ക്യാമ്പസ് ഡയറി [മനൂസ്] 363

ഞാനും സിയയും ഇവിടെ ആണെന്ന് അറിഞ്ഞു പഴയ പ്രതികാരം വീട്ടാൻ ആണോ എന്ന് സംശയം എന്നിൽ ഉണ്ടായി…….. ശത്രുക്കൾ ഓരോന്നും ദിനംപ്രതി കൂടുന്ന അവസ്‌ഥ…..

ജെറിയും ഞാനും പുറമെ ചിരിച്ചുകൊണ്ട് മിണ്ടുമെങ്കിലും ഉള്ളിൽ ഞങ്ങൾ തമ്മിലുള്ള ശത്രുത കൂടി വരുകയായിരുന്നു….. സിയയോട് അടുക്കാനുള്ള എന്റെ  ശ്രമങ്ങളെ അവൻ നിരന്തരം തകർത്തു മുന്നേറി…….അവനോടുള്ള വെറുപ്പ് അതിന്റെ പാരമ്യത്തിൽ എത്തിയിരുന്നു…..

ഞാൻ കോളേജിൽ വന്നിട്ട് ഇന്നേക്ക് മൂന്ന് മാസമായി…..

ഒരു അവധി ദിനം ഉറങ്ങിക്കിടക്കുമ്പോഴാണ് എനിക് വിശ്വേട്ടന്റെ കാൾ വന്നത്…..

“ദിലു….”

പതർച്ചയോടെയുള്ള സ്വരം….

“എന്താ വിശ്വേട്ടാ…..”

“ദിലു…..ജെറി….”

“ജെറി…..”

“ജെറി പോയടാ…… കൊലപാതകം ആണെന്നാ കേട്ടെ……”

അത് കേട്ടതും ഫോൺ എന്റെ കൈയിൽ നിന്നും നിലത്തേക്ക് വീണിരുന്നു…..

××××××××××××××××××××××××××××××××

ജെറി മരിച്ചിട്ട് ഇന്നേക്ക്  ഒരു ആഴ്‌ചയായി…. എന്താണ് സംഭവിച്ചതെന്ന് ആർക്കും അറിയില്ല…..ആളു മാറി നടത്തിയ കൊലപാതകം ആകാമെന്നാണ് പോലീസ് നിഗമനം…. അവനെ കൊല്ലാനും വേണ്ടി ശത്രുത ആർക്കും ഇല്ലായിരുന്നു…ആരുടെയോ രാഷ്ട്രീയ പകപോക്കലിന്റെ ഇരയായി അവനും…..

കോളേജിലും പുറത്തും അവൻ മാന്യൻ ആയിരുന്നു…. ഞാനുമായി സ്വരചേർച്ച ഇല്ലായിരുന്നുവെങ്കിലും അവന്റെ പെട്ടെന്നുള്ള മരണം എന്നെ വല്ലാതെ പിടിച്ചുകുലുക്കി….. കൺമുന്നിൽ എന്നും കണ്ടിരുന്ന ആൾ പെട്ടെന്ന് ഇല്ലാതാകുമ്പോഴുള്ള ശൂന്യത അത് വല്ലാതെ അനുഭവപ്പെടുന്നുണ്ട്…..