എൽസ്റ്റിന 3 [Hope] 345

വണ്ടിസ്റ്റാർട്ടാക്കിതിരിക്കാനായി റിവേഴ്‌സെടുത്തപ്പോഴേക്കും

ഇരുട്ടിൽ നിന്നുമൊരു കാറവളുടെ നേരെച്ചീറിപ്പാഞ്ഞുവന്നു ഒരു സെക്കന്റവൾടെ അടുത്തു നിർത്തി രണ്ടാമത്തെ സെക്കന്റിലവളെയാ കാറിലേക്കെടുത്തിടുന്നതുമാണ് ഞാൻ കാണുന്നത് മൂന്നാമത്തെ സെക്കന്റിലവളുടെവായീന്നമ്മേന്നുള്ള വിളിയും നാലാമത്തെ സെക്കന്റിലാ വണ്ടി മുന്നോട്ടെടുത്തതും പൊതുവെ മണ്ടനായയെന്റെ മനസ്സിത്തവണ പെട്ടെന്നു പ്രവർത്തിച്ചു അഞ്ചാം സെക്കന്റിലാഗീയർ മാറി ആക്‌സിലേറ്ററിലേക്കു ഞാൻ കാലമർത്തീ അന്നാ ഓഫീസിനു മുന്നേക്കണ്ട അതെ നാപ്പത്തിമൂന്നാം നമ്പർഹോണ്ടാസിറ്റി മുന്നോട്ടെടുത്തതും ഞാനും പുറകെ വെച്ചു പിടിച്ചു….

ഒരു നൂറുമീറ്ററെന്നെ ഡ്രൈവ് ചെയ്യാനനുവദിച്ചിട്ടുണ്ടാവും അപ്പോഴേക്കും ഗ്ലാസ്സു തുറന്നു തലപ്പുറത്തേക്കിട്ടൊരുത്തൻ അതിന്റെ കൂടെയൊരു ഗണ്ണുകൂടി പുറത്തേക്കിട്ടെന്റെ വണ്ടിനോക്കി ട്രിഗ്ഗറമർത്തി റീഫ്ളക്സിട്ടു വെട്ടിച്ചു ബ്രേക്കമർത്തിയൊരു സർവേ കല്ലിലേക്കിടിച്ചു നിർത്തിയപ്പോഴേക്കും എനിക്കു നേരെവന്നയാ ബുള്ളറ്റെന്റെ വണ്ടിടെ റൈറ്റു മിററിനെ തകർത്തുപ്പോയിക്കഴിഞ്ഞിരുന്നു…..

എന്നാലതു ശ്രദ്ധിക്കാതെയാ വണ്ടിപോയ വഴി നോക്കിയപ്പോ ആകെമൊത്തമൊരുരിട്ടു മാത്രാരുന്നു മൈന്റിലും അതുതന്നെയായതു കൊണ്ടായിരിക്കും പിന്നെയെന്റെ വണ്ടി ചലിച്ചില്ല….. കുറെ നേരമെന്തൊക്കെ ആലോചിച്ചങ്ങനെയിരുന്നു

അതിനിടയിൽ പുറത്തേക്കിറങ്ങിയ മോളുതിരിച്ചു വരാത്തതു കൊണ്ടാണെന്നു തോന്നുന്നു ജോഷ്മിടെ അമ്മേമച്ഛനുമിറങ്ങി വരുന്ന സൗണ്ടു കേട്ടപ്പോ വീണ്ടും വണ്ടിയെടുത്തു തിരിച്ചു പോന്നൂ….

ഒരുവിധം വണ്ടിയോടിച്ചു തിരിച്ചു തറവാട്ടീലേക്കെത്തിയപ്പോ എന്നെനോക്കി എൽസ്റ്റൂം അശ്വിനും വാതിക്കേല് തന്നെയിരുപ്പുണ്ടാരുന്നു….

അവരുടെ “…എവിടെപ്പോയതാ, എന്തിനു പോയതാ…”…ന്നൊക്കെയുള്ള ചോദ്യങ്ങൾക്കൊന്നും മുഖം കൊടുക്കാതെ നേരെവന്നു കട്ടിലിലേക്കു വീണു…..

കുറച്ചു സമാധാനത്തിനു വേണ്ടിക്കണ്ണടച്ചു പക്ഷെയാ വീഡിയോയും അവളു പറഞ്ഞതും പിന്നെയവളേ തട്ടിക്കൊണ്ടു പോയതുംമൊക്കെയുമായിരുന്നു തലക്കുള്ളിൽ ഫുള്ളും….

___ അതിലിടക്കിടെയെന്റെ തലച്ചോറെനിക്കു നേരെ വന്ന ബുള്ളറ്റിനെ ഹൈലൈറ്റെന്നപോലെ കാണിക്കേങ്കൂടി ചെയ്തതോടെ ഉറക്കം പോയെന്നും മനസ്സിലായി എന്നിട്ടും കണ്ണടച്ചു തന്നെ കിടന്നു,,….

കണ്ണു തുറന്നാക്കാണുന്നതൊരു കൊലപാതകിയെയാ അതിലും ഭേദം തോക്കിന്റുണ്ട തന്നെയാ…..

അങ്ങനെ മനസ്സമാധാനത്തെ കാർന്നുതിന്നോണ്ടിരുന്ന ചിന്തയും സ്വപ്നവുമൊക്കെക്കഴിഞ്ഞെപ്പോഴാ ഉറങ്ങിയതെന്നറിയില്ലെങ്കിലും

മുതുകിൽ കിട്ടിക്കൊണ്ടിരുന്നയിടികളാണെന്നെ ഉണർത്തിയതെന്നെനിക്കു മനസ്സിലായി…..

രണ്ടും കണ്ണുമമർത്തിത്തിരുമി ഉറക്കംമാറാതെ കണ്ണു തുറന്നതും കുടുംബത്തിലെയെല്ലാവരും എന്റെ റൂമിലുണ്ട്…..