ഒന്നും ഉരിയാടാതെ 13 [നൗഫു] 4357

“മാനോ.. ഞാനോ… പോടാ..”

 

“ഇന്നാ അളിയൻ ഇന്ന് ഇവിടെ നിന്നാൽ മാനിറച്ചി കഴിക്കാം സൂപ്പർ ടേസ്റ്റാണ്..”

 

“ടാ.. ടാ. ഫോറെസ്റ്റുകാരറിഞ്ഞാൽ പിന്നെ ഞാൻ ജയിലിൽ കിടക്കേണ്ടി വരും..”

 

“ആരും അറിയില്ല അളിയാ. ഇത് അതിന് നമ്മൾ വേട്ടയാടി കൊണ്ട് വരുന്നതൊന്നും അല്ല.. ഇവിടുത്തെ ആദിവാസികൾ ( പൂർവികർ ) കൊണ്ട് തരുന്നതാണ്…”

 

“ടാ.. അപ്പോ.. രാത്രി കിട്ടുമോ..”

 

“കിട്ടും അളിയാ.. ഞാൻ സെറ്റാക്കിയിട്ടുണ്ട്. അളിയൻ നിന്നാൽ ഇന്ന് പൊളിക്കാം..”

 

“ഓക്കേ.. എന്നാൽ ഞാൻ നിക്കാം..”

 

[ സുഹൃത്തുക്കളെ ഇങ്ങനെ ഒരു ഭാഗം കഥയുടെ ഭാഗമായി ചേർത്തതാണ്. ഇനി ആരും മാനിറച്ചി കഴിച്ചു എന്നും പറഞ്ഞു എനിക്കെതിരെ കേസ് കൊടുക്കരുത്..?? സത്യായിട്ടും ഞാൻ മാനോ.. എന്തിനാ ഏറെ പറയുന്നത്. മുയലിന്റെ ഇറച്ചി പോലും ഇത് വരെ കഴിച്ചിട്ടില്ല…❤❤]

 

❤❤❤

 

ഞങ്ങൾ അവിടെ നിന്നും കേരളം കുണ്ടിലേക് യാത്ര തിരിച്ചു… വീട്ടിൽ നിന്നും കുറച്ചേ ഉള്ളൂവെങ്കിലും വളഞ്ഞുപുളഞ്ഞുള്ള വഴിയായതിനാൽ കുറച്ചു നടക്കാൻ ഉണ്ടായിരുന്നു..

 

വ്യാഴാഴ്ചയായതു കൊണ്ട് കൂടുതൽ തിരക്കൊന്നും ഇല്ല.. ഇരുപതു രൂപ ടിക്കറ്റെടുത്ത് ഞങ്ങൾ നാല് പേര് അവിടേക്കുള്ള സ്റ്റെപ്പുകൾ ഇറങ്ങുവാനായി തുടങ്ങി.. ഞാനും, നാജിയും.. അസറുവും, അവന്റെ അനിയത്തി സുറുമിയും..