ഒന്നും ഉരിയാടാതെ 13 [നൗഫു] 4785

ഒമ്പത് മണിയോട് കൂടി മഴ കുറച്ചൊന്നുശമിച്ചു.. ഞങ്ങൾ അവിടെ നിന്നും ചായ കുടിച്ചു അടുത്തുള്ള നാജിയുടെ ഉമ്മയുടെ തറവാട്ടിലേക്കും അവളുടെ കുറച്ചു ബന്ധു വീടുകളിലെകുമായി പോയി… ഇടയിൽ ഉച്ചക്ക് അവളുടെ അമ്മോന്റെ വീട്ടിൽ ആയിരുന്നു.. മൂന്നു മണിയോടെ ഞങ്ങൾ വീണ്ടും എളാമയുടെ വീട്ടിലേക് തിരിച്ചെത്തി…..

“അളിയാ.. പോകണ്ടേ..”

“എങ്ങോട്ടാടാ.”

എന്റെ അരികിലേക് വന്ന അസറുവിനോട് ഞാൻ ചോദിച്ചു..

“ഇത്താത്ത പറഞ്ഞു.. കേരളം കുണ്ട് കാണാൻ പോകണമെന്ന്..”

“ആ.. അത് ഞാൻ മറന്നു.. ഇപ്പൊ മഴ ഇല്ലല്ലോ.. നമുക്ക് പോയി വേം വരാം.. പിന്നെ.. അഞ്ചു മണിക്ക് ഇവിടെ എത്തണം… നാട്ടിലേക് പോകാനുള്ളതാണ്…”

“അതെന്ത് പണിയാ അളിയാ.. ഞാൻ ഇവിടെ രാത്രിയിലേക് കുറച്ചു കാര്യങ്ങൾ സെറ്റ് ആകിയിട്ടുണ്ട്..”

“അത് എന്ത് സാധനം..”

“നമുക്ക് കുറച്ചു പരിപാടി ഉണ്ടളിയാ…”

എന്താണെന്നറിയാൻ ഞാൻ നാജിയെ നോക്കി.. അവൾക് ഒന്നും മനസിലായില്ല എന്ന് തോന്നുന്നു… അവൾ അറിയില്ല എന്ന മട്ടിൽ ചുമൽ ഇളക്കി കാണിച്ചു..

“ടാ.. കാര്യം പറ…”

“അളിയൻ മാനിറച്ചി തിന്നിട്ടുണ്ടോ..”