എന്റെ ഗീതൂട്ടി ?? 5 [John Wick] 81

ഇവരിൽ ആരെയാണ് ഞാൻ കൂടുതൽ സ്നേഹിക്കുന്നത് എന്ന് എനിക്ക് തിരിച്ചറിയാൻ കഴിയാത്ത അവസ്ഥയിലെത്തിയിരിക്കുന്നു……

ഗീതൂട്ടിയാണെങ്കിൽ തന്നെ ഒരിക്കലും സ്നേഹിക്കില്ല എന്ന് എന്നിലെ തന്നെ ഒരു ഭാഗം വിശ്വസിച്ചു വരുന്നു…..

മറ്റൊരു വശത്ത് ഒറ്റ ദിവസം തനിക്ക് പ്രേമം തോന്നിയ സഞ്ചനയും….അത് പ്രേമമാണോ അതോ മറ്റെന്തെങ്കിലുമാണോ എന്ന് തന്നെ എനിക്ക് അറിയില്ല…..

അങ്ങനെ കുറെ ചിന്തിച്ചതിനു ശേഷം ഞാനൊരു തീരുമാനത്തിലെത്തി….ഇനി ഗീതൂട്ടിയെ ശല്യം ചെയ്യുന്നത് നിർത്താം….

കാരണം അവൾക്കൊരിക്കലും എന്നെ സ്നേഹിക്കാൻ കഴിയില്ല എന്ന് ഞാൻ പോലുമറിയാതെ എന്റെ ഉള്ളിൽ ഒരു വിശ്വാസം വന്നിരിക്കുന്നത് ഞാനറിഞ്ഞു…..

പിന്നെ സഞ്ജന….അവളുടെ കാര്യം വരുന്നേടത്ത് വെച്ച് കാണാമെന്നും ഞാനുറപ്പിച്ചു….

ലേശം നേരം കൂടി ഞാൻ ആ ആലിൻ ചുവട്ടിലിരുന്നു….കുറച്ച് കഴിഞ്ഞപ്പോൾ ഒരാളെന്നെ തട്ടി എണീപ്പിച്ചു…..

“എന്താ കുട്ടാ പതിവില്ലാതെ ഈ വഴിയൊക്കെ……?” എന്നെ തട്ടി വിളിച്ച ഷാപ്പിലെ മണികണ്ടേട്ടൻ എന്നോട് ചോദിച്ചു….. പുള്ളി അച്ഛന്റെ ഒരു സഹപാഠി കൂടി ആയതിനാൽ എന്നെ വളരെ നന്നായി അറിയാം…..

“ഒന്നുല്ല മണികണ്ടേട്ടാ….ചുമ്മാ വരണന്ന് തോന്നി… വന്നു….”ഞാൻ മൂരി നിവർന്നുകൊണ്ട് പറഞ്ഞു…..

“നീയെങ്ങാനും ഒറ്റക്ക് ഇവിടെ വന്നൂന്ന് അറിഞ്ഞാൽ നിന്റെ ചെറിയച്ഛന്മാര് പിന്നെ നിന്നെ ബാക്കി വെക്കില്ല്യ…..”മണികണ്ടേട്ടൻ എന്നെ ഓർമിപ്പിച്ചു…..