എൽസ്റ്റിന 3 [Hope] 345

ആദ്യം കുറച്ചു കലിപ്പിലാണമ്മ പറഞ്ഞതെങ്കിലും അവസാനം വന്ന ഡയലോഗിൽ കാര്യം സീരിയസാണെന്നു മനസ്സിലായി….. അവളിറങ്ങിപ്പോയിരിക്കുന്നു…

 

“….. ങേ അവളിറങ്ങിപ്പോയോ???…”

 

പെട്ടന്നൊന്നു ഞെട്ടിക്കൊണ്ടു ചോദിച്ചതും എന്നെനോക്കി നിന്നവരെല്ലാം പരസ്പരം നോക്കി….. അതൂടിക്കണ്ടതും ഞാൻ തുടർന്നു….

“…ഞാനുമവളും തമ്മിലൊരു വിഷയോമില്ല ഇനി ഉണ്ടേൽ തന്നെ നിങ്ങളെന്തേലും പറഞ്ഞങ്കിലെ ഉള്ളൂ മുത്തശ്ശിയോടെന്തേലുമവളെ പറഞ്ഞോന്നു ചോദിക്ക് അതാരിക്കും കാര്യം….”

 

മുത്തശ്ശിയെയൊന്നു നോക്കി ഞാൻ പറഞ്ഞതും…”…. നിങ്ങള് തമ്മിലൊരു പ്രശ്നോമില്ലാഞ്ഞിട്ടാണോടാ നീയാ കൊച്ചിനെ തല്ലിയത്…. നാലു വിരലിന്റെ പാടുമാ കൊച്ചിന്റെ കവിളിലുണ്ടാരുന്നു….” ന്നൂന്നും

പറഞ്ഞു മുത്തശ്ശി എരിതീയിലേക്കെണ്ണയൊഴിച്ചു..

 

അതിനു…__”…. തല്ലിയോ..” ന്നു ചോദിച്ചതു ഞങ്ങളെല്ലാമൊരുമിച്ചാരുന്നു….

 

“…. ആ ലതികേ ഇന്നലെ രാത്രിയിവൻ വന്നുകഴിഞ്ഞു കുറച്ചു കഴിഞ്ഞപ്പോ മോളെന്നെ കാണാൻവന്നാരുന്നു വയ്യാ പ്രശ്നങ്ങളുണ്ടെന്നൊക്കെ പറഞ്ഞ്…… അന്നേരാ ഞാൻ മുഖത്തുപാട്കണ്ടത്….

കാര്യമെന്താന്നു ഞാനൊന്നുരണ്ടുതവണ ചോദിച്ചിട്ടും പറഞ്ഞില്ല പിന്നെ ഇങ്ങനെ എന്തെങ്കിലും സംഭവിക്കുവാണേൽ തന്നെ അതൊക്കെ ഒപ്പിക്കുന്നതും ഇവൻ തന്നെയാരിക്കുവല്ലോ അതുകൊണ്ട് ഞാൻ കുത്തികുത്തി ചോദിക്കാനും പോയില്ല…. ഇപ്പൊ രാത്രിയൊരുപാടു വൈകിയില്ലേ അതുകൊണ്ടു നാളെ പ്രശ്നങ്ങളൊക്കെ സംസാരിച്ചുതീർക്കാന്നും പറഞ്ഞു വിട്ടതാ….”

 

മുത്തശ്ശി പറഞ്ഞുതീർത്തപ്പോ ആദ്യം നോക്കിയിരുന്നതു പോലെയെല്ലാരും കൂടി വീണ്ടുമെന്നെ നോക്കി അതിലശ്വിന്റെ നോട്ടമെന്നെ അത്യാവശ്യം നന്നായിട്ടുതന്നെ തളർത്തിയിരുന്നു….

 

“… എന്നിട്ടു നിങ്ങളവളെ വിളിച്ചില്ലേ???….”

 

പെട്ടെന്നോർത്തെടുത്തു ഞാൻ ചോദിച്ചതും…..

“… വിളിച്ചിട്ടേടുക്കണില്ല ഫോണു സ്വിച്ചോഫാ….” ന്നശ്വിൻനാണ് മറുപടി പറഞ്ഞത്…!! എന്നാ എന്നോടുള്ള കലിപ്പിലാണോ അവന്റെ ശബ്‍ദത്തിനു ഭയങ്കര കട്ടിയാരുന്നു…

 

“… ആ കൊറച്ചു കഴിയുമ്പോ ഫോണെടുത്തോളും തോന്നുവാണേൽ തിരിച്ചു വരും…. നിങ്ങളാരും പേടിക്കുകേന്നും വേണ്ട…..”