കൃഷ്ണവേണി V [രാഗേന്ദു] 1257

“അതെ കുറച്ച് അപ്പുറത്ത് .. ഏട്ടൻ എന്താ ഇവിടെ..!?”

“ഇത് കടയിലോട്ട് കുറച് സാധനങ്ങൾ മേടിക്കാൻ വന്നതാ.. ഇവിടെ ഹോൾസെയിൽ ആയി കിട്ടും..
പിന്നെ മോനെ.. ഇപ്പോ അങ്ങോട്ട് വരവ് ഒന്നും ഇല്ല അല്ലേ.. അന്നത്തെ സംഭവത്തിന് ശേഷം..!!”

ഞാൻ ഒന്നും മിണ്ടിയില്ല.. ഒന്ന് ചിരിച്ചു..

“എനിക്ക് മോൻ്റെ അത്രെ അറിവോന്നും ഇല്ല.. ഡേവിഡ് സർ പാവം ആണ്.. എല്ലാവർക്കും ഉപകാരമെ ചെയ്തിട്ടുള്ളൂ.. എനിക്ക് ഒരു ജീവിത മാർഗം ഉണ്ടാക്കി തന്നത് മോൻ്റെ മുത്തശ്ശൻ ആണ്.. പിന്നെ വേണി.. മോൻ്റെ ജീവിതം ആണ്.. ഇതിൽ ആരെയും കുറ്റപ്പെടുത്താൻ സാധിക്കില്ല.. കാലം എല്ലാം ചേർത്ത് വേക്കും എന്ന് കരുതാം അല്ലേ..!!”

ഞാൻ അയാളെ നോക്കി ചിരിച്ചു..

“മുത്തശ്ശനും അമ്മാമ്മക്കും സുഖം അല്ലെ…!!”

“ആ.. അവർ രണ്ടാളും ഏതോ കല്യാണത്തിന് പോയിരിക്കുവ.. കൂടെ ജോലി എടുത്ത ഏതോ സാറിൻ്റെ.. വീട് നോക്കാൻ എന്നെ ആണ് ഏല്പിച്ചിരിക്കുന്നത്..”

“എവിടെ…!”

“അത് അറിയില്ല. ഏതോ സ്ഥലം പറഞ്ഞു.. എന്തായാലും ഇവിടെ അല്ല.. വിമാന യാത്ര ആണെന്ന പറഞ്ഞത്..”

ഞാൻ ഓർത്തു.. മുത്തശ്ശൻ എന്നോട് കുറെ മുൻപ് പറഞ്ഞിരുന്നു ഒരു ഫ്രണ്ടിൻ്റെ മകളുടെ കല്യാണം ഉണ്ടെന്ന്.. രാജസ്ഥാനിൽ..

“ആ.. വിജയെട്ടനെ ഞാൻ കൊണ്ടേ വിടണോ..!? ഇതും തൂക്കി നടക്കണ്ടെ.. നല്ല ഭാരം ഉണ്ടെന്ന് തോന്നുന്നു..”

“സാരമില്ല.. ഇവിടെ നിന്നും ബസ്സ് കിട്ടുമല്ലോ.. മോനെ കാണാൻ പറ്റിയല്ലോ.. സന്തോഷം ആയി.. എന്ന നടക്കട്ടെ ..”