കൃഷ്ണവേണി Part III [രാഗേന്ദു] 995

നേരെ പോയി അടുക്കളയിൽ.. രണ്ട് മൂന്ന് ദിവസം ആയി മര്യാദക്ക് എന്തെങ്കിലും കഴിച്ചിട്ട്.. പാൽ ഉണ്ടായിരുന്നു.. ഓട്സും… അത് ഉണ്ടാക്കി കഴിച്ചു.. പിന്നെ കുറച്ച് ഫ്രൂട്സും.. ഒരു ട്രാക്ക് പാൻ്റും ബനിയനും എടുത്ത് ഇട്ടു.. ഒന്ന് പുറത്ത് പോയി.. ഓടാൻ..മൈൻഡ് ഒന്ന് ഫ്രഷ് ആയി..

പോയി വന്ന് നേരെ ഷവറിൻ്റെ ചുവട്ടിൽ നിന്നു.. ആശ്വാസം തോന്നി.. പഴയതോന്നും ഓർത്ത് ഞാൻ ഇനി വിഷമിക്കില്ല.. അവൾക്ക് വേണ്ടങ്കിൽ പിന്നെ എനിക്ക് എന്തിന് .. കെട്ടിയ താലി വരെ അവൾ അഴിച്ച് തന്നു.. ഇനി എന്ത് ബന്ധം..!!

അത് അഴിച്ചൊള്ളാൻ പറഞ്ഞത് ഞാൻ ആണ്.. പക്ഷേ മനസിൽ എന്തോ ഒരു നോവ്.. അവൾ അങ്ങനെ ചെയ്തു എന്ന് അറിഞ്ഞപ്പോൾ… കത്തി കുത്തി ഇറങ്ങുന്ന പോലെ.. അവളെ വേണം എന്ന് മനസ് പറയുന്നു..

നോ.. ഞാൻ സ്വയം പറഞ്ഞു..

കുളി കഴിഞ്ഞ് പുറത്ത് ഇറങ്ങി.. കണ്ണാടിയുടെ മുൻപിൽ നിന്നു.. ഒരു ലൈറ്റ് ബ്ലൂ ഷർട്ടും ബ്ലാക് പാൻ്റും എടുത്ത് ഇട്ടു .. കൊളെജിൽ പോവാൻ റെഡി ആയി..ഫോൺ നോക്കി അത് അവിടെ തന്നെ കഷ്ണങ്ങൾ ആയി കിടക്കുന്നുണ്ട്… എടുത്ത് പോക്കറ്റിൽ ഇട്ടു.. ഫ്ലാറ്റ് പൂട്ടി.. ബൈക്ക് എടുത്തു..

പോകും വഴി ഒരു മൊബൈൽ ഷോപ്പ് ഉണ്ട്.. അവിടെ നന്നാക്കാൻ കൊടുത്തു.. അയാൾ അതിൻ്റെ കോലം കണ്ട് എന്നെ മിഴിച്ച് നോക്കുന്നുണ്ട്…

“ഇത് എപ്പോൾ ശരി ആവും…”

“ഇത്.. ഇത്രയും ദയനീയ അവസ്ഥ ആയത് കൊണ്ട് രണ്ട് ദിവസം പിടിക്കും.. ചെലപ്പോ വേറെ ഫോൺ നോക്കേണ്ട വരും..”

“ആ.. നോ ഇഷ്യൂ.. പറ്റൂവാണങ്കിൽ നന്നാകൂ.. അലെങ്കിൽ വേറെ നോക്കാം.. രണ്ട് ദിവസം കഴിഞ്ഞ് വരാം..”

ഞാൻ അതിൽ നിന്നും സിം, മെമ്മറി കാർഡ് ഊരി മാറ്റി പഴ്സിൽ വച്ചു..

നേരെ കോളജിലേക്ക്..

വണ്ടി പാർക്ക് ചെയ്ത്.. ഞാൻ ഓഫീസ് റൂമിലേക്ക് പോയി.. കുറച്ച് ദിവസം ലീവ് ആയത് കൊണ്ട് പ്രിൻസിപ്പലിനെ കണ്ട് എക്സ്പ്ലനേഷൻ കൊടുത്തു.. പേഴ്സണൽ പ്രോബ്ലം എന്ന് പറഞ്ഞു… രജിസ്റ്റർ സൈൻ ചെയ്തു..

“ആ ആഷ്.. നിൻ്റെ ഫോണിന് എന്ത്പറ്റി..!!?”