കൃഷ്ണവേണി Part III [രാഗേന്ദു] 995

നേരെ ഫ്ലാറ്റിൽ പോയി.. ഒന്ന് കുളിച്ച് വന്നു.. ഒരു ഷോർട്സ് എടുത്ത് ഇട്ടു .. മുറി ഒക്കെ ഒതുക്കി..
ബെഡിൽ കയറി കടന്നു.. എന്തോ സന്തോഷം പോലെ.. മനസ് ഒന്ന് തണുത്തത് പോലെ .. ആദ്യമായ് അവളെ കണ്ട നിമിഷം ഞാൻ ഓർത്തു.. ആ കുളപടവിൽ.. ചുണ്ടിൽ ഒരു പുഞ്ചിരി ..

അവളുടെ കണ്ണുകൾ ആണ് എന്നെ ഏറ്റവും കൂടുതൽ ആകർഷിച്ചത് .. ആ നോട്ടം.. കൊത്തി വലിക്കും പോലെ..

എന്തൊക്കെയോ ആലോചിച്ച ഞാൻ മെല്ലെ മയങ്ങി .. അവളുടെ അടുക്കൽ എത്താൻ മനസ് തിടുക്കംകൂട്ടി ..

രാവിലെ അലാറം അടികുന്ന ശബ്ദം കേട്ടാണ് ഞാൻ ഉണർന്നത്.. നേരെ പോയി കുളിച്ച് .. ഒരു ജീൻസും ഗ്രെയ് ബനിയനും എടുത്ത് ഇട്ടു.. വേഗം റെഡി ആയി.. ഓടുകയായിരുന്നു അവളുടെ അടുക്കൽ എത്താൻ.. അറിയില്ല എനിക്ക് എന്താ പറ്റിയത് എന്ന്..

പോകുന്ന വഴി ഷോറൂമിൽ പോയി വണ്ടി എടുത്തു.. അവിടെ നിന്നും പായുകയായിരുന്നു.. ക്ഷമ നശിച്ചിരുന്നു എൻ്റെ..

അവളുടെ വീടിൻ്റെ മുൻപിൽ എത്തി.. മുൻവശത്ത് ആരെയും അവിടെ കണ്ടില്ല.. വേഗം ഗേറ്റ് തുറന്ന് മുൻപോട്ട് ചെന്നു.. കോളിംഗ് ബെൽ അടിച്ചു..

അവളുടെ അമ്മയാണ് തുറന്നത്.. സ്വന്തം അല്ലെങ്കിലും അമ്മ തന്നെ ആണ് ..
ഞാൻ അവരെ നോക്കി ചിരിച്ചു… അവരുടെ മുഖഭാവം എനിക്ക് മനസിലായില്ല.. എന്നോടുള്ള ദേഷ്യമായിരിക്കാം..

അവർ എന്നെ നോക്കി ഒന്നും മിണ്ടാതെ അകത്തേക്ക് പോയി .. വന്നത് അങ്കിളിനെയും കൂട്ടി ആണ്…

“എന്ത് വേണം..!!??”

ദേഷ്യത്തോടെ ഉള്ള ചോദ്യം..

“അത്.. കൃഷ്ണ.. അവളെ കൊണ്ടുപോകാൻ..!!”

“അതിനു നിങ്ങൾ ഇന്നലെ ബന്ധം വേണ്ട എന്നും പറഞ്ഞ് പോയത് അല്ലേ.. പിന്നെ എന്തിന് വന്നു..!! ഇവിടെ അങ്ങനെ ആരും ഇല്ല.. നിങ്ങൾ പോവാൻ നോക്ക് ..”

“അവൾ ഇല്ലെ ഇവിടെ..!! അവളെ കണ്ടിട്ടെ ഞാൻ പോകുന്നുള്ളു..”