‌

കൃഷ്ണവേണി III

Author : രാഗേന്ദു

[ Previous Part ]

എല്ലാവർക്കും സുഖം അല്ലേ..? ഒന്നും പ്രതീക്ഷിക്കാതെ വായ്ക്കുക.. കൂടുതൽ ഒന്നും പറയാൻ ഇല്ല.. സ്റ്റേ സേഫ് ഗൈസ്‌❤️❤️

നടക്കുംതോറും മനസ്സ് അവളെ വിട്ടുപോവല്ലെ എന്ന് പല ആവർത്തി പറയുന്നുണ്ട്.. പക്ഷേ അത് ശ്രദ്ധിക്കാതെ ഞാൻ നേരെ നടന്നു..

മുത്തശ്ശനെ ഓർക്കുമ്പോൾ ദേഷ്യം ഇരട്ടിച്ചു.. നടത്തത്തിൻ്റെ വേഗത കൂടി..

ബസ്സ് സ്റ്റോപ്പിൽ എത്തി… ഇവിടെ ബസ്സ് ഒരു നിശ്ചിത സമയത്തിനേ ഉള്ളൂ.. അതുകൊണ്ട് ഞാൻ അവിടെ സൈഡിൽ ഒരു മര ചുവട്ടിൽ നിന്നു..

അവളെ അവിടെ വിട്ട് വന്നത്.. അവളുടെ ജീവിതം ഞാൻ കാരണം നശിക്കണ്ട എന്ന് കരുതി ആണ്..
അതോ.. എൻ്റെ ഈഗോ ആണോ..!!

ഇതൊക്കെ ആലോചിച്ച് എനിക്ക് പ്രാന്ത് പിടിക്കും പോലെ.. ഒരു തീരുമാനം എടുക്കാൻ പറ്റാത്ത പോലെ.. അവളെ കൂട്ടി വന്നാലോ എന്ന് ഒരു നിമിഷം ഞാൻ ചിന്തിച്ചു…

അപ്പോൾ ആണ് ബസിൻ്റെ ഹോൺ ശബ്ദം അവിടെ കേട്ടത്.. കയറല്ലെ എന്ന് ഉള്ളിൽ ഇരുന്ന് ആരോ പറയുന്നു.. പക്ഷേ എന്തോ എന്നെ തടുക്കുന്നു… മുത്തശ്ശനോടുള്ള ദേഷ്യം.. അവരുടെ മുൻപിൽ തോൽക്കാൻ മനസ് അനുവദിക്കാത്ത പോലെ… പക്ഷേ ആ പെണ്ണിൻ്റെ അവസ്‌ഥ..!!

“ഹലോ.. കയറുന്നില്ലെ.. സ്വപ്നം പിന്നെ കാണാം..സമയത്തിന് എത്താൻ ഉള്ളതാ..”

അവിടെ നിൽകുന്ന എന്നെ ഉണർത്തിയത് കണ്ടക്ടറുടെ ശബ്ദം ആണ്..

രണ്ടും കല്പിച്ച് ഞാൻ ബസ്സിൽ കയറി.. തിരക്ക് ഇല്ലായിരുന്നു.. ഒരു സീറ്റിൽ കയറി ചാരി ഇരുന്നു കണ്ണ് അടച്ച്..