കൃഷ്ണവേണി Part III [രാഗേന്ദു] 991

മുത്തശ്ശൻ വാതിൽ വലിച്ച് അടച്ച്.. ഞാൻ അവിടെ ഇരുന്നു പോയി .. എന്ത് ചെയ്യണം എന്ന് അറിയാതെ .. മരവിച്ച അവസ്ഥ.. മുത്തശ്ശൻ്റെ ഓരോ വാക്കും മുൾ ആയി മനസിൽ തറഞ്ഞ് കയറി.. കയ്യിൽ നോക്കി.. ആ ബോക്സ്.. ഞാൻ മെല്ലെ തുറന്നു.. അത് കയ്യിൽ എടുത്തു.. ചുട്ടു പൊള്ളുന്നത് പോലെ ആ താലി എൻ്റെ കയ്യിൽ സ്പർശിപ്പോൾ..

എത്ര ലാഘവത്തോടെ ആണ് ഞാൻ ഇന്നലെ അവളുടെ അച്ഛൻ്റെ മുഖത്ത് നോക്കി അത് പറഞ്ഞത് .. പുച്ഛം തോന്നി എനിക്ക് എന്നോട്.. ദേഷ്യവും…

ഞാൻ അത് പോക്കറ്റിൽ ഇട്ട് അവിടെ നിന്നും ഇറങ്ങി.. ഇനി അവിടെ ഇരുന്നിട്ട് കാര്യമില്ല.. ബൈക്ക് എടുത്ത് മുൻപോട്ട് പോയി..

വണ്ടിയുടെ സ്പീഡ് കൂട്ടി.. മുൻപിൽ വരുന്ന വണ്ടികൾ ഒന്നും ശ്രദ്ധിക്കാതെ ഞാൻ ഓടിച്ചു.. സിറ്റിയിൽ തിരക്ക് ഏറിയ റോഡും..

ഫ്ലാറ്റിലേക്ക് ചെന്നു.. ഓരോന്ന് ആലോചിച്ച് എനിക്ക് ദേഷ്യവും സങ്കടവും വന്നു .. തെറ്റ് മനസ്സിലാക്കി അവരുടെ മുൻപിൽ ചെന്നപ്പോൾ എൻ്റെ നേരെ എല്ലാവരും വാതിൽ അടച്ചു..
അവൾ എവിടെയാണ് എന്ന് പോലുമറിയില്ല..!!

ഫോൺ റിംഗ് ചെയ്യുന്നു.. അമ്മ ആണ്.. ഞാൻ വലിച്ച് എറിഞ്ഞ്.. അത് പൊട്ടി കഷ്ണങ്ങൾ ആയി…

ദേഷ്യം ആയിരുന്നു എനിക്ക് എല്ലാവരോടും…
ഒന്നും വേണ്ടിരുന്നില്ല.. തിരികെ അവളെ തേടി പോവണ്ടായിരുന്നു എന്ന് തോന്നി..

എനിക്ക് എൻ്റെ ഈഗോ ഷൂട്ട് ചെയ്തു..

കപ്പോർഡ് തുറന്ന് ജാക് ഡാനിയേൽസ്ൻ്റെ ഒരു ബോട്ടൽ എടുത്ത് വെള്ളം പോലും ചേർക്കാതെ ഞാൻ ഒരു അഞ്ച് ആറ് പെഗ് കുടിച്ചു.. നേരെ കയറി കിടന്നു.. ഒന്നും ഓർക്കാതെ ഉറക്കത്തിലേക്ക് ..

രണ്ട് ദിവസം ഇങ്ങനെ പോയി.. കോളെജിൽ പോലും പോകാതെ .. ഒന്നിലും ശ്രദ്ധ കൊടുക്കാതെ.. കുടിച്ച്.. എന്നും വർക് ഔട്ട് ചെയ്തിരുന്നു ഞാൻ.. അതും മുടങ്ങി .. എന്നെ തന്നെ ഞാൻ സ്‌പോയിൽ ചെയ്യുന്ന പോലെ തോന്നി എനിക്ക്..

ഞാൻ എന്തിന് ഓരോന്ന് ഓർത്ത് വിഷമിക്കണം.. പോട്ടെ എല്ലാരും.. ഐ ഡോണ്ട് നീഡ് എനിബഡി.. ഐ ഗിവ്വ് നോ ഫക്ക്‌സ് .. ഞാൻ എന്നോട് തന്നെ പറഞ്ഞു..

ഇന്ന് എന്തായാലും കോളജിൽ പോകണം ഇങ്ങനെ ഇരുന്നാൽ ശരിയാവില്ല..

എണീറ്റ് ബാത്ത്റൂമിൽ പോയി ഫ്രഷ് ആയി..