എന്റെ ഗീതൂട്ടി ?? 5 [John Wick] 82

“മണികണ്ടേട്ടൻ പറയാതെ അവരിത് അറിയില്ല…..”ഞാൻ സംശയദൃഷ്ടിയോടെ മണിക്കണ്ടേട്ടന്റെ മുഖത്തേക്ക് എന്റെ നോട്ടമെറിഞ്ഞു…..

“ഞാനൊന്നും പറയില്ല്യേ….നീയത് പേടിക്കണ്ട….”മണികണ്ടേട്ടൻ പറഞ്ഞു….

ഞാൻ ആ ആൽമരച്ചുവട്ടിൽ നിന്നും മണികണ്ടേട്ടനോട് യാത്ര പറഞ്ഞതിന് ശേഷം ഇറങ്ങി നേരെ അച്ഛന്റെ സൂപ്പർ മാർക്കറ്റിലേക്ക് പോയി….

അന്ന് വൈകും വരെയും കടയിലെ ഓരോ പണികളിൽ ഞാൻ മുഴുകി ഇരുന്നു….

അന്നത്തെ കച്ചവടം കഴിഞ്ഞ് ഒരു എട്ട് മാണിയോട് കൂടെ ഞാനും അച്ഛനും കൂടി വീട്ടിലേക്കുള്ള സാധനങ്ങളുമായി കടയടച്ചു വീട്ടിലേക്ക് തിരിച്ചു…..

ഞങ്ങൾ വീട്ടിലെത്തിയപ്പോഴേക്കും എല്ലാവരും എത്തിയിരുന്നു….. അവരെല്ലാവരും ഞങ്ങളെ കാത്തിരിക്കുകയായിരുന്നുവെന്ന് എനിക്ക് തോന്നി…..

ഉമ്മറത്തെത്തിയ എന്നോട് എല്ലാവരും ക്ലാസ്സ്‌ എങ്ങനെയുണ്ടായിരുന്നു ചോദിച്ചു….. അവർക്കെല്ലാം ഞാൻ അതിനുള്ള മറുപടി കൊടുത്തതിനു ശേഷം സാധനങ്ങളെല്ലാം ഞാൻ അകത്തു കൊണ്ടുപോയി വെച്ചു…..

അതിന് ശേഷം ഞാൻ നേരെ മുറിയിൽ പോയി കുളിച്ചു വന്നു…..അതിന് ശേഷം അച്ഛനും കുളിച്ചു വന്നു….

അച്ഛൻ വന്നതോടു കൂടി ഞങ്ങളെല്ലാവരും ഭക്ഷണം കഴിക്കുവാനായി ഇരുന്നു….ഭക്ഷണം കഴിച്ചതിനു ശേഷം എല്ലാവരും ഉമ്മറത്തു ഒത്തുകൂടി….

ഞാൻ ഗീതൂട്ടിയുടെയും വല്യേച്ചിയുടെയും കൂടെയാണ് ഇരുന്നത്….അങ്ങനെയിരിക്കുമ്പോൾ ഗീതൂട്ടിയുടെ നോട്ടം പലവുരു എന്നെ തേടിയെത്തിയെങ്കിലും ഞാനപ്പോഴെല്ലാം നിർദയം അവളുടെ നോട്ടത്തെ അവഗണിച്ചു കൊണ്ടിരുന്നു……