ഒന്നും ഉരിയാടാതെ 18 [നൗഫു] 4890

 

“ഇന്നാ.. ഇത് ഇട്ടോ..” 

 

ഞാൻ അവളുടെ നേർക് ഒരു പിങ്ക് നൈറ്റി നീട്ടി കൊണ്ട് പറഞ്ഞു..

 

“ഇനി മോൻ പൊയ്ക്കോ ഞാൻ വിളിക്കുമ്പോള്‍ വന്നാൽ മതി..” 

 

ഡോർ അടക്കാതെ തന്നെ നാജി എന്നെ അവിടെ നിന്നും പറഞ്ഞു വിട്ടു..

 

❤❤

 

ബെഡിലേക് കൊണ്ട് ഇരുത്തിയപ്പോൾ അവളുടെ കാലിന്റെ മസിൽ കൂടെ കയറിയിട്ടുണ്ട്…

 

“ബാവു.. എനിക്ക് വയ്യ ടാ.. കാൽ പൊന്തിക്കാൻ പറ്റുന്നില്ല.. നീ എന്തേലും ഒന്ന് ചെയ്തു കൊണ്ട…” 

 

അവൾ കരയാൻ തുടങ്ങി..

 

ഞാൻ ഇപ്പോ എന്താ ചെയ്യുക എന്നറിയാതെ നിലത്തേക്കിരുന്നു.. പിന്നെ മെല്ലെ ആ കാലിന്റെ അടിയിൽ നിന്നും നൈറ്റി കുറച്ചു ഉയർത്തുവാനായി തുടങ്ങി… ചുവന്നു തുടുത്ത നാജിയുടെ കാൽ പാദവും.. അതിലെ സ്വർണ പാദസരവും കണ്ടു മെല്ലെ മുകളിലേക്കു ഉയർത്തി…

 

“എവിടെയാണ് വേദന…” 

 

ഞാൻ അവളുടെ കാലിന്റെ എടുപ്പിൽ പിടിച്ചു കൊണ്ട് ചോദിച്ചു…

 

ഇതാ ഇവിടെ ആണെന്ന് കാണിച്ചു അവൾ വലതു കാലിന്റെ മുട്ടിനു താഴെ  ഉള്ള മസിലുകളിൽ തൊട്ടു കാണിച്ചു തന്നു…

 

“എന്താ ചെയ്യാ…”

 

“മുട്ടികുളങ്ങര തൈലം ഉണ്ടോ.. അല്ലേൽ കൊട്ടൻ ചുക്കാദി..” 

 

രണ്ടും എന്റെ റൂമിൽ ഇല്ല.. ഇനി ഉമ്മയുടെ റൂമിൽ പോയി തിരഞ്ഞാൽ അവർ അറിയും വെറുതെ ഉറങ്ങുന്നവരെ ശല്യ പെടുത്തിയിട്ട് എന്ത് കാര്യം…

 

ആ… കിട്ടി… ഫുട്ബോള്‍ൾ കളിക്കാൻ പോകുമ്പോൾ അടി കുടുങ്ങി വീഴുമ്പോഴും മറ്റും ഉപയോഗിക്കുന്ന മൂവ് ഉണ്ട് അലമാരയിൽ.. ഞാൻ ഉടനെ തന്നെ അവിടെ  നിന്നും എഴുന്നേറ്റ് കൊണ്ട് ആ മൂവ് എടുത്തു വന്നു..

 

വീണ്ടും നിലത്തേക്കിരുന്നു കൊണ്ട് നാജിയുടെ കാലുകൾ എന്റെ മടിയിലേക് കയറ്റി വെച്ചു… അവളുടെ നൈറ്റി മുട്ടിന്റെ മുകളിലായി കയറ്റി വെച്ചു കൊണ്ട് മൂവ് കുറച്ച് വിരലിൽ പുരട്ടി മസിലുകളിലേക് തേച്ചു കൊണ്ട് നല്ലത് പോലെ തടവാൻ തുടങ്ങി…

 

കുറച്ചു നിമിഷങ്ങള്‍ കൊണ്ട് നാജിയുടെ മുഖത്തു ഞാൻ കുറച്ചു ആശ്വാസം കണ്ടു… കാലിന്റെ വേദന പോയത് പോലെ… അവൾ തന്നെ എന്നോട് മതി എന്ന് പറഞ്ഞു കൊണ്ട് കാലുകൾ ബെഡിലേക് കയറ്റി കിടന്നു..

 

ഞാൻ മൂവ് എടുത്തു വെച്ച്.. കൈ നല്ലത് പോലെ കഴുകി ബെഡിലേക് വന്നു.. നാജി ഞാൻ വരുന്നതും നോക്കി ചരിഞ്ഞു കിടക്കുന്നുണ്ട്… ഞാൻ അവളെ ഒന്ന് നല്ലത് പോലെ നോക്കി ആ കട്ടിലിലേക് കിടന്നു…

 

“എന്താ..” 

 

എന്റെ നോട്ടത്തിന്റെ വശപിശകോ എന്തോ അവൾ എന്നെ നോക്കി ചോദിച്ചു..

 

“ഹേയ് ഒന്നുമില്ല…”

 

“ഒന്നുമില്ല..” 

 

നാജി വീണ്ടും ചോദിച്ചു.. എന്നിൽ നിന്നും എന്തോ എന്ന് കേൾക്കാൻ കൊതിക്കുന്നത് പോലെ…