കാതോരം ??? [നൗഫു] 4377

ഇവിടെ ഞാൻ എന്നെ മാത്രമേ പരിചയപ്പെടുത്തിയിട്ടുള്ളു അല്ലെ.. രാവിലെ ഞാൻ തല്ല് കൂടിയതാണ് എന്റെ സ്വന്തം ഉമ്മ.. ഒരേ ഒരു ഉമ്മ എന്ന് പറയുന്നതാകും ശരി.. ഉമ്മയുടെ പേര് നസീമ.. ഉപ്പ കുറെ വർഷമായി ഗൾഫിൽ തന്നെ ആണ്.. ഇടക്കിടെ വീട്ടിലേക് വരുന്ന ഒരു വിരുന്നുകാരൻ.. ഹംസ.. ഞാൻ ഇടക്കിടെ ഹംസക്കാ എന്നും വിളിക്കാറുണ്ട്.. അത് പെട്ടന്ന് വിളിക്കാൻ തുടങ്ങിയത് അല്ലാട്ടോ അതിനൊരു കാരണം ഉണ്ട്.. വഴിയേ അറിയാം.. പിന്നെ ഉള്ളത് എന്നെക്കാൾ പൊട്ടി തെറിച്ച ഒരു അനിയത്തി… നാസിയ… അവൾ ആറാം ക്‌ളാസിൽ പഠിക്കുന്നു.. ഓളെ ജീവിതമാണ് ജീവിതം.. ട്യൂഷൻ ഒന്നുമില്ലാത്തത് കൊണ്ട് ഒരു എട്ടര മണിക് എഴുന്നേറ്റാൽ മതി.. സാരമില്ല.. സമയം ഉണ്ടല്ലോ.. അവളും ഒന്ന് രണ്ടു കൊല്ലം കൊണ്ട് എന്നെ പോലെ തന്നെ ആകും.. അല്ല പിന്നെ…

പിന്നെ വീടിന് തൊട്ടടുത്തായി തന്നെ ഉപ്പയുടെ തറവാട്.. അവിടെ ഉപ്പയുടെ അനിയൻമാരായി ആറു എളാപ്പമാർ.. ഞെട്ടേണ്ട.. ഇതെല്ലാം എന്റെ ബോഡി ഗാർഡ്സ് ആണ്… നാല് പേര് പെണ്ണ് കെട്ടി.. തറവാടിന്റെ അടുത്ത് തന്നെ ഞങ്ങളെ പോലെ താമസിക്കുന്നു..

രണ്ടെണ്ണം ഇത് വരെ കെട്ടിയിട്ടില്ല… പെണ്ണ് കിട്ടാഞ്ഞിട്ടാണോ.. അല്ല മിസ്റ്റർ ബ്രഹ്മചാരി  ആകുവാനുള്ള ഉദ്ദേശമാണോ.. എല്ലാം  പടച്ചോന് മാത്രം അറിയാം…