ക്യാമ്പസ് ഡയറി [മനൂസ്] 363

അത് ശരിയാണെന്ന് എനിക്കും തോന്നി…. പിന്നീട് എന്റെ ശ്രമം മുഴുവൻ അവളുടെ ആഗ്രഹപൂർത്തീകരണത്തിനു വേണ്ടിയായിരുന്നു….. ഒരു ദിവസം പോലും കരയാതെ ഉറങ്ങാൻ എനിക്ക് കഴിഞ്ഞിട്ടില്ല… അത്രമാത്രം കുറ്റബോധം എനിക്കുണ്ട്…..

അവളെ പഴയ എന്റെ സിയ ആക്കി മാറ്റാനാണ് ഞാൻ വീണ്ടും വന്നത്…….വാശിയോടെ ഞാൻ പഠനം പൂർത്തിയാക്കി….ചേട്ടന്റെ സ്വാധീനം ഉപയോഗിച്ച് അവൾ ഉള്ള ഈ കോളേജിൽ തന്നെ കേറിയത് അതുകൊണ്ടാ…. അവൾക് വേണ്ടി മാത്രം…. എന്റെ തെറ്റിനെ തിരുത്താൻ .”

ഇത്രയും പറഞ്ഞുകൊണ്ട് ഞാൻ വിശ്വേട്ടനെ നോക്കി…..

“എന്റെ പെണ്ണിനെ വേറെ ആരും സ്വന്തമാക്കാൻ ഞാൻ സമ്മതിക്കില്ല… അവളില്ലാതെ പറ്റില്ല ചേട്ടാ….

തെറ്റുകൾ മാത്രമാണ് വിശ്വേട്ടാ ഞാൻ ചെയ്തത്…. പക്ഷെ അത് മനസ്സിലാക്കി തിരുത്താൻ എനിക്ക് ഒരു അവസരം വേണം …..”

“‘ചില തെറ്റുകൾ തിരുത്താൻ  ജീവിതത്തിൽ അവസരം കിട്ടിയെന്ന് വരില്ല ദിലു…..”

ഒന്നും പറയാൻ കഴിയാതെ ഞാൻ അവിടെ നിന്നും എഴുന്നേറ്റ് നടന്നു……

×××××××××××××××××××××××××××××××××××

“ജെറി എനിക്കൊരു കാര്യം പറയാനുണ്ട്……”

കോളേജിലെ ആരും വരാൻ സാധ്യത ഇല്ലാത്ത ഒരു ഒഴിഞ്ഞ കോണിൽ അവനെ നിർത്തി ഞാൻ ചോദിച്ചു……

“പറയു ദിലു…..”

“താനും സിയയും ആയി കല്യാണം ഉറപ്പിച്ചിരിക്കുകയാണെന്നു വിശ്വേട്ടൻ പറഞ്ഞു അത് ശരിയാണോ…..”

എന്റെ ചോദ്യം കേട്ട് അവൻ ചിരിച്ചു…..

“ഞാൻ ഈ ചോദ്യം പ്രതീക്ഷിച്ചതാണ് നിന്നിൽ നിന്നും…….. ”

ഒന്നും മനസ്സിലാകാതെ ഞാൻ അവനെ നോക്കി…. അവൻ തുടർന്നു….

“എനിക്ക് അവളെ ഇഷ്ടമാണ് ദിലു…..ആലോചനയുമായി വീട്ടിൽ പോയതുമാണ്… പക്ഷെ അവൾക് ഇപ്പോൾ ഒരു വിവാഹത്തിന് താൽപര്യം ഇല്ലാ എന്നാണ് പറഞ്ഞത്……പതിയെ അവളുടെ മനസ്സിലെ ഇഷ്ടം നേടിയെടുക്കാമെന്ന് വിചാരിച്ചു ഇരുന്നപ്പോഴാണ് നിന്റെ വരവ്…..

തുടക്കം മുതലുള്ള അവളോടുള്ള നിന്റെ നോട്ടവും പെരുമാറ്റവും ഞാൻ ശ്രദ്ധിച്ചിരുന്നു…..ഒരേ ക്ലാസ്സിൽ പടിച്ചവരുടെ ഒരു ബന്ധമല്ല നിങ്ങളുടേത് ….അവൾ പറഞ്ഞ ആ കഥയിലെ ആ നായകൻ നീ ആണെന്ന് മനസ്സിലാക്കാൻ ഒരുപാട് ചിന്തിക്കേണ്ടി വന്നില്ല…..