ഡെറിക് എബ്രഹാം 11 [അഹമ്മദ് ശഫീഖ് ചെറുകുന്ന്] 232

“ആഹാ… എന്റെ തല തെറിച്ച പെണ്ണ് വന്നോ… ഇതെങ്ങനെ വീട്ടിൽ നിന്ന് ചാടി ? ”

“എനിക്ക് വരാതിരിക്കാനാവോ മകളേ സരസ്വതീ ? ”

“അപ്പോൾ എന്തായി നിന്റെ കല്യാണം ? ”

“അവന് ഏതോ ഒരുത്തിയുമായിട്ട് മുടിഞ്ഞ പ്രേമം…. അത് കൊണ്ടു അവനെ അച്ഛൻ തന്നെ ഒഴിവാക്കി…രോഗി ഇച്ഛിച്ചതും പാല് , വൈദ്യൻ കല്പിച്ചതും പാല്…
അപ്പോൾ പിന്നെ, അവിടെ നിന്നിട്ട് വല്യ കാര്യമില്ലല്ലോ….
പെട്ടിയും കിടക്കയുമെടുത്ത് അപ്പോൾ തന്നെ അവിടുന്ന് മുങ്ങി , ഇവിടെ പൊങ്ങി…
അച്ഛന്റെ കാറുണ്ടായത് കൊണ്ട് നല്ലൊരു ട്രിപ്പിന്റെ ഫീലും കിട്ടി..”

അപ്പോഴേക്കും പ്രിയയും കൂട്ടരും അവിടെയെത്തി…

“ഹാ…. മാഡം വന്നോ ? ”

“ഹാ…. വന്നു… എന്തേ വന്നൂടെ? ”

“വരാതിരിക്കുന്നതായിരുന്നു ഞങ്ങൾക്ക് നല്ലത് ”

അതും പറഞ്ഞു എല്ലാവരും പൊട്ടിച്ചിരിച്ചു…. പ്രിയയുടെ കൂടെ കീർത്തിയെയും ജൂഹിയെയും കണ്ട മീര അവരെയൊന്ന് തുറിച്ചു നോക്കി….

“ടീ… പ്രിയേ… ഇത്ര പെട്ടെന്ന് നിനക്ക് കുട്ടികളുമായോ ? ”

ആ സംസാരം ഇഷ്ടപ്പെടാതിരുന്ന കുട്ടികൾ മീരയേയും തിരിച്ചൊന്ന് തുറിച്ചു നോക്കിയിട്ടു ആദിയുടെ അടുത്തേക്ക് പോയി…
അത് കണ്ട അവൾ ആദിയുടെ മുഖത്തേക്ക് വീണ്ടും പുച്ഛഭാവത്തിൽ നോക്കി….

“മാമീ… ഇതേതാ പെൺ കിളികൾ മാത്രം താമസിക്കുന്ന വീട്ടിലൊരു ആൺ കാക്ക ? ”

“അതെന്റെ സ്വന്തം മക്കളാണ് ടീ….”

“ആഹാ….കുറച്ചു കാലം ഞാനിവിടെയില്ലാതെ നിന്നപ്പോൾ എന്തൊക്കെയാ ഇവിടെ സംഭവിച്ചത്…. കൊള്ളാല്ലോ ”

മാമി അവളെയും കൂട്ടി ആദിയുടെ അടുത്തേക്ക് പോയി…