‌

കൃഷ്ണവേണി IV

Author : രാഗേന്ദു

[ Previous Part ]

കൂട്ടുകാരെ.. അക്ഷര തെറ്റുകൾ ഞാൻ പരമാവധി ശ്രദ്ധിക്കുന്നുണ്ട്.. പക്ഷേ എവിടെങ്കിലും ഉണ്ടെങ്കിൽ അതൊക്കെ ക്ഷമിക്കും എന്ന് വിശ്വസിക്കുന്നു.. ഒന്നും പ്രതീക്ഷിക്കാതെ വായ്‌ക്കുക.. മനസിൽ വരുന്നത് എഴുതുകയാണ്.. സ്നേഹത്തോടെ❤️
അപ്പോ തുടർന്ന് വായ്ച്ചോളു..

“സർ കൃഷ്ണവേണി വന്നു..”

ആരോ വിളിച്ച് പറഞ്ഞപ്പോൾ ഞാൻ വാതിലിൽ നോക്കി..

ഒരു കരിനീല പട്ട് ബ്ലൗസും പാവാടയും ഒരു ഓറഞ്ച് ദാവണി ആയിരുന്നു വേഷം.. അതിൽ അവളുടെ നിറം എടുത്ത് അറിയുന്നുണ്ട്..

മുടി പുറകിൽ മെടഞ്ഞ ഇട്ടിരിക്കുന്നു .. ബ്ലൗസിൻ്റെ കഴുത്തിന് ഒട്ടും ഇറക്കം ഇല്ല.. അത് കഴുത്തിന് പറ്റി ചേർന്ന് ഇരിക്കുന്നു.. പിറക് വശവും സ്വല്പം ഇറക്കം മാത്രം ..അത് ഞാൻ അവളെ ആദ്യം കണ്ടപോഴും കല്യാണത്തിനും.. അങ്ങനെ ആയിരുന്നു..സാധാരണ പെണ്ണുങ്ങൾ ബ്ലൗസിന് കഴുത്ത് നല്ല ഇറക്കം കാണാറുണ്ട്..
ആ.. വാട്ട് എവർ..!!

അവൾ പോയി സീറ്റിൽ ഇരുന്ന് ബാഗിൽ നിന്ന് ബുക്ക് തുറന്ന് എന്നെ നോക്കി..

അവളുടെ ഭാവം കണ്ട് ഞാൻ നോക്കിനിന്നു പോയി..
ഒരു ഭാവവിത്യസവും ഇല്ല.. പക്ഷേ..അവളുടെ കണ്ണിൽ ഞാൻ കണ്ടു.. എന്നോടുള്ള ദേഷ്യം.. അത് ദേഷ്യം തന്നെ ആണോ.. അറിയില്ല..!

ഞാൻ അവളിൽ നിന്നും നോട്ടം മാറ്റി.. ചുറ്റും നോക്കി.. പിള്ളേര് എന്നെ തന്നെ നോക്കി ഇരിക്കുന്നു..

അവളെ കണ്ട് ആദ്യം ഒന്ന് ഞെട്ടി എങ്കിലും.. അവളിലേക്ക് കൂടുതൽ ശ്രദ്ധ കൊടുക്കാതെ എൻ്റെ ജോലി തുടർന്നു..

പേര് വിളിച്ച് കഴിഞ്ഞ് ഫ്രണ്ടിലെ ബെഞ്ചിൽ ഇരുന്ന ഒരു കുട്ടിയുടെ കയ്യിൽ നിന്നും ബുക്ക് മേടിച്ച് ക്ലാസ് ആരംഭിച്ചു..

ഇടക്ക് അവളുടെ നേർ എൻ്റെ നോട്ടം എത്തി എങ്കിലും … പരമാവധി അത് ഒഴിവാക്കി..

ബെൽ അടിച്ചപ്പോൾ..അവർക്ക് നാളത്തേക്കുള്ള വർക് കൊടുത്ത് ഞാൻ അവിടെ നിന്നും പുറത്തേക്ക് നടന്നു..

ഇനി ഇവിടെ നിന്ന ശരിയാവില്ല എന്ന് എനിക്ക് തോന്നി.. ആസ് അ ടീച്ചർ ഞാൻ ചെയ്യാൻ പാടില്ലാത്തത് ആണ്.. പക്ഷേ എന്തോ എനിക്ക് കോൺസെൻ്റ്റേഷൻ കിട്ടാത്തത് പോലെ..

ഞാൻ പ്രിൻസിപ്പൽനോട് പറഞ്ഞ് ഹാഫ് ഡേ ലീവ് എടുത്തു.. അവളെ കണ്ട ഷോക്കിൽ എനിക്ക് ഇനി ക്ലാസിൽ ശ്രദ്ധിക്കാൻ പറ്റുമെന്ന് തോന്നിയില്ല..

ഫ്ലാറ്റിൽ ചെന്ന് ഒന്ന് ഫ്രഷ് ആയി.. ഒരു ഷോർട്സ് എടുത്ത് ഇട്ടു.. ഒരു കോഫി ഉണ്ടാക്കി കുടിച്ചു.. ആശ്വാസം തോന്നി എനിക്ക്.. ഓരോന്ന് ആലോചിച്ച് മയങ്ങി.. എണീറ്റപ്പോൾ നേരം ഒരുപാട് വൈകി.. മൈൻഡ് ഒന്ന് ഫ്രഷ് ആയത് പോലെ..