* ഗൗരി – the mute girl * 28 (S1 Climax) [PONMINS] 425

പിന്നീട് ഉള്ള ദിവസങ്ങൾ സമാധാനപരം ആയിരുന്നു , ശിവദേവിനെ തേടി ഇന്ത്യ മൊത്തം ആളെ വിട്ടു , ഇപ്പോഴത്തെ കോലമോ എവിടെയാണെന്നോ ഒന്നും അറിയില്ലെങ്കിലും തിരയാൻ ഒരു മടിയും ആരും കാണിച്ചില്ല , വാർത്തകളിലും പത്രങ്ങളിലും ന്യൂസ് കൊടുത്തെങ്കിലും ഒരു റെസ്പോന്സും കിട്ടിയില്ല .

പണം കൊണ്ടോ ആൾബലം കൊണ്ടോ എതിർക്കാൻ ശേഷി ഇല്ലാത്തത് കൊണ്ട് കോടതി വിധിച്ച ആജീവനാന്തജയിൽ ശിക്ഷ ബോസും കൂട്ടരും സ്വീകരിക്കേണ്ടി വന്നു , പക്ഷേ അതിലും വലിയ ശിക്ഷ പോലീസുകാർക്കൈമാറും മുൻപേ കാർത്തി നടപ്പാക്കിയിരുന്നു , ബോസിനും പോളിനും ഐസക്കിനും നടക്കാൻ പോലും പറ്റാത്തഅവസ്ഥയിൽ ആക്കിയാണ് അവരെ കൈമാറിയത്.

കുറച്ചു ദിവസങ്ങൾക് ശേഷം മറ്റൊരു സന്തോഷ സുദിനത്തിനു വേണ്ടിയുള്ള തയ്യാറെടുപ്പുകളിൽ ആണ്എല്ലാവരും , വിച്ചുവിന്റെയും ലെച്ചുവിന്റെയും കല്യാണം , പടകൾ എല്ലാം ദേവമടത്തു ഒത്തുകൂടിയിട്ടുണ്ട്

അച്ചു : അല്ല ഇഷാനി നീ ആരുടെ കൂടെ നിൽക്കും കല്യാണത്തിന് പെണ്ണിന്റെ കൂടെയോ അതോ ചെക്കന്റെകൂടെയോ

രോഹൻ : അത് ശെരിയാണല്ലോ , ചെക്കൻ ആങ്ങളയും പെണ്ണ് പെങ്ങളും ,,ആഹാ , എന്താ രസം

ഇഷാനി : അതിനുള്ള വഴി ഞാൻ കണ്ടിട്ടുണ്ട് , താലികെട്ടിനു ചെക്കന്റെ കൂടെ വരും പിന്നെ റിസപ്ഷന് പെണ്ണിന്റെകൂടെയും ,,

അപ്പോഴാണ് സനീഷയും സച്ചിനും അവരുടെ ആമിയുടെ അച്ഛനമ്മമാരുടെ കൂടെ അങ്ങോട്ട് വന്നത് , അവരെആദ്യമായാണ് അനു കാണുന്നത് ,അവർ വന്നതും വീട്ടിലുള്ളവർ എല്ലാം അവിടെ കൂടി

സനീഷ: അമ്മക് ഒരു ആഗ്രഹം ഉണ്ട് , അത് പറയാൻ ആണ് ഞങ്ങൾ വന്നത്

അനു : എന്താണ് ഒരു മുഖവുരയൊക്കെ , അങ് പറഞ്ഞാൽ പോരെ

സച്ചിൻ : അത് , ഇവിടുത്തെ കല്യാണത്തിന്റെ അന്ന് നിങ്ങളുടെയും താലികെട്ടും റിസപ്ഷനും നടത്തിയാൽകൊള്ളാമെന്നുണ്ട് ,കല്യാണം കഴിഞ്ഞു എങ്കിലും ചടങ്ങുകൾ  ഒന്നും നടന്നിട്ടില്ലല്ലോ , എന്താ അഭിപ്രായം

മുത്തശ്ശൻ : ഇതിപ്പോ ചോദിക്കാൻ എന്തിരിക്കുന്നു , നമുക്ക് നടത്തി കളയാം

രുദ്രൻ : എന്ന അങ്ങനെ നടക്കട്ടെ , എന്തായാലും കല്യാണം കഴിഞ്ഞാൽ ഇവർ ഡൽഹിക്ക് തന്നെ വരാൻനിന്നതല്ലേ അപ്പൊ നിങ്ങളുടെ ആളുകളെ എല്ലാം വിളിച്ചു അവിടെ ഒരു റിസപ്ഷൻ നടത്തിയേക്ക് ഞങ്ങളും വരാം

മുത്തശ്ശൻ : അല്ല ,ഇവൻ പോവാണോ അതിനു

രുദ്രൻ : ആ അവന് ജോലിക്കു കയറാൻ സമയം ആയി