ഒന്നും ഉരിയാടാതെ 18 [നൗഫു] 4825

 

“ടാ മോളെ പിടി… നീ ഇവളുമായി വരുന്ന സമയം ഒന്നും കണ്ടില്ലേ ബാവു…”

 

“അവനെ പറയണ്ട ഉമ്മ.. ബൈക്കിൽ നിന്നും ഇറങ്ങിയത് മുതലാണ് അസ്വസ്ഥത തുടങ്ങിയത്…”

 

“ഞാൻ വേഗം നാജിയുടെ അടുത്തേക്ക് പോയി അവളെ ഒരു സൈഡിലും മറ്റേ സൈഡിൽ ഉമ്മയും നിന്നു വീടിന്റെ ഉള്ളിലേക്കു നടന്നു…”

 

“ബൈക്കിൽ ഇരുന്നിട്ടാവും..”

 

ഉമ്മ തന്റെ അഭിപ്രായം പറഞ്ഞു…

 

“ഹേയ് അല്ല ഉമ്മ എനിക്ക് ഇങ്ങനെ ഇടക്ക്  വരാറുണ്ട്.. അതാ..”

 

“ഹോസ്പിറ്റലിൽ പോണോ മോളെ..”

 

“വേണ്ട ഉമ്മ.. ഓവറായി ഒന്നും ആയിട്ടില്ല അഞ്ചിൽ കൂടുതൽ ആയാൽ പോയാൽ മത…”

 

ഞങൾ അവളെ റൂമിലേക്കു കൊണ്ട് കിടത്തി..

 

“ആ കാർ ഉണ്ടായിരുന്നില്ലേ മോളെ.. അല്ലേലെ പുറത്ത് നല്ല തണുത്ത കാറ്റ് അടിക്കുന്നുണ്ട് ഇനി രണ്ടിനും എന്താണാവോ ഉണ്ടാക്കുന്നത്…”

 

ഞാനും നാജിയും ഉമ്മയെ നോക്കി ചിരിച്ചു…

 

“നീ ചിരിക്കേണ്ട…” 

 

ഉമ്മ എന്റെ മുഖത്തു നോക്കി കൃത്രിമ ദേഷ്യം കാണിച്ചു കൊണ്ട് പറഞ്ഞു..

 

“നിങ്ങൾ ഇനി എന്തേലും കഴിക്കണേ…”

 

“ഹേയ് വേണ്ട ഉമ്മ.. ഞങ്ങൾ കഴിച്ചു..”

 

“എന്നാ ഞാൻ കുറച്ചു ഉലുവ തിളപ്പിക്കാം…”

 

“അതൊന്നും വേണ്ട ഉമ്മ.. ഉമ്മ പോയി കിടന്നോ..” 

 

ഇത് കിടന്നാൽ കുറയുമെന്ന് പറഞ്ഞ് ഉമ്മയെ നാജി റൂമിൽ നിന്നും പറഞ്ഞു വിട്ടു..

 

“ടാ.. അവൾക് എന്തേലും ബുദ്ധിമുട്ട് തോന്നിയാൽ വിളിക്കണം..” 

 

അങ്ങനെ  പറഞ്ഞു ഉമ്മ റൂമിൽ നിന്നും ഇറങ്ങി..

 

“ബാവു.. നീ പോയി മാറ്റിക്കോ..” 

 

ഞാൻ ഒന്ന് കിടക്കട്ടെ നാജി അതും പറഞ്ഞു ബെഡിലേക് കിടന്നു..

 

പടച്ചോൻ എല്ലാ സ്ത്രീകളേയും സൃഷ്ടിച്ചത് ഒരു പോലെ തന്നെ ആണ്.. പക്ഷെ അവർക്ക് വരുന്ന ഈ മാസമുറ തന്നെ പലർക്കും പല രീതിയിൽ ആണ് വരുന്നത്.. ചില പെൺകുട്ടികൾക്കു അത് വരുന്നത് തന്നെ അറിയില്ല.. ഒരു പ്രശ്നവും ഉണ്ടാവില്ല അവർ കൂളായി തന്നെ പോകും..

 

മറ്റ് കൂട്ടർക്ക് നല്ല വേദന ഉണ്ടാവും കുറച്ചു സമയം.. ആ സമയം അവർ വയർ പൊത്തി പിടിച്ചു കിടക്കും.. അതും ജോലികിടയിൽ.. മക്കളെ നോക്കുന്നതിന് ഇടയിൽ.. എന്തേലും ഭക്ഷണം പാകം ചെയ്യുന്നതിന് ഇടയിൽ..

 

വേറെ ഒരു കൂട്ടരുണ്ട്.. അവർക്ക് നാജിയെ പോലെ വേദനയും ഉണ്ടാവും കൂടെ കാലു കടച്ചിലോ നല്ല പുറം വേദനയോ കാണും… എല്ലാം സഹിക്കാൻ ഇവരെ പോലെ പുരുഷന് കഴിയില്ല.. അവൻ മല പൊക്കിയെടുത്തു നടന്നെന്ന് വരാം.. പക്ഷെ ഒരു സ്ത്രീ അനുഭവിക്കുന്ന വേദനയുടെ ഒരു അംശം.. ഇല്ല സഹിക്കാൻ പറ്റില്ല.. ഞാൻ ഓരോന്നോർത്ത് കൊണ്ട് ഫ്രഷായി ഇറങ്ങി വന്നു…