില്ല ഓള് ഞുള്ളും നിർത്തൂല്ല

മിണ്ടാണ്ട് ഇരിക്കുന്നത് ഇഷ്ട്ടം കൂടിയത് കൊണ്ടല്ല കിട്ടിയതിന്റെ ഇരട്ടി തിരിച്ചു കൊടുക്കാൻ വാശി കൂട്ടാൻ

എല്ലാം കഴിഞ്ഞു പ്രശനം സോൾവാക്കുമ്പോ രണ്ടാൾടേം കൈയ്യുംമേൽ ചുവന്ന പാടുകൾ
മാത്രം അവശേഷിച്ചിരുന്നുള്ളു

അവളുടെ ചിരി കാണുമ്പോൾ വാശി ഒക്കെ. എങ്ങോ പോയി മറയും
അന്ന് അത് സൗഹൃദം ആയിരുന്നു
പിന്നെ കാലത്തിനൊപ്പം കോലം മാറണപോലെ

ഞുള്ളു ഇടിയായി

കാന്താരി പെണ്ണിന്റെ ഓരോ ഇടിക്കും നോവുമെങ്കിലും  രണ്ടിന് ഒന്നെന്ന നിരക്കിലായി തിരിച്ചു കൊടുക്കുന്നത്

എന്തോ ഒരിഷ്ടം ഒരു കൗതുകം

കാലവും പ്രായവും സൗഹൃദങ്ങൾക്കിടയിൽ  വിലക്കുകൾ വെക്കുന്ന കൗമാരം

സൗഹൃദങ്ങൾ പൂക്കുകയും തളിർക്കുകയും  വിടരുകയും കൊഴിയുകയും ചെയ്യുന്ന കൗമാരം

പ്രണയം പൂവിടുകയും , ഹൃദയങ്ങൾ ഒന്നാവുകയും ,പിരിയുകയും ചെയ്യുന്ന കൗമാരം

അതിലുപരി ഒരുപാടൊരുപാട് ഹൃദയങ്ങൾ ഭേദിക്കപ്പെടുന്ന കൗമാരം,

ഒരുപക്ഷെ കൗമാരത്തിലായിരിക്കണം ഹൃദയം കല്ലും ഇരുമ്പും പൂന്തോട്ടവുമൊക്കെയായി പലവിധ രൂപഭാവങ്ങളിൽ കാണപ്പെടുന്നത്
എന്നാലീ കല്ലു പൊട്ടിക്കാനും ഇരുമ്പ് ഉരുക്കാനും വേണ്ടി വരുന്നത് ഒരു പുഞ്ചിരിയോ , ഒരടിയോ ഒക്കെ ആയിരിക്കും ആഹ്.. പറഞ്ഞു കണ്ടമാനം കാടുകയറി

ഋതുഭേദങ്ങളോടൊപ്പം എന്നിലും പ്രണയം നിറഞ്ഞു

എന്തുകൊണ്ട് അവൾ…
അതായിരുന്നു  ഉള്ളിൽ തോന്നിയ ആദ്യത്തെ ചോദ്യം