എന്റെ ഗീതൂട്ടി ?? 5 [John Wick] 83

ഏതോ ഒരു ഉൾപ്രേരണയാൽ ഞാൻ ഇടത്തേക്ക് തിരിഞ്ഞു….പതിയെ നല്ല ഉച്ചക്ക് ശേഷമുള്ള വെയിൽ കൊണ്ട് ഞാൻ നല്ല പച്ചപ്പ് നിറഞ്ഞ വാഴത്തോട്ടങ്ങളിലൂടെയും തെങ്ങിൻ തൊപ്പുകളിലൂടെയും യാതൊരു ലക്ഷ്യവുമില്ലാതെ നടന്നു….

ആ നടത്തം നിന്നത് കള്ള് ഷാപ്പിന് പുറത്തുള്ള ആലിൻ ചുവട്ടിലാണ്……

വൈകീട്ട് പണി കഴിഞ്ഞു പോകുന്ന പണിക്കാരെയും ചുമ്മാ വെടി പറയാൻ വരുന്നവരെയും കൊണ്ട് ഈ ആലിൻ ചുവട് നിറയും….വളരെ രസമുള്ള കാഴ്ചയായിരിക്കുമത്…..

എന്നാലിപ്പോൾ ആ ആലിൻ ചുവട് വളരെ തിരക്കൊഴിഞ്ഞ് ശാന്തതയിലാണ്….ഞാൻ പതിയെ ആ ആലിൻ ചുവട്ടിലിരുന്നു…..

അച്ഛൻ അച്ഛന്റെ കുട്ടിക്കാലത്ത് ഇവിടെ വന്നിരിക്കാറുണ്ടായിരുന്ന ഓർമകളെല്ലാം എന്നോട് പറഞ്ഞിട്ടുണ്ട്…..അതും ഈ ആലിൻ ചുവട്ടിൽ വെച്ച് തന്നെ….

അന്ന് തൊട്ട് എനിക്ക് എന്തോ ഇഷ്ട്ടമാണ് ഈ വൃദ്ധയായ അരയാലിനെ…..

ഓരോ സായാഹ്നങ്ങളിലും കൂടുന്ന ആളുകളിൽ നിന്ന് ദിവസേന കേൾക്കുന്ന പുതിയ കഥകളെല്ലാം കേൾക്കുന്നുണ്ട് ഈ മുത്തശ്ശി…..

ഒരു കണക്കിന് പറഞ്ഞാൽ ഈ നാടിന്റെ ചരിത്രവും ഓരോ കഥകളും ജീവിക്കുന്നവരെക്കാളും മരിച്ചു മണ്ണടിഞ്ഞു പോയവരെക്കാളും നന്നായി ഈ മുത്തശ്ശി മരത്തിനു അറിയുന്നുണ്ടാവും……

ഞാൻ ആ അരയാലിന്റെ ചുവട്ടിൽ എന്റെ കണ്ണുകളടച്ചിരുന്നു….. മനസ്സിൽ തെളിഞ്ഞത് സഞ്ചനയും ഗീതൂട്ടിയും മാത്രമായിരുന്നു….. മറ്റൊരർത്ഥത്തിൽ പറഞ്ഞാൽ ഞാനിപ്പോൾ നേരിടുന്ന കുരുക്കഴിയാത്ത സംശയം…..