ഒന്നും ഉരിയാടാതെ 18 [നൗഫു] 4825

 

ബെഡ് ലാമ്പിന്റെ വെളിച്ചത്തില്‍ നാജി കാലുകൾ ചുരുട്ടി വെച്ച് കിടക്കുന്നുണ്ട്… എന്താ ചെയ്യുക.. ഞാൻ അവളെ തന്നെ കുറച്ചു നേരം നോക്കി നിന്നു..

 

“നാജി..” 

 

അവളെ മെല്ലെ വിളിച്ചു നോക്കി..

 

ഇല്ല ഉറങ്ങിയിട്ടില്ല.. കണ്ണ് നിറഞ്ഞിട്ടുണ്ട്.. അള്ളാഹ്.. ആദ്യമായിട്ട് ആണ് എനിക്ക് ഇങ്ങനെ ഒരു അനുഭവം.. ഇന്നലെ തൊട്ട് തുടങ്ങിയത് ആണല്ലോ… പതിയെ അവൾ കണ്ണ് തുറന്നു എന്നെ നോക്കി പുഞ്ചിരിച്ചു.. ഇവൾക്ക് എങ്ങനെ കഴിയുന്നു വേദനക്കിടയിൽ പോലും മനോഹരമായി ചിരിക്കാന്‍…

 

ഡ്രസ്സ്‌ ഒന്നും മാറ്റിയിട്ടില്ല.. അതൊന്ന് മാറ്റി കൊടുക്കാന്‍ എന്റെ മനസ് വെമ്പുന്നുണ്ട്.. കുറച്ചു വലിയ കുറേ വള്ളികളും മറ്റുമുള്ള ഒരു വസ്ത്രം ആണ് അവൾ ധരിച്ചിരിക്കുന്നത്.. അതൊന്ന് മാറ്റിയാൽ തന്നെ കുറച്ചു കാറ്റോട്ടം കിട്ടും..

 

“നാജി.. ഇത് മാറ്റണ്ടേ..”

 

അവളുടെ മുഖത്തേക്ക് നോക്കി ഞാൻ ചോദിച്ചു…

 

കുറച്ചു നേരം മുന്നേ മാത്രം എത്ര നല്ലത് പോലെ വർത്തമാനം പറഞ്ഞു വന്നതാണ് ഞങ്ങൾ… ഇപ്പോൾ വാടിയ ചേമ്പിൻ  തണ്ട് പോലെ ആയി..

 

“നാജി..” 

 

ഞാൻ വീണ്ടും അവളെ വിളിച്ചു..

 

അവൾ പതിയെ വീണ്ടും കണ്ണുകൾ തുറന്നു..

 

“ഈ ഡ്രസ്സ്‌..” 

 

ഞാൻ അവളുടെ വസ്ത്രത്തിലേക് നോക്കി ചോദിച്ചു..

 

“ബാവു.. നീ എന്നെ ബാത്‌റൂമിലേക് ഒന്ന് കൊണ്ട് പോകുമോ…”

 

“എന്തെ…”

 

“ഹേയ് ഒന്നുമില്ല.. ടാ.. ഈ ഡ്രസ്സ്‌ മാറ്റാൻ തന്നെ ആണ്..”

 

ഞാൻ സത്യത്തിൽ പേടിച്ചിട്ടുണ്ട്.. ഈ ബ്ലീഡിങ് എന്ന് പറഞ്ഞാൽ രക്തം ഉള്ളിലൂടെ പുറത്തേക്ക് വരുന്നതാണെന്ന് അറിയാം.. പക്ഷെ കൂടുതലായി ഒന്നും അറിയില്ല.. ഇനി അവൾക് വീണ്ടും ബ്ലീഡിങ് തന്നെ ആണോ എന്ന് ഞാൻ സംശയിച്ചു..

 

ഞാൻ അവളെ എന്റെ കൈകളിൽ ഉയർത്തി നിർത്തി..

 

“നാജി ഉമ്മയെ വിളിക്കണോ…”

 

“പോടാ.. എനിക്ക് നീ ഇല്ലേ.. എല്ലാത്തിനും..” 

 

അവളുടെ വാക്കുകൾക്ക്  തെളിച്ചമില്ലേലും ആ ശബ്ദം എന്റെ ഹൃദയത്തില്‍ സുഗന്ധം പരത്തി..

 

“എനിക്ക് നീ ഇല്ലേ…”

 

ഉണ്ട്.. ഞാൻ ഉണ്ട്.. ഏതു പ്രതിസന്ധി  ഘട്ടങ്ങളിലും തന്റെ ഇണയെക്കാൾ വലിയ തുണ വേറെ ആര്…

 

അവളെ ബാത്‌റൂമിലേക് കയറ്റി ഞാൻ അവൾക് മറുവാനുള്ള ഒരു ത്രീ ഫോർത്തും ബനിയനും എടുത്തു.. അവൾ ചോദിച്ചപ്പോള്‍ ഞാൻ ഡോറിന്റെ ഇടയിലൂടെ നീട്ടി കൊടുത്തു..

 

“എടാ.. ഇതല്ല.. നൈറ്റി എടുക്ക്.. ഇതൊക്കെ ഇട്ടു ഞാൻ എങ്ങനെയാ കിടക്കുക.. കുറച്ചു കാറ്റോട്ടം കിട്ടിക്കോട്ടേ….”

 

ഹോ ഇനി അത് എടുത്തിട്ട് ഏതു കാറ്റു കിട്ടുവാൻ ആണാവോ.. ഇനി ഇതിലൂടെ വല്ല കത്രീനയും പോകുന്നുണ്ടോ ആവോ… ഞാൻ അലമാരയിൽ ഡ്രസ്സ്‌ തിരയുന്നതിനിടെ ആലോചിച്ചു…