എൽസ്റ്റിന 3 [Hope] 345

“…. എടാ മോനു നീയവനേം കൂട്ടിപ്പോയാ പ്രേതാലയമൊന്നു വൃത്തിയാക്കി ഇടുവോ???….”

ഞാനിരുന്ന സെറ്റിയിലെന്റെ കാലിന്റെ ഭാഗത്തായിരുന്നെന്നെ നോക്കി ചോദിച്ചയവരെ ഞാനൊന്നു കൂർപ്പിച്ചുനോക്കി….

പിന്നെ….

“…. പ്രേതാലയവോ???? അതുവെറുതെ കെടക്കുവല്ലേ എന്നത്തിനാ ക്ലീൻ ചെയ്യുന്നേ???…” ന്നും ചോദിച്ചു സോണിപിക്സിലോടിക്കൊണ്ടിരുന്ന ദി മമ്മിയിൽതന്നെ ശ്രദ്ധ കേന്ദ്രികരിച്ചു…..

“…. ഏട്ടൻ വിളിച്ചപ്പോ അതൊന്നു നന്നാക്കിയിടാൻ പറഞ്ഞെടാ….. അച്ചൂനൊരു ഹോമപ്ലൈൻസിന്റെ ഷോറൂമിട്ടു കൊടുക്കാമ്പോവുവാന്ന്….

അതിന്റെ ബാക്കികാര്യോക്കെ നോക്കാനായിട്ടും പ്രേതലയം കാണാനുമൊക്കെയായിട്ട് ഏട്ടന്റെ പാർട്ട്ണർമാരാരോ വരൂന്ന്…..

അവന്റെ ഭാവീടെ കാര്യല്ലേടാ

ഇങ്ങനെയൊക്കെയല്ലാണ്ടവനൊരു നല്ലനെലേലെത്തൂന്നെനിക്കു തോന്നുന്നില്ല….അതോണ്ട്മോനു അവനേങ്കൂട്ടിപ്പോയി അവിടെയൊക്കെയോന്നു വൃത്തിയാക്കിയിടുവോ….”

എന്റെ രണ്ടു കൈയും കൂട്ടിപ്പിടിച്ചു മിനിയമ്മ ചോദിച്ചപ്പോ ഇല്ലാന്നു പറയാനും തോന്നിയില്ല…..

“… മോനു പിന്നെ അവനോടിതിനാന്നു പറയല്ലേ അവനെന്തേലും മുടക്കു പറയും….”

ഞാനോക്കേ പറഞ്ഞതും എന്നെ ഓർമിപ്പിക്കുന്നപ്പോലെയൊന്നുകൂടി പറഞ്ഞു മിനിയമ്മ എഴുന്നേറ്റു പോയി….

ആ അല്ലേലുമിങ്ങനേണ് നമ്മളെ എന്തെലും ആവിശ്യത്തിനു മാത്രം മതി….

വീണ്ടും കുറച്ചുനേരമിരുന്നു ടിവികണ്ടു വെയിലാറിയപ്പോ അവളേമവനേം വിളിച്ചോണ്ടാ പ്രേതാലയം ക്ലീനാക്കാൻ ഞാനിറങ്ങി തിരിച്ചു…..

എന്താ കാര്യോന്നു പറഞ്ഞില്ലെങ്കിലും രണ്ടും കൂടെവന്നു ഭാഗ്യം….