എൽസ്റ്റിന 3 [Hope] 345

വീഡിയോലവൾടെ മുഖം കണ്ടു സത്യമാണോന്നുപോലും മനസ്സിലാവതിരുന്ന ഞാനടുത്ത നിമിഷം ജോഷ്മി വിളിച്ചനമ്പറിലേക്കു റീഡയൽ ചെയ്തു ഞാൻവിളിക്കാൻ കാത്തു നിന്നതെന്നപോലെ ആദ്യത്തെ റിങ്ങിൽ തന്നെ കോളറ്റന്റുചെയ്യപ്പെടുകയും ചെയ്തു……

 

“… ഇത് ഇതേൽസ്റ്റൂ…. ഇതേ….”

 

“… അതെ എൽസ്റ്റിന തന്നെയാ…”

 

അവളല്ലേന്നു ചോദിക്കാൻ ശ്രമിച്ചപ്പോ വാക്കുമുറിഞ്ഞു പോയയെന്നെ പൂർത്തിയാക്കാനവളുസഹായിച്ചോണ്ടു പറഞ്ഞപ്പോ ഞാൻ വീണ്ടുമൊന്നു ഞെട്ടി…..

 

“….ജോഷ്മി തനിക്കീ വീഡിയോ എവിടെന്നാ കിട്ടിയേ ഇതെന്നെത്തെയാ??…ഇതേതാ????….”

 

പേടിച്ചു നാക്കിറങ്ങിപ്പോയ ഞാനെങ്ങനെയോ ചോദിച്ചോപ്പിച്ചു….

 

“… ഞങ്ങടെ പഴയ ഗോഡൗൺ കത്തിപ്പോയില്ലേ അന്നത്തെ വിഷ്വലാ….. ഇതിലുള്ളതുതന്റെ ഗേൾഫ്രണ്ടാന്നെനിക്കറിയാം അതിനുള്ള വേറെ തെളിവുമെന്റെലുണ്ട് പക്ഷെ എനിക്കറിയണ്ടതിതല്ല ഈ നടക്കുന്നതിൽ നിനക്കും അശ്വിനും എന്തെങ്കിലും പങ്കൂണ്ടൊന്നാ….”

 

വാക്കുകളിലാവശ്യത്തീക്കൂടുതൽ കലിപ്പുനിറച്ചു ജോഷ്മി ചോദിച്ചു നിർത്തിയതും…_”…. അല്ല അമ്മസത്യായിട്ടും ഇതിനെപറ്റിയൊന്നുനിക്കറിയില്ല…” ന്നു ഞാനാണയിടുവാരുന്നു….

 

“…. ആ പെണ്ണുതന്റെ ഗേൾഫ്രണ്ടായിട്ടും തനിക്കിതിനെപ്പറ്റിയൊന്നും അറിയില്ലന്നു ഞാൻ വിശ്വസിക്കണോ????…”

 

വീണ്ടുമതേ സൗണ്ടുമോഡ്ലേഷനോടെയവളു ചോദിച്ചതും ഞാനൊന്നു വിറച്ചു…. അതുകൊണ്ടാരിക്കണം

“…അവള്അവളെന്റെ ഗേൾഫ്രണ്ടൊന്നുല്ല….

ഓരോടിനറി ലൈഫീ ജീവിക്കണം ലൈഫെക്സ്പ്ലോറുചെയ്യണം അതിനവളെ ഹെൽപ്പുചെയ്താ കാശുതരാന്നും പറഞ്ഞപ്പോ ക്യാഷ്കിട്ടൂന്നോർത്തു കൂടെക്കൂട്ടിയതാ….” ന്നു ഞാൻ പറഞ്ഞത് എന്നാലും

അവളെലിയനാന്നു പറയാനെനിക്കന്നേരം തോന്നിയില്ല ഇനി പറഞ്ഞാലുമവളതു വിശ്വസീക്കൂന്നു തോന്നുന്നുമില്ല

അതുകൊണ്ടു ഞാനൊരു കള്ളം പറഞ്ഞു….

 

പക്ഷെ ഞാൻപറഞ്ഞു തീർന്നപ്പോഴേക്കും പിന്നെയവിടെക്കുറച്ചുനേരം അത്ര സുഖമല്ലാത്തൊരു നിശബ്ദത തളംകെട്ടി നിന്നു….

അവളെന്തോ ആലോചിക്കുവാന്നു ഞാനൂഹിച്ചു….