എന്റെ ഗീതൂട്ടി ?? 5 [John Wick] 83

കുറച്ച് കഴിഞ്ഞ് ഞങ്ങളെല്ലാവരും ഉമ്മറത്തു വന്ന് കുറച്ചു നേരം സംസാരിച്ചിരുന്നു….

ആ നേരമത്രയും ഞാൻ ആ വെള്ളാരം കണ്ണിയെ ആലോചിച്ചു കൊണ്ടിരിക്കുകയായിരുന്നു…..

സാധാരണ ഈ സമയങ്ങളിൽ എന്റെ ഒരു കണ്ണ് ഗീതൂട്ടിയുടെ മേൽ തന്നെ ആയിരിക്കും….. എന്നാൽ എന്തോ….ഇന്ന് ഞാൻ ഗീതൂട്ടിയെ അപ്പാടെ മറന്നിരുന്നു….

അല്ലെങ്കിൽ നാഴികക്ക് നാൽപ്പത് വട്ടം ഗീതൂട്ടിയെ കുറിച്ച് ഓർത്തുകൊണ്ടിരുന്ന എനിക്ക് എന്ത് പറ്റിയെന്നു എത്ര ആലോചിച്ചിട്ടും എനിക്ക് മനസിലായില്ല…

മനസ്സിലെ ചിന്തകൾ കാട് കയറിയപ്പോൾ ഞാൻ ഉമ്മറത്തു നിന്ന് പതിയെ എണീറ്റു….

“എങ്ങോട്ടാടാ…?”ഞാൻ എഴുന്നേറ്റത് കണ്ട ചെറിയമ്മ എന്നോട് ചോദിച്ചു….

“ഞാൻ വെറുതെ ഒന്ന് കട വരെ പോയിട്ട് വരാം ചെറിയമ്മേ…..”ഞാൻ ചെറിയമ്മയോട് പറഞ്ഞു….

“ആഹ് ശെരി….നീ ആ ടേബിളിൽ നിന്ന് ആ ലിസ്റ്റ് കൂടെയെടുത്തോ….”ചെറിയമ്മ എന്നോട് പറഞ്ഞു….

ഞാൻ നേരെ അകത്തു ചെന്ന് ടേബിളിൽ നിന്ന് ലിസ്റ്റ് എടുത്ത് എല്ലാവരോടും പറഞ്ഞിട്ട് വീട്ടിൽ നിന്ന് ഇറങ്ങി….വീടിന്റെ ഗേറ്റ് കടന്ന് ഞാൻ ഒരു ചെറിയ റോഡിലെത്തി…..

അവിടെ നിന്ന് ഇടത്തോട്ട് പോയാൽ കള്ള് ശാപ്പടക്കം നിൽക്കുന്ന ഞങ്ങളുടെ പറമ്പുകളിലേക്കും……വലത്തോട്ട് പോയാൽ അച്ഛന്റെ കടയും ഞങ്ങളുടെ സ്കൂൾ നിൽക്കുന്ന ഭാഗത്തേക്ക്‌ പോകാം…..