എന്റെ ഗീതൂട്ടി ?? 5 [John Wick] 83

അങ്ങനെ ഇരിക്കെ….ഒരിക്കൽ ഗീതൂട്ടി എന്നോട് സഞ്ചനയുടെ കാര്യം തിരക്കി….ഒരു രാത്രി പഠിച്ചോണ്ടിരിക്കുന്ന എന്റെ അടുത്തേക്ക് ഗീതൂട്ടി വന്നു…..

“എടാ… നിന്റെ ക്ലാസ്സിലാണോ ആ പുതിയ പെൺകുട്ടി…?” ഗീതൂട്ടി എന്നോട് ചോദിച്ചു….

“ഏത് പെൺകുട്ടി?” സഞ്ചനയെ കുറിച്ചാണ് ഗീതൂട്ടി ചോദിച്ചത് എന്ന് മനസിലായിട്ടും ഞാൻ അറിയാത്ത ഭാവത്തിൽ ചോദിച്ചു…..

“ആ ഒരു വെള്ളാരംകണ്ണി ഇല്ലേ?? അവൾ നിന്റെ ക്ലാസ്സിലാണോ എന്ന്?”ഗീതൂട്ടി ചോദിച്ചു…..

“ആഹ്… അതെ… അവൾ എന്റെ ക്ലാസ്സിലാണല്ലോ….എന്തെ?”ഞാൻ തിരിച്ച് ചോദിച്ചു…..

“ഏയ്… ഒന്നുല്ല….നീ അവളോട് വല്യ കൂട്ടിനൊന്നും പോണ്ട ട്ടോ….ഭൂലോക രംബയാണെന്നാ അവളുടെ വിചാരം…..”ഗീതൂട്ടി എന്നോട് പറഞ്ഞു….

“ഞാനൊന്നും അവളോട് കൂട്ടിന് പോകുന്നില്ല…..”ഞാൻ പറഞ്ഞു….

അത് കേട്ട സമാധാനത്തിൽ ഗീതൂട്ടി കൂടുതലൊന്നും പറയാതെ പുറത്തേക്ക് പോയി….. അവൾക്ക് നല്ല രീതിയിൽ അസൂയ കുടുങ്ങിയിട്ടുണ്ടെന്ന് എനിക്ക് മനസിലായി…..

അങ്ങനെ ഞങ്ങളുടെ ഒമ്പതാം ക്ലാസ്സിലെ ആദ്യ പരീക്ഷയെത്തി….. കാക്കൊല്ല പരീക്ഷ അഥവാ ഓണപരീക്ഷ….. എല്ലാവരും പരീക്ഷക്ക് വേണ്ടി തകർത്തു പഠിച്ചു കൊണ്ടിരുന്നു…..

ഇപ്പ്രാവശ്യം സഞ്ജന മികച്ച പ്രകടനം കാഴ്ചവെക്കുമെന്ന് എല്ലാവർക്കും അറിയുമായിരുന്നു…..