കൃഷ്ണവേണി V [രാഗേന്ദു] 1257

“ഒന്നുമില്ല.. വീട് കണ്ട് നോക്കി നിന്നുപോയതാണ്.. സോ ബ്യൂട്ടിഫുൾ..”

ഒരു ചിരിയൊടെ അവളെ നോക്കി പറഞ്ഞ്..

“ഇത് ഒരു പഴയ ക്രിസ്തീയ തറവാട് ആണ്.. ഡാഡിക്ക് കിട്ടിയപ്പോൾ അത് റിനോവേറ്റ് ചെയ്തു.. അതുപോലെ.. ആൻ്റിക്ക്‌സ് ഒക്കെ ഡാഡി ഏതെങ്കിലും രാജ്യങ്ങളിൽ പോകുമ്പോൾ വാങ്ങി കൊണ്ട് വരും.. ഒരു തരം പ്രാന്ത്.. . ”

അവൾ അത് ചിരിച്ചുകൊണ്ട് പറഞ്ഞു എങ്കിലും.. അവളുടെ കണ്ണിലെ നനവ് ഞാൻ കണ്ടു..

അവളുടെ ഡാഡി കുറച്ച് വർഷം മുൻപ് അക്‌സിഡൻ്റിൽ മരിച്ചതാണ്..

“വാ.. അങ്ങോട്ട് ഇരിക്കാം..”

ഞങ്ങള് അകത്തേക്ക് ചേന്നു..കുറെ സംസാരിച്ചു.. ബൈക്ക്‌സ്സ്, ഫൂഡ്, ഫിറ്റ്നസ്.. അവളുടെ ഏട്ടൻ എന്നെ പോലെ ആണ്.. അതുകൊണ്ട് കൂടുതൽ കണക്ട് ചെയ്യാൻ പറ്റി.. ആളുടെ പേര് മൈക്കൽ.. ഓസ്ട്രേലിയയിൽ ആണ് ജോലി.. ഇവിടെ വന്നിട്ട് ഇപ്പോ 2 മാസം ആയി.. ഇനി ഒരു മാസം കൂടി ഉണ്ടാവും..

“ആഷ്‌ലി.. ”

അവളുടെ എട്ടൻ ആയിരുന്നു..

“എന്താ മൈക്കൽ..??”

“ആഷ്‌ലിക്ക് കല്യാണ കഴിച്ച് സെറ്റിൽ ആവണം എന്ന് ആഗ്രഹം ഇല്ലെ..!”

ആ ചോദ്യം കേട്ട് ഞാൻ ഒന്ന് വിറച്ചു.. മിഷേലിനെ നോക്കി.. അവൾ ചിരിക്കുക ആണ്..

“ആ അവനോ.. ലോകത്ത് എങ്ങും ഇല്ലാത്ത കൺസെപ്റ്റ് ആണ്.. അതിൽ മെയിൻ ബൈക്ക് ഓടിക്കുന്ന പെണ്ണും.. പിന്നെ പ്രധാനം ആയി.. ലിവിംഗ് ടുഗദർ എന്ന രീതി അംഗീകരിക്കുന്നവളും..