എൽസ്റ്റിന 3 [Hope] 345

അങ്ങനെ വീണ്ടും പട്ടി നടക്കുന്നതുപോലെ നടന്നോരാഴ്ച്ച ഊംഫിക്കോന്നും പറഞ്ഞു പല്ലിളിച്ചു കാണിച്ചു കടന്നു പോയി അതോടെ അവള് കൊടുത്ത മോട്ടിവേഷന്റെ പവറും കുറഞ്ഞു…..ഇതിനിടയിലെന്നെ ഞെട്ടിച്ചു കൊണ്ടവളടുക്കളയിലും കേറി തുടങ്ങി ഒരു പണിക്കാരിയെ കിട്ടിയ സന്തോഷത്തിൽ രജിതേച്ചി ഉള്ള പണി മൊത്തം അവൾക്കു കൊടുക്കുകേം ചെയ്‌തു…..

ഒരന്യഗ്രഹജീവിയെക്കൊണ്ടടുക്കള പണിയെടുപ്പിച്ച ആദ്യത്തെ മനുഷ്യന്മാരുഞങ്ങളാരിക്കൂലെ???… ആ അല്ലേലും ഇതൊക്കെ മലയാളികളെകൊണ്ടേ പറ്റൂ….

 

ഇതിന്റെയൊക്കെയിടയിലവളനു കൊടുത്ത മോട്ടിവേഷനെ പൂർണമായും നിർവീര്യമാക്കാനായി “….നമുക്കുവേറെയെതേലും പെണ്ണിനെ സെറ്റാക്കാടാ…”__ന്നൊക്കെ പറഞ്ഞവനെ ഉപദേശിച്ചു മാവിന്റെ ചോട്ടിലിരിക്കുമ്പോഴാണവളടുക്കളപണിയൊക്കെ കഴിഞ്ഞു കൈയിൽപറ്റിയ വെള്ളമൊക്കെ

ഇട്ടിരുന്ന ചുരിദാർടോപ്പീത്തൂത്തോണ്ടു ഞങ്ങക്കിടയിലേക്കു വരുന്നത്…..

 

“…. എന്ന രണ്ടുങ്കൂടെ പ്ലാൻ ചെയ്തോണ്ടിരുന്നേ???…”

 

എന്തോ സീരിയസായി സംസാരിച്ചോണ്ടിരുന്നു പിന്നെയവളു വന്നപ്പോ നിർത്തിയതു കണ്ടാണെന്നു തോന്നുന്നു അവളുചോദിച്ചത്…..

 

“… ഏയ്‌ ഒന്നൂല്ലടി നമുക്കെതേലും പുതിയതിനെ സെറ്റാക്കാന്നു പറഞ്ഞോണ്ടിരിക്കുവാരുന്നു….

അതു പോരെടാ….”

 

ഞാനവളെനോക്കി പറഞ്ഞു പിന്നെയവനെ നോക്കി ചോദിച്ചതും അവനുമൊന്നു തലകുലുക്കി….

 

“… അയ്യേ അതെന്താ ഇപ്പൊ അങ്ങനെ തോന്നാൻ???…”

 

“… ഒരു പെണ്ണിന്റെ പൊറകെ ഇത്രേം ദിവസം നടന്നിട്ടും അവളുമൈന്റു ചെയ്തില്ലേൽ പിന്നെയെന്തു തോന്നണം….”

 

ഇത്തവണ ചോദ്യത്തിനുത്തരമരുളിയതശ്വിനായിരുന്നു…. അതെന്തായാലും നന്നായി ഞാൻ പറയുന്നതിലും പവറുകിട്ടും അവൻ പറഞ്ഞാ….

 

“…. ആഹാ അതാരുന്നോ… എടാ ഇതൊക്കെ അവള്ടെയൊരു ടെസ്റ്റിങ്ങല്ലേ….”